الصفوه 260 فلس

الموضوع في 'السوق الكويتي للأوراق الماليه' بواسطة signalindex, بتاريخ ‏17 يناير 2009.

  1. signalindex

    signalindex موقوف

    التسجيل:
    ‏8 أكتوبر 2005
    المشاركات:
    325
    عدد الإعجابات:
    0
    مساكم الله بالخير انا اعلم انه كل واحد شاف العنوان على باله ان انا عندي معلومه او تحليل ان الصفوه رايحه لل 260 فلس لكن هالتفكير غير صحيح بالمره والصحيح اني شاري الصفوه بسعر 260 فلس ولا اعلم الى متى النزول انا ما اقدر ادعي على اعضاء مجلس الاداره او الملاك او اللي قاعد يبيع لاني في يوم من الايام كنت ادعيلهم مجلس الادارة وزع ارباح طيبه في السابق ونهض بالشركة الملاك ادعمو السهم حتى وصل الى اسعار ممتازه اللي يبيع الحين صدقوني سابقا كان يشتري وعموما الدعوى على مسلم ما راح ترد حلالي يعني ما راح تفيدني وراح تضر غيري لذلك تركها افضل.
    انا ارجو من الاخوه لابتوب وميكانيكي وابو النصح وسبيلند وحاطب ليل ويونكس وكل من له الخبره في التحليل افادتي انا وغيري من اخوانكم بالمنتدى هل السهم مجدي وفق التحليل الفني ؟ وماهي اهدافه؟ هل انبيع بهالاسعار ونرد ناخذه تحت اذا نزل ؟ ولا نطلع منه مره وحده ؟ هل انبرد على السهم اذا كان هناك امكانية صعود ؟ اخواني انا واخوانكم نرجو انكم ما تبخلون علينا بما اتاكم الله من علم وجزاكم الله خير الجزاء .
     
  2. aclient

    aclient عضو نشط

    التسجيل:
    ‏9 يونيو 2008
    المشاركات:
    2,453
    عدد الإعجابات:
    174
    مكان الإقامة:
    الكويت
  3. وايلي

    وايلي عضو نشط

    التسجيل:
    ‏8 ابريل 2008
    المشاركات:
    2,719
    عدد الإعجابات:
    2,905
    الله لا يخسرك ياخوي
    واعتقد سعر السهم الان فرصة
    بالذات للتعديل
    لان لو كنت شاري 10000 سهم بسعر 260 فلس
    الان وحدة السهم 80000 الف ويصبح سعر السهم حوالي 57 فلس
    ولنفرض نزل السهم 30 فلس وشريت وحدة فوقهم راح يصير سعر السهم عليك
    44.30
    فتخيل بدال لا تنطر السهم على 260 فلس
    تربح عليه وعلى 50 فلس
    بالتوفيق لك

    واحسبها انت عاد
     
  4. أسد سليمان ملك

    أسد سليمان ملك عضو مميز

    التسجيل:
    ‏15 مايو 2008
    المشاركات:
    8,659
    عدد الإعجابات:
    0
    مكان الإقامة:
    uk
    يجب دراسة الاصل قبل الشراء
    الانتظار حتى تتضح الصوره من موضوع الافلاسان او عدمه

    المهم الانتظار الى ما ستأول اليه التوزيعات
     
  5. دولار$

    دولار$ عضو نشط

    التسجيل:
    ‏3 سبتمبر 2007
    المشاركات:
    4,371
    عدد الإعجابات:
    70
    يعطيك العافيه اخوي assad
    ممكن توضح شنو تقصد بـ ( الافلاسان )
    هل هذا سبب الكيبورد ام سبب أخر .. ولك مني كل الشكر
     
  6. المعوشرجي79

    المعوشرجي79 عضو جديد

    التسجيل:
    ‏8 ابريل 2005
    المشاركات:
    1,759
    عدد الإعجابات:
    0
    مكان الإقامة:
    الكويت
    لاتلومهم يا معود صج السوق يخلي الواحد يهستر ماشفت المراسل عايد العنزي لما تساله المذيعة الي ترمش بعيونها تقوله شلون وضع السوق يرد عليها ترى الوضع ممتاز جدا بس الوضع مزري ماقام يجمع وتحوشه رجفه الله يعينه هو وناصر الخالدي هذيل مسوين نفسهم محللين وخسارتهم اكثر من 70% فما بالك المستثمرين العاديين !!
     
