يوم في البورصة
وكعادتهم الموظفين والموظفات يوميا ياتون للدوام قبل بدايتة بنص ساعة ليشربوا القهوة قبل إصطفافهم لبدأ العمل
ويدور في إحدى الطاولات الحوار التالي
زين: أقول يا الأولى شخبارج عقب امس والتفلع اللي ياج
الأولى: ويييييي سكتي سكتي يا زين والله إني مابقى إلا ارهن بيتي تعبت مادري شصاير بالدنيا
زين: ادري يا بعد عمري بتقولين لي !! منو ما تفلع فينا بس يالله شدة وتزول
الاولى: آمين
وتدخل الوطنية إلى القهوة وتطلب قهوة سادة
زين تخاطب صديقتها الصناعات: صناعات صناعات
الصناعات: هلا بوي
زين: شفتيها؟؟
الصناعات: منو؟
زين: الوطنية بعد منو ياية ولابسة هالبالطو الكشخة ولا جنة صاير فيها شي .. جبح وية وهاذي وهي ريلها قطري مو كويتي عيل لو كويتي وولد بطنها جان شبتسوي جليله الحيا .. لا سلام ولا كلام وامصيبة عليها مايبين الكبر عليها
الصناعات: إي نطري عليها خل تداوم فيفا إن ما أندقرت
زين: عمى عمى ما اواطنها كنت شزيني قبل إلين داومت
ثم يدخل الوطني ومعة شلتة صلبوخ وبيان وسلطان ويطلبون القهوة وخزون بالبنات
الوطني: اقول سلطان ... أشونك فليت خطبتك من صفوة ولا جان أنت تكد عليها ألحين
سلطان: إي واللة ربي يحبني ابد فليتها هني وهي تخسبقت وأنفضحت مني.. يا معود اللهم لا شماتة اللي فيني كافيني هالدور أكد على عميان
صلبوخ: بسكم حش يا جماعة ترى اللي صار فيها ممكن يصير فينا
الوطني: بعيد على شواربك حبيبي أنا غير ليكون حسبالك انا مثل خليجو المينون .. لا يبا حنا نيادة نعرف وين نقط بيزاتنا
بيان: اص اص الخليج وصل مادري شعندة مداوم اليوم مو قالوا ماخذ إجازة؟
الوطني: ياحليلك إجازة إموقفينة عن العمل يا حبيبي
يزن جرس الدوام والكل يترك قهوتة وروح يصف باللوحة مالتة ويبدأ التداول
كويتية تكلم التسهيلات :
ايييي اللي عطاج يعطينا... شعليج خوش تداول عندج
التسهيلات.. وشعليه يا خلاف ليلحين ما ارتفع سعري بس تداول على الطل
ومن لوحة اخرى
صكوك تكلم الدار:
شفتي جلوبل شصار فية؟؟
الدار: اي والله من عقب العز
صكوك: هذا اللي يوخر عن الدين الإسلامي وتعامل بالربا .. هذي نتيجتها .. قلعته!!
الدار: أرحمو عزيز قوم ذل .. سكتي ماني حاشة أنا بروحي على طريف
وهناك باللوحة الجانبية دار الحديث بين مزايا والمباني
المزايا: مباني مباني شوفي شوفي صالحية يمة منها سهمها اليوم حد اعلى وقايم حظها
المباني: ايييي ويه هذي يوم فوق ويوم تحت .. الحجي من اللي اقوى بالسوق .. أنا الاولى وانتي الثانية
مزايا بقلبها(يمة منها المباني مي راضية تكسر عز قريش) (يعل فالها فال المستثمرون)
ويمر الوقت وتصير الساعة 11:45
بيتك: الصلااااااة الصلااااااة يا اخوان ويا اخوات أذن اذن قوموا صلوا
برقان: انا بسافر اليوم وبجمعها
سينما: إنزين إنزين روح صل وأنا ايكم اصلي
نور: أنا عندي عذر شرعي !! ما اقدر اصلي
فيلا مودا: بيتك واللي عافيك ترى الإيمان بالقلب
بيتك: ماتشوفون الله خافس فيكم؟؟ شوفوني انا اعلى سهم ليش إني بصلاتي ترتفع سهومي
وبعد الصلاة
جيزان ينفخ سيجارته وهو محروق القلب ويخاطب عارف
جيزان: أيييييه يا عارف الروس نامت والعصاعص قامت
عارف: اثكت اثكت الثوق ما عاد فية لا روث ولا عثاعث انا من التفلع والبوكثات ذروثي تكثروا
ومن جانب آخر
انابيب: وااااي انا قلبي معورني على إيفا من مات ريلها وهي حالها مايسر العدو
ارجان: اي والله تقطع القلب بس شتسوين بعد هذا حال الدنيا
انابيب: دوريلها ريل ياخذها
ارجان: وي ماني مدخلة بعد توبة عقب ما زوجت الشبكة ريلها طلع نصاب وسافر
وفي أخر لوحة عند المدخل الشرقي للبورصة
اغذية تتكلم بصوت عالي وتخاطب صديقتها الدواجن
أغذية: أقوووول دواجن؟؟
دواجن: قولي ابوي قوليييييي
أغذية:يقولج قرص الخبز الإيراني صار أغلى من الدولية م أ
دواجن: أمسمسم ولا بدون
أغذية : لا بدون المسمسم غالي هاها ها ها ها ها
الدولية م ا: أنتوا ما تستحون؟؟ عيب عليكم أتشمتون فيني ترى الله مايطق بعصا
أغذية: وأنتي من حاجاج ؟؟ من داس على عصعصج انا اكلم دواجن
الدولية وهي تبكي : اسمنت ابيض شفتهم شقولون عني؟
اسمنت ابيض: حقريهم هذيلة ما يستحون
الدولية: المركز واللي يرحم والديك وقفهم عند حدهم
المركز: يا اغذية حنا في ازمة وعيب اتشمتين
أغذية: حتى احنا في ازمة وبعدين انا ما كلمتك لا ادخل نفسك بسوالف الحريم
منتزهات:يا جماعة بنسوي رحلة ترفيهية ورسومها 20 دينار للشخص الواحد
فيلا مودا: واي سوفاج شنو هالهلاقة مابي اروح شنو رحلة ما رحلة انا بروح ميلانو عندي موعد افتتاح عرض أزياء
أبراج: فيلا مودا يعني هذا وقتة سفر والله فاضيه انتي
فيلا مودا: انا اللي مستثمرين عندي كلهم اثنين وهذا سعري من بلشت دوام ما تغير وماني خسرانة شي انا مو مثلكم انا اداوم بس علشان وقت الفراغ ولا الله يعافي ريلي مو مقصر علي بشي
وقبل لا يسكر السوق بدقيقتين
التمويل الخليجي: يا جماعة المبارة النهائية لكاس الخليج ترى عندي بالشالية حياكم الله
إكتتاب: ليش الشالية انا ما عندي فلوس بانزين يوصلني لي الشاليه!! خسرت كل شي
بنك بوبيان: انا اوصلج
إكتتاب: شوفوا انتوا يا الدينين لا بغيتوا قلتوا خلوة والشيطان ثالثنا ولا بغيتوا قلتوا انوصلكم .. لا حبيبي مشكور ما اركب مع ريايل عيب
بوبيان: شدعوة انا قصدي شريف ولا علينا حرام وعلى غيرنا حلال؟؟
إكتتاب: اشتقصد يا جليل الحيا انا ماني رادة عليك انا بكلم عمك العود بيتك
بيتك: شهالصيحا شهالصيحا شعندكم؟؟
إكتيتاب: عيل يرضيك يا بيتك بوبيان ياخذني درب الشالية بروحنا
بيتك : بوبيان توة يديد بالإسلام مايعرف اصول الفقة والدين عدل انا بيب باص ونروح كلنا الشالية
الدولي:احجزلي معاكم يا بيتك
بيتك: إسمحلي ماكو مكان !!
ويرن جرس البورصة معلن نهاية تداول يوم كباقي الايام مافية إلا حش وقراض وواحد يحفر للثاني والخاسر الاكبر هو إقتصادنا!!
