الرجاء من الكل الدخول و إبداء رأيه :)

KuWaiT DriFT

عضو نشط
التسجيل
9 سبتمبر 2008
المشاركات
2,233
الإقامة
الـــكـــويــــت الحــبــيـــبـــه
السلام عليكم ,

اخواني و اخواتي بإذن الله راح أسافر تاريخ 30-1 الى دولة الامارات المتحده :)

بغيت أخذ رايكم بجم شغله

شنو الأفضل أسافر بطياره و لا بسيارة ؟

اذا بطيارة أي طيران ؟؟ (( الكويتيه - الاماراتيه - الوطنيه اللي لما اللحين ما فتح ))

أبي شقق فندقيه ؟

بالنسبه لهالأسئله أبي رايكم فيها :)

أما هالاسئله اليايه أتمنى ان اللي مسافر بسياره و رايح الامارات من فترة قصيره يرد عليها

أبي اللي سافر الامارات بسياره من فتره بسيطه اشلون الشوارع بالدرب ؟

و ابي البانزين بالامارات اغلى من الكويت ولا أرخص ؟

و ابي اسأل سؤال اشوي مو منطقي بس جاوبوني عليه :p

اهناك أودي معاي هدوم شتويه ولا صيفيه :) ؟؟

يعطيكم العافيه مقدما و دمتم بوووووووود

وينك يا فزاااااااااااااااااااااااااااااااااااااااااااااااااااااااااااااااااااع راعي الفزعه

رااح أصور ويا فزاااع :p
 

coooool2

موقوف
التسجيل
10 فبراير 2008
المشاركات
3,367
الإقامة
K.W.T + مـجـلـس الأمــة
اذا عندك اسهم .. مافي مانع تركب على الوطنيه << ترا فزاع مساهم:p

بس خلك على الطيارة الاماراتية ..:rolleyes:

باجي الأسئله ما عندي علم ..

الحين انا فزاع راعي فزعه صح ؟:p
 

ابو المشري

عضو نشط
التسجيل
6 يناير 2009
المشاركات
70
عموما تروح وترد بالسلامه انشاءالله
بالنسبة لطيران الوطنيه راح يكون لهم اول رحله بتاريخ 24/1
وانا سافرت بالسيارة بس كان بسنه 2002 وكان الطريق زين
وناسي والله جم كان سعر البانزين 0:rolleyes:
اما بالنسبه للملابس اخذ وياك ملابس صيفية 0 لاني رحت بشهر 2 وكان الجو حده رووووووووووعه ماشاء الله0

واتمنى مروري هذا يفيدك بشي 0

:) بالســـــــــــــــــــــلامه:)
 
التسجيل
4 يناير 2009
المشاركات
955
الإقامة
الكويت .. حبيبتي

اذا بطيارة أي طيران ؟؟ (( الكويتيه - الاماراتيه - الوطنيه اللي لما اللحين ما فتح ))

بطيـــــاره والخطـــوط الامــــارتيـــــه

وبالسلامه
 

Dr-Q80

عضو نشط
التسجيل
30 سبتمبر 2007
المشاركات
1,131
الإقامة
الكويت
طبعا ننصح بالاماراتية للطيران.
بالنسبة للبر .. انا سافرت للبحرين بس و كان الطريق زين ما عدا بعض التحويلات.
ما عندي فكرة عن باقي الطريق للامارات.
بالنسبة للجو .. احسن طريقة تتاكد قبلها بجم يوم من مواقع الارصاد الجوية و تاخذ فكرة عن الجو المتوقع و درجة الحرارة.
بالنسبة للشقق الفندقية يعتمد وين تبي تسكن ؟ اي منطقة؟
 

توفي

عضو نشط
التسجيل
21 يوليو 2008
المشاركات
979
طريق الامارات مره حلو ونظيف اول شي تنزل في ابو ظبي بعدين تجيك دبي تبعد عنها تقريبا ساعه بس من ابوظبي ودبي الطريق مره حلو كانك تتمشى في المدينه ماكانه سفر عموما انا انصحك اذا بتروح بسياره تاجر لك سواق لانها مره كبيره وشوارعهم تتشابه
اذا من ناحية السكن فيه اكثير اوتيلات حلوه ونظيفه
انا مره سكنت في مجمع تجاري فيه اوتيل بصراحه ناسيه اسمه اسئل الاخ فزاع ممكن يعرفه مره حلو الاوتيل هو مثل الشقق الفندقيه
 

KuWaiT DriFT

عضو نشط
التسجيل
9 سبتمبر 2008
المشاركات
2,233
الإقامة
الـــكـــويــــت الحــبــيـــبـــه
اذا عندك اسهم .. مافي مانع تركب على الوطنيه << ترا فزاع مساهم:p

بس خلك على الطيارة الاماراتية ..:rolleyes:

باجي الأسئله ما عندي علم ..