  7. أسد سليمان ملك

    أسد سليمان ملك عضو مميز

    التسجيل:
    ‏15 مايو 2008
    المشاركات:
    8,659
    عدد الإعجابات:
    0
    مكان الإقامة:
    uk
    اشتقتلك وقلت اقلط وشوف ردك :)
    يامعود هذي مذيعه مو واحد نكه دولار ومفلس:D:p
     
  8. Navigator

    Navigator مشرف مشرف

    التسجيل:
    ‏14 نوفمبر 2007
    المشاركات:
    28,212
    عدد الإعجابات:
    5,970
    مكان الإقامة:
    الكويت
    السلام عليكم ورحمة الله وبركاته

    الله يعوض عليك اخوي الغالي ويوفقك وتطلع من السهم بربح

    حاليا وضع السوق يخوف وغير مستقر ولا يشجع بالتبريد وخصوصا ان السهم يقع في ترند هابط رئيسي ولم يستقر على قاع محدد

    نلاحظ في الايام الماضية ثباته على سعر 30 فلس ومحاولة ارتداده للاعلى

    عند كسر سعر 30 قد يتوجه السهم لسعر 22 او 23 فلس

    والسهم امامه مقاومات عند 36 و 40 فلس

    ولكن هل ينفع التبريد في هذا الوقت ؟

    الجواب طبعا لا

    بسبب وضع السوق ووضع السهم فنيا

    لكن هل تسوى المغامره في ظل هذه الاوضاع

    اعتقد ان الافضل هو الاحتفاظ في الكاش والبحث عن سهم مظلوم قد يعوضك ما خسرته باذن الله

    عند ارتداد السوق

    بالتوفيق ان شاء الله
     
  9. خبير النفط

    خبير النفط عضو نشط

    التسجيل:
    ‏15 يناير 2007
    المشاركات:
    4,638
    عدد الإعجابات:
    54
    الافلاسان
    الاول مالى و الثانى ادارى !
     
  10. أسد سليمان ملك

    أسد سليمان ملك عضو مميز

    التسجيل:
    ‏15 مايو 2008
    المشاركات:
    8,659
    عدد الإعجابات:
    0
    مكان الإقامة:
    uk
    الافلاسان=الافلاسات

    نعتذر عن الخطأ في حالة المقصود من قبلك
     
  11. وايلي

    وايلي عضو نشط

    التسجيل:
    ‏8 ابريل 2008
    المشاركات:
    2,719
    عدد الإعجابات:
    2,905
    يجوز اني اخطات
    لكن كان القصد اني اهون على الاخ بان سعرة من الممكن يوصل 44 فلس بدال 260
    والسبب التعديل
    لكن وقت التبريد هو اصعب اختيار عندي
    تحياتي للجميع
     
  12. دولار$

    دولار$ عضو نشط

    التسجيل:
    ‏3 سبتمبر 2007
    المشاركات:
    4,371
    عدد الإعجابات:
    70
    تشتاقلك العافيه :)
    من توصياتك فلست :(
    ولا توصيه كانت صح
     
  13. شرياص العديلية

    شرياص العديلية عضو نشط

    التسجيل:
    ‏20 أكتوبر 2005
    المشاركات:
    1,240
    عدد الإعجابات:
    62
    مكان الإقامة:
    سوق الحمام
    تاخذ توصية من مطيرجي !


    وين الله يوفقك .
     
  14. signalindex

    signalindex موقوف

    التسجيل:
    ‏8 أكتوبر 2005
    المشاركات:
    325
    عدد الإعجابات:
    0


    الله يبيض وجهك دنيا واخره وما قصرت انت والاخوان اللي شاركونا الراي اما باجي المحللين اللي ناشدتهم بالاسم وطلبت فزعتهم ولا ردوا ما اقول الا عسى الله لا يحدني عليكم بحاجة دنيا وعسى الله لا يحد محتاج عليكم وعلمكم مانبي نفعته عسى الله يقنعكم بركته مشكور اخوي ورايتك بيضا .
     