ملاحظة:
حكومتنا قالت بدش السوق ومن قالت والسوق متخسبق
حلاتج ساكتة مو من زينج
وكعادتهم الموظفين والموظفات يوميا ياتون للدوام قبل بدايتة بنص ساعة ليشربوا القهوة قبل إصطفافهم لبدأ العمل
ويدور في إحدى الطاولات الحوار التالي
زين: أقول يا الأولى شخبارج عقب امس والتفلع اللي ياج
الأولى: ويييييي سكتي سكتي يا زين والله إني مابقى إلا ارهن بيتي تعبت مادري شصاير بالدنيا
زين: ادري يا بعد عمري بتقولين لي !! منو ما تفلع فينا بس يالله شدة وتزول
الاولى: آمين
وتدخل الوطنية إلى القهوة وتطلب قهوة سادة
زين تخاطب صديقتها الصناعات: صناعات صناعات
الصناعات: هلا بوي
زين: شفتيها؟؟
الصناعات: منو؟
زين: الوطنية بعد منو ياية ولابسة هالبالطو الكشخة ولا جنة صاير فيها شي .. جبح وية وهاذي وهي ريلها قطري مو كويتي عيل لو كويتي وولد بطنها جان شبتسوي جليله الحيا .. لا سلام ولا كلام وامصيبة عليها مايبين الكبر عليها
الصناعات: إي نطري عليها خل تداوم فيفا إن ما أندقرت
زين: عمى عمى ما اواطنها كنت شزيني قبل إلين داومت
ثم يدخل الوطني ومعة شلتة صلبوخ وبيان وسلطان ويطلبون القهوة وخزون بالبنات
الوطني: اقول سلطان ... أشونك فليت خطبتك من صفوة ولا جان أنت تكد عليها ألحين
سلطان: إي واللة ربي يحبني ابد فليتها هني وهي تخسبقت وأنفضحت مني.. يا معود اللهم لا شماتة اللي فيني كافيني هالدور أكد على عميان
صلبوخ: بسكم حش يا جماعة ترى اللي صار فيها ممكن يصير فينا
الوطني: بعيد على شواربك حبيبي أنا غير ليكون حسبالك انا مثل خليجو المينون .. لا يبا حنا نيادة نعرف وين نقط بيزاتنا
بيان: اص اص الخليج وصل مادري شعندة مداوم اليوم مو قالوا ماخذ إجازة؟
الوطني: ياحليلك إجازة إموقفينة عن العمل يا حبيبي
يزن جرس الدوام والكل يترك قهوتة وروح يصف باللوحة مالتة ويبدأ التداول
كويتية تكلم التسهيلات :
ايييي اللي عطاج يعطينا... شعليج خوش تداول عندج
التسهيلات.. وشعليه يا خلاف ليلحين ما ارتفع سعري بس تداول على الطل
ومن لوحة اخرى
صكوك تكلم الدار:
شفتي جلوبل شصار فية؟؟
الدار: اي والله من عقب العز
صكوك: هذا اللي يوخر عن الدين الإسلامي وتعامل بالربا .. هذي نتيجتها .. قلعته!!