الحين انا فزاع راعي فزعه صح ؟:p

ماعندي اسهم لا :p أي انا أكثر شي أفضل الاماراتيه

انت راعي فزااع بس مو فزااع :p
 

KuWaiT DriFT

عضو نشط
التسجيل
9 سبتمبر 2008
المشاركات
2,233
الإقامة
الـــكـــويــــت الحــبــيـــبـــه
عموما تروح وترد بالسلامه انشاءالله
بالنسبة لطيران الوطنيه راح يكون لهم اول رحله بتاريخ 24/1
وانا سافرت بالسيارة بس كان بسنه 2002 وكان الطريق زين
وناسي والله جم كان سعر البانزين 0:rolleyes:
اما بالنسبه للملابس اخذ وياك ملابس صيفية 0 لاني رحت بشهر 2 وكان الجو حده رووووووووووعه ماشاء الله0

واتمنى مروري هذا يفيدك بشي 0

:) بالســـــــــــــــــــــلامه:)

بعد جبدي يابو المشري أكيد مرورك نورني بس من 2002 لمن اللحين ما تتوقع اخترب الطرييج و تكسر ؟

الله يسلمك يا ابو المشري
 

KuWaiT DriFT

عضو نشط
التسجيل
9 سبتمبر 2008
المشاركات
2,233
الإقامة
الـــكـــويــــت الحــبــيـــبـــه

اذا بطيارة أي طيران ؟؟ (( الكويتيه - الاماراتيه - الوطنيه اللي لما اللحين ما فتح ))

بطيـــــاره والخطـــوط الامــــارتيـــــه

وبالسلامه

شكرا عالمرور يا لؤلؤة و الله يسلمك/ج
 

KuWaiT DriFT

عضو نشط
التسجيل
9 سبتمبر 2008
المشاركات
2,233
الإقامة
الـــكـــويــــت الحــبــيـــبـــه
طبعا ننصح بالاماراتية للطيران.
بالنسبة للبر .. انا سافرت للبحرين بس و كان الطريق زين ما عدا بعض التحويلات.
ما عندي فكرة عن باقي الطريق للامارات.
بالنسبة للجو .. احسن طريقة تتاكد قبلها بجم يوم من مواقع الارصاد الجوية و تاخذ فكرة عن الجو المتوقع و درجة الحرارة.
بالنسبة للشقق الفندقية يعتمد وين تبي تسكن ؟ اي منطقة؟

شكرا لمرورك

أنا أبي أسكن بدبي
 

KuWaiT DriFT

عضو نشط
التسجيل
9 سبتمبر 2008
المشاركات
2,233
الإقامة
الـــكـــويــــت الحــبــيـــبـــه
طريق الامارات مره حلو ونظيف اول شي تنزل في ابو ظبي بعدين تجيك دبي تبعد عنها تقريبا ساعه بس من ابوظبي ودبي الطريق مره حلو كانك تتمشى في المدينه ماكانه سفر عموما انا انصحك اذا بتروح بسياره تاجر لك سواق لانها مره كبيره وشوارعهم تتشابه
اذا من ناحية السكن فيه اكثير اوتيلات حلوه ونظيفه
انا مره سكنت في مجمع تجاري فيه اوتيل بصراحه ناسيه اسمه اسئل الاخ فزاع ممكن يعرفه مره حلو الاوتيل هو مثل الشقق الفندقيه

مشكووره يا توفي عالمرور

خلاص ان شاء الله على الاماراتيه :)

بس الربع بيروحون بالسيارة و انا بروح معاهم بس الوالده :( مو راضيه

اذا الوالده مو راضيه اشلوون أروح :rolleyes: !!

بالنسبه للطريق راح يكون معااي GPS لأني المره اللي طافت ضعت و أنا اتمشى بالشارع :eek: ههههههههههه مادري اشلون دليت الفندق
 

اوكيشن

عضو نشط
التسجيل
17 سبتمبر 2005
المشاركات
407
والله اذا الربع شقرديه اللي معاك والسياره كفو اقولك ياحلو السفرة بالسياره خاصه اذا بطول اهناك

انا السنة اللي راحت رحت مع الشباب بالسياره الطريق من اروع ما يمكن مع العلم ماشين من الكويت الساعه 2 بالليل ووالله كأن احنا نتمشى مو مسافرين

حتى لما وصلنا ابو ظبي مرينا مسرح الراحة :) شاعر المليون وقعدنا نصور ونشوف المكان ومرينا الفندق والمول اللي يمه <<< ماتقول مسافرين ويبون يوصلون

وقعدنا نتمشى في ابو ظبي ساعتين وبعدها رحنا لدبي اخذنا فره فيها واول شي رحنا نشيش :)

وبصراحة ماسكنا في دبي رحنا سكنا في الشارقة والحمدلله ماتحسفنا

الفندق مانجيه الا عشان انام ومقابل البحر وبوفيه الريوق والغرف والخدمه من اروع مايمكن

وبعد البحر والريوق نطلع لدبي من نقعد لين انام وهذي حلاة السياره اتوفر عليك مشاوير التكاسي اللي تهد الحيل

وفعلا بانزينهم غالي غالي غالي

واللبس خلك صيفي بس ماينمع تاخذ احتياطاتك لان حاشنا مطر اهناك وبرد فا خل بالسياره على طول بلوفر ولا جاكيت

واي معلومات حاضر
 

KuWaiT DