سويت حادث قولولي اش اسوي

[mem_1910]

سويت حادث ما خلا شي في الواجهة الامامية مالت السيار شيء و لما يبت اسعار قطع الغيار من الهوندا لقيتها 1000 دينار

ابي حد ينصحني ايبهم من السكراب و لا شنو و لو في احد عنده رقم معلم من معلمين السكراب يا ليت ما يبخل بيه

هوندا اكورد 2006

 

[I T C]

اخوى روح السكراب جهة سكن العزاب كلهم هوندا بس اخوى دير بالك يبيعونك شى تايوان يعنى يقولك هذى القطع يابانيه وجايه مع سيارات اليابان ترا يبيعونك قطع بعضها يابانى وبعضها تايوان وخاصتا الراديتر وشوف اخوى محل اعتقد الثالث من جهة السكراب افغانى ضعيف له لحيه ومعاه هندى وسورى ولد شباب وعشان تعرف المحل بالطرف عندهم مكينة بنشر هذا اكبر غشاش لاتشترى منه ..



والله يوفقك



قبل لاتشترى اى قطعه شوف عليها made in gaban

 

[mem_1910]

مشكور و ما قصرت
بس يا ليت لو في احد يعرف احد مضمون
و ارقامهم
مشكورين

 

[sawa7]

الحمد لله على السلامه
للاسف ما عندي احد سامحني

موفق خير

 

[mem_1910]

نزين تنصحون اييب تجاري و لا اروح السكراب

 

[أبوعبدالوهاب]

الحمدلله على السلامة
و انت دور بنفسك لا تعتمد على احد وشوف اللي قلبك يرتاحله
او اخذ اثنين من ربعك ويمكن واحد ينصحك لأن السكراب فيها غش بس انت شوف اللي راكب على السيارات مو اللي مخزنينة
وبالتوفيق وبلغنا بعدها
ويعينك الله على السكراب ومغثته

 

[mem_1910]

انزين ابو عبد الوهاب
أسعار القطع بالوكالة 800 دينار و تجاري 300 بس الميكانيكي اللى وديتله السيارة قالي انو قدر يوفجها ب 390 اصلي بالكرتون مالها تبع ناس ييبون اغراض من دبي
شنو تنصح و شلون اتأكد ان القطع اللى يابها صج اصلية

 

[بدر مساعد]

خطاك السوء ...بالحديد ولا فيك ...الحمدلله على السلامة...ما أقدر أفيدك بشئ لكن موفق إن شاء الله

 

[A.M.W]

اذا تبي نصيحتي لاتخلي احد يجيبلك القطع انت اشترهم ترا يجيبلك تجاري وقطع مصلحه ومن السكراب خصوصا اذا كان سوري مع احترامي لازم بياكل منك اقل شي 100 خذها عن تجربه

روح بنفسك وخذ قطع تجاري واصلي وانا اقولك شلون

القطع التجاري خذهم مثل الدعامية لصطابات الشبك الامامي الصاجة اللي تحت الكبوت ومطارة الماي اللي توصل لي الراديتر بالعربي يعني القطع غير الميكانيكية خذهم تجاري

اما القطع الثانية مثل الراديتر بكرات الغايش المراوح خذهم اصلي

وبالنسبة للهيئة الاماميه انصحك تروح لواحد فاهم وتستشيره عشان يقولك شنو اللي تجيبه اصلي وشنو اللي تقدر تجيبه تجاري

وطبعا الكبوت والمداقر مايحتاج تشتريعم شوفلك حداد زين يضبطهم لك

وانا انصحك تترك الوكاله لأن قطعها نار خصوصا الهوندا صج انها ممتازة بس ماتسوى تقط فلوسك بهالقيمة على السيارة بيتك وعيالك اولى فيهم

 

[بو عبداللطيف88]

الله يعينك؟
وانشالله الشباب ما يقصرون معاك

 

[alakhal]

اخوي اذا تشوف الوكالة بالسعودية او البحرين اظن يطلع فرق بالسعر