الدار: أرحمو عزيز قوم ذل .. سكتي ماني حاشة أنا بروحي على طريف
وهناك باللوحة الجانبية دار الحديث بين مزايا والمباني
المزايا: مباني مباني شوفي شوفي صالحية يمة منها سهمها اليوم حد اعلى وقايم حظها
المباني: ايييي ويه هذي يوم فوق ويوم تحت .. الحجي من اللي اقوى بالسوق .. أنا الاولى وانتي الثانية
مزايا بقلبها(يمة منها المباني مي راضية تكسر عز قريش) (يعل فالها فال المستثمرون)
ويمر الوقت وتصير الساعة 11:45
بيتك: الصلااااااة الصلااااااة يا اخوان ويا اخوات أذن اذن قوموا صلوا
برقان: انا بسافر اليوم وبجمعها
سينما: إنزين إنزين روح صل وأنا ايكم اصلي
نور: أنا عندي عذر شرعي !! ما اقدر اصلي
فيلا مودا: بيتك واللي عافيك ترى الإيمان بالقلب
بيتك: ماتشوفون الله خافس فيكم؟؟ شوفوني انا اعلى سهم ليش إني بصلاتي ترتفع سهومي
وبعد الصلاة
جيزان ينفخ سيجارته وهو محروق القلب ويخاطب عارف
جيزان: أيييييه يا عارف الروس نامت والعصاعص قامت
عارف: اثكت اثكت الثوق ما عاد فية لا روث ولا عثاعث انا من التفلع والبوكثات ذروثي تكثروا
ومن جانب آخر
انابيب: وااااي انا قلبي معورني على إيفا من مات ريلها وهي حالها مايسر العدو
ارجان: اي والله تقطع القلب بس شتسوين بعد هذا حال الدنيا
انابيب: دوريلها ريل ياخذها
ارجان: وي ماني مدخلة بعد توبة عقب ما زوجت الشبكة ريلها طلع نصاب وسافر
وفي أخر لوحة عند المدخل الشرقي للبورصة
اغذية تتكلم بصوت عالي وتخاطب صديقتها الدواجن
أغذية: أقوووول دواجن؟؟
دواجن: قولي ابوي قوليييييي
أغذية:يقولج قرص الخبز الإيراني صار أغلى من الدولية م أ
دواجن: أمسمسم ولا بدون
أغذية : لا بدون المسمسم غالي هاها ها ها ها ها
الدولية م ا: أنتوا ما تستحون؟؟ عيب عليكم أتشمتون فيني ترى الله مايطق بعصا
أغذية: وأنتي من حاجاج ؟؟ من داس على عصعصج انا اكلم دواجن
الدولية وهي تبكي : اسمنت ابيض شفتهم شقولون عني؟
اسمنت ابيض: حقريهم هذيلة ما يستحون
الدولية: المركز واللي يرحم والديك وقفهم عند حدهم
المركز: يا اغذية حنا في ازمة وعيب اتشمتين
أغذية: حتى احنا في ازمة وبعدين انا ما كلمتك لا ادخل نفسك بسوالف الحريم
منتزهات:يا جماعة بنسوي رحلة ترفيهية ورسومها 20 دينار للشخص الواحد
فيلا مودا: واي سوفاج شنو هالهلاقة مابي اروح شنو رحلة ما رحلة انا بروح ميلانو عندي موعد افتتاح عرض أزياء
أبراج: فيلا مودا يعني هذا وقتة سفر والله فاضيه انتي
فيلا مودا: انا اللي مستثمرين عندي كلهم اثنين وهذا سعري من بلشت دوام ما تغير وماني خسرانة شي انا مو مثلكم انا اداوم بس علشان وقت الفراغ ولا الله يعافي ريلي مو مقصر علي بشي
وقبل لا يسكر السوق بدقيقتين
التمويل الخليجي: يا جماعة المبارة النهائية لكاس الخليج ترى عندي بالشالية حياكم الله
إكتتاب: ليش الشالية انا ما عندي فلوس بانزين يوصلني لي الشاليه!! خسرت كل شي
بنك بوبيان: انا اوصلج
إكتتاب: شوفوا انتوا يا الدينين لا بغيتوا قلتوا خلوة والشيطان ثالثنا ولا بغيتوا قلتوا انوصلكم .. لا حبيبي مشكور ما اركب مع ريايل عيب
بوبيان: شدعوة انا قصدي شريف ولا علينا حرام وعلى غيرنا حلال؟؟
إكتتاب: اشتقصد يا جليل الحيا انا ماني رادة عليك انا بكلم عمك العود بيتك
بيتك: شهالصيحا شهالصيحا شعندكم؟؟
إكتيتاب: عيل يرضيك يا بيتك بوبيان ياخذني درب الشالية بروحنا
بيتك : بوبيان توة يديد بالإسلام مايعرف اصول الفقة والدين عدل انا بيب باص ونروح كلنا الشالية
الدولي:احجزلي معاكم يا بيتك
بيتك: إسمحلي ماكو مكان !!
ويرن جرس البورصة معلن نهاية تداول يوم كباقي الايام مافية إلا حش وقراض وواحد يحفر للثاني والخاسر الاكبر هو إقتصادنا!!
ملاحظة:
حكومتنا قالت بدش السوق ومن قالت والسوق متخسبق
حلاتج ساكتة مو من زينج
منقووول