  15. bader_83

    bader_83 عضو جديد

    التسجيل:
    ‏26 أغسطس 2007
    المشاركات:
    108
    عدد الإعجابات:
    0
    هدي اعصابك الله يهداك ويعوضك خسارتك وترى الغايب عذره معاه
     
  16. signalindex

    signalindex موقوف

    التسجيل:
    ‏8 أكتوبر 2005
    المشاركات:
    325
    عدد الإعجابات:
    0
    الله يطول عمرك كلهم موجودين بصفحات مالها داعي حق النجره والطنازه عند وجهك وفاتحين صفحة عنوانها ليش العجوم على المحللين وطايحيله هواش ومناجر بخلق الله والسبب طنازتهم على واحد سعودي الظاهر انه كشفهم بالتحليل انا يا خوك من 2005 بالمنتدى ما اكتب واجد لكني متابع بقوه للمنتدى واكتشفت شغله بالاخوان المحللين وهي كالتالي :

    الموشر اليوم كونله كراعين واصبع ( يعني راس وكتفين ) اذا السوق باجر سكر احمر راح يصدق التحليل ان الهدف 6700 لكن اذا نظرنا الى نسبة فيبوناتشي راح تلقه انه السوق اذا سكر اخضر واهو مكونله جدر وملاس يعني ( كوب وعروه ) راح يكون الهدف القادم 7100 خلونا انتابع باجر وحطلك شوية شخابيط ما اعرف اسويهم .

    اليوم الثاني اذا صار السوق احمر يهلهل من صباح الله خير ما قلتلكم اتاكدت نظرية الكراعين واغلق السوق احمر وانا احسن محلل بالموجات اليوتيه واذا سكر احضر فتح موضوع وصفحة جديدة بعنوان ( التحليل الودر بطريقة الجدر ) وقالك صدقت نظرية الجدر ويقلبلك الصفحة شات .

    يا اخوان لا تزعلون هذا الواقع احنا ما ننلام انا قمت اشتري على تحليلات بعض الاخوان ومحد جبرني وانا اتحمل لكن اذا طلبنا منكم الفزعه تصدون في وقت الكل محتاج امل فهذا غير مقبول والله يسامحكم انا اليوم سمحت كلام اخوي ابو النصح اللي حاطه بالتوقيع الله يجزاه خير دنيا واخره وهو ابتعد عن السوق حتى تتضح الصوره واخذت قرار جريئ بوقف خسارتي والحمد لله والشكر له ولابو النصح من بعده بعت على 31 و30 وللعلم انا كميتي 2 مليون سهم وعليك الحساب وانت تعرف ليش تظايقت من تطنيش الشباب وانشغالهم في الشاتنج والله يعوضني وياكم وانا الحين استاذن لاني راح انام احلى نومه صارلي فترة مو قادر انا من هالبورصه الودره لكن اليوم احس اني خفيف وفيني نوم ومشكورين اخواني اللي شاركوني جزاكم الله خير .
     
  17. Navigator

    Navigator مشرف مشرف

    التسجيل:
    ‏14 نوفمبر 2007
    المشاركات:
    28,212
    عدد الإعجابات:
    5,970
    مكان الإقامة:
    الكويت
    يالغالي طول بالك الله يهداك

    اكيد ما شافوا مشاركتك واعذرهم


    والله يعوض عليك بكل خير
     
  18. ميكانيكي

    ميكانيكي عضو مميز

    التسجيل:
    ‏4 نوفمبر 2006
    المشاركات:
    18,640
    عدد الإعجابات:
    93
    مكان الإقامة:
    الكويت
    السلام عليكم

    اولا مشكور على ثقتك في الشباب

    ثانيا .. لاتلومنه مواضيع المنتدى وايد :eek:

    ثالثا .. الله يهديك رفعتنا السما ورضيتنا بالارض مره تتطنز على التحاليل ومره تمدح :confused: .. المهم ماعلينه طاف :)

    رابعا .. ان شاء الله اليوم بالليل اشوف واعطيك خبر ولا يهمك ولا تزعل

    السموحه وشكرا لابو النصح على التنبيه :)
     
  19. meshal bader

    meshal bader عضو نشط

    التسجيل:
    ‏8 يناير 2009
    المشاركات:
    237
    عدد الإعجابات:
    0
    الله يعوضك ويرزقك انت بعت وانا شريت هذى الدنيا
     
  20. AL.MOUSAWI

    AL.MOUSAWI عضو نشط

    التسجيل:
    ‏6 مايو 2007
    المشاركات:
    4,097
    عدد الإعجابات:
    1,158
    مكان الإقامة:
    المنصورية سيتي
    الله يرزقكم اجمعين ، ويرزق ويعوض كل من تضرر من هذا الاعصار الظالم.