خطوط فيفا متى ممكن اتحول ؟

[zoya_y]

السلاام عليكم اخواني شلونكم ؟

ماطول عليكم بس خطوط فيفا متى مسموح انه انحولها من شخص لي شخص

ياريت الي يعرف يفيدنا

لانه ذاك اليوم بغيت اشتري خط من واحد من اخواني اهني وقالي الموظف بفيفا ( فرع مارينا مول ) مايصير التحويل لا اهني ولا اب اي فرع ثاني

فأرجو الإفاده
شكرا لكم ...

اختكم : زويا اللويا ​

 

[zoya_y]

شنو هذا ولا احد رد اشكثر الي يبيعون خطوط فيفا ومايدرون إذا اتحول أو لا ؟
كلمه ولو جبر خاطر زين

 

[coooool2]

منو قص عليج و قالج ما يصير ..

انا مجرب و حولت .. عند أرض المعارض و التحويل ببلاش​

 

[zoya_y]

والله ياكول اني رحت الي بمارينا ومارضى يحولي وقالي مايصير ولا اب اي فرع
الي اب ارض المعارض فرع ؟ وإلا كان معرض مؤقت ؟

 

[ChanZen]

يليت تفيدونا

لاني ناوي اشتري خط فيفا،،،،،،،

 

[zoya_y]

والي جرب وحولوله يقولنا اب اي فرع وإذا ممكن اي موظف

 

[ابو الوليد خالد]

السلام عليكم هذي شركة شرم برم عندك واسطة تحول ماعندك واسطة تنطر بالمحطة وشكرا

 

[fheedan]

يا معود والله مو دارين شسالفه
اقسم بالله شغالين عالبركه تقول بقاله لا والبقاله تنظيمها احسن بعد

 

[ابو الوليد خالد]

تصدق بالتلفون تتصل عليهم يقولون كلام وبالمعرض كلام وربعنا كلام سياستهم مخربطة واذا زفيتهم قالولك فيفا تشكر اتصالك انا منزلين علي فواتير بالغلط

 

[zoya_y]

بشيه بشيه بشيه والله انكم صاااااااااااااجين
لازم نعلن المقاطعه
صراحه شركة عطيناها اكبر من حجمها
وأنا فعلن لاحظت عدم التنظيم

 

[zoya_y]

الحين كل هالارقام ولااحد بيساعد ؟

 

[fabulass]

انا سامع انه فيفا موقفين التحويل لمدة سنة علشان الشريطية لا يتلاعبون بأسعار الخطوط بما يؤثر سلباً على انتشار خطوط الشركة.....

و اعتقد انه الحل في تحرير عقد بين البائع و الشاري بوجود شاهدين ، و يمكن عمل ذلك بمكتب محامي .... بس المشكلة ان المحامي ياخذ وايد...

 

[zoya_y]

شنو اشحقى انسوي عقد ؟
وفي ناس اهني تقول نبيع بشرط التحويل
الي عنده واسطه يساعدني اشدعوا

 

[خسران جداً]

لازم معرفه ..اهم اللي يقدرون يحولون الملكيه

انا شريت خط قبل يومين وماكنت مفكر ابيعه...بس قالي واحد من الربع بيعه والتحويل علي(عنده علاقات قويه)...و توني عارضه بالمنتدى

 

[zoya_y]

ايييييييي يعني جذي لازم واسطه
والله مال شكوى عليهم بحماية المستهلك شنو على ناس وناس
بس المشكله صعب الاثبات

 

[MaSMoO7]

تصدق بالتلفون تتصل عليهم يقولون كلام وبالمعرض كلام وربعنا كلام سياستهم مخربطة واذا زفيتهم قالولك فيفا تشكر اتصالك انا منزلين علي فواتير بالغلط

اي والله

أختي بقولج المختصر المفيد جدا جدا .. اذا عندج واسطة راح تحولينه واذا لأ أتوقع راح تنطرين سنة ولأن فعلا اشوف ناس قاعدين يحولون وناس يقولونلهم لأ .. يعني شغل مش حالك!!!

وشكراا

 

[بومعالي]

معطينكم خطوط محترمه و بلاش ... هم مو عاجبكم ؟؟؟

اصبرو شوي تو الشركة ماصارلها شهر وشي .. والله العظيم اللي سوته فيفا انجاز .. يعني خلال شهر وزعوا نص مليون خط كأنهم شركة صارلها سنين بالسوق... المفروض نصبر على الشركة ليما تستقر وذاك الوقت بيعوا خطوطكم بالغالي

 

[مضــارب أسـهم]

حاليا مافي تحويل بعد سنة ان شاء الله