شرايكم فى السوبرمان - امريكي . فيدونا

[ابو سالم1]

شباب احترت ابي رايكم يا اهل الخبرة ادور لى سوبرمان وحصلت كثير بس اكثرهم امريكي ومواصفات حلوة هل فى مشاكل السوبرمان الامريكي او يصلح للاستعمال الرجاء الافادة للى استعمل سوبر امريكي يفيدنا جزاكم الله خير .
ماخاب من استشار .
اخوانى مانبي نخرج من الموضوع انا اعرف ان وكالة الكويت احسن بس ابي رايكم فى الامريكي يصلح للاستعمال او لا .

 

[AL MUTAIRI]

السلام عليكم

مساك الله بالخير اخوي ابو سالم

انا بفيدك من سابق تجربة
لكن ماكان عندي سوبربان
كان عندي وانيت سييرا z71
وطبعا الشكل والداخلية والقطع كلهم نفس الشي
اللهم أنه هذا بوكس وهذا حوض

واستخدمته مايقارب أربع سنوات ونص
وأستخدامي كان كرف
يعني كرفت الموتر وبالذات بالبر

والحمدلله مااشتكيت من شي أبد

والي يقولك حراره وكلام ثاني
ماعليك منه

لأنه مواصفات الخليج والأمريكي كلها واحد
اللهم البرمجه مالت السياره
يعني العدادات تكون بالميل
والراديو يكون عدد فردي
وشغلات بسيط جدا جدا

وطبعا اذا ماني غلطان
من موديل 2003 الأمريكي
تقدر تخليه يحسب بالكيلو

ومثل ماانت عارف
حتى مواصفات الخليج
يجي العداد مالها كيلو وميل بنفس الوقت

وانا اقولك توكل على الله دور لك واحد واذا حصلت نظيف وماشي قليل وسعره زين
أشتر وأنت مغمض

بس ماوصيك أهم شي تفحص السياره زين
وبالذات الشاصي والبدي
ممكن لاسمح الله يكون الموتر حايشته دعمه او تعديل بالشاصي

واما غيره لا تحاتي لا حراره ولا شي ثاني

وطبعا الأمريكي أرخص بشوي من الوكالة بالسوق
بس اذا انت تبي تستخدم ماتفرق وياك ان شاءالله
وان شاءالله أني قدرت أفيدك ولو بشي قليل

 

[abuahmedss]

بارك الله في يا بوسالم على السؤال اللي دايماً محيرني وأبحث عن الجواب الشافي
والحمد لله جت من قريب
لا هنت يا المطيري وبيض الله وجهك
وكثر الله من أمثالك

 

[keepintouch]

والله مجرب السوبربان شفر موديل 2000 وشاريه بـسنة 2003 امريكي

الى الان السنة السادسة للاستخدام

سافرت فيه العمرة والامارات والبحرين كذا مرة

مواصفاته احسن من الوكالة وما اشتكيت منه

بس العيب الشرعي المعروف : طرمبة البنزين ماتعمر

وما ادري عن الموديلات الجديدة اذا تلافوا هالعيب والا لا ...


ومبروك مقدما

 

[بور-صا]

اخوي مع احترامي لأراء الاخوة اذا فكرت تشتري فكر تبيع ...وبالنسبة للامريكي انا ماجربته بس الطلب عليه بالسوق قليل ..وبعدين الطرمبة تم حل مشكلتها من موديل 2003 وطالع والله يوفقك

 

[ابو سالم1]

جزاكم الله خير كلكم يا اخوانى وكلامكم على العين والراس بيض الله وجهكم ماقصرتو

 

[AL MUTAIRI]

ولا يهينكم يالربع

وبخصوص السعر
انا ذكرت لك بو سالم أنه الموتر أنزل من سعر الوكاله بشوي
لكن الموتر ينباع ماهو معناتها ما ينباع
لكن الي بيستخدم أكثر من 5 سنوات ماراح تفرق وياه أبد

وبخصوص الطرمبة

للأمانه بعد أستخدام أكثر من أربع سنوات ونص << وأحسب 3 سنوات منها بالصمان والبر
لا أشتكيت من طرمبه ولا غيره
ولا عمري بدلتها سوي كانت طرمبة بانزين او ماي

 

[wooow]

بوسالم فى واحد يستورد سيارات من امريكاا ويبيع براا يعنى ما عنده مكتب ويبيع بالنسبه لاسعار المكاتب رخيص وقبل امس ذكرلى عنده سوبربان شفر عدد2 الاول الكبير وحجم الماكينه 8100 دبل جير ولونه سلفر 2004 والثانى حجم 15 2004 اسود وانظاف حيل اذا تبي ادزلك رقمه على الخاص وتفاهم معاه
والله يوفقك ان شاء الله

 

[ابو سالم1]

بوسالم فى واحد يستورد سيارات من امريكاا ويبيع براا يعنى ما عنده مكتب ويبيع بالنسبه لاسعار المكاتب رخيص وقبل امس ذكرلى عنده سوبربان شفر عدد2 الاول الكبير وحجم الماكينه 8100 دبل جير ولونه سلفر 2004 والثانى حجم 15 2004 اسود وانظاف حيل اذا تبي ادزلك رقمه على الخاص وتفاهم معاه
والله يوفقك ان شاء الله

بيض الله وجهك ياليت تدزلى رقم الرجال مسج على الرقم هذا 99674411 عسالله يوفق الجميع ان شاء الله

 

[Mosaab]

نصيحة مجرب ... أخذ 2005 وفوق .. لان عليه مروحتين كهرباء احسن من مروحة وحدة "كلتش" بالخط العريض ((بالصيف لما اتشغل التكييف اللي ورا "السنترال" وانت واقف او بالاشارة تلقاه يحتر و يفصل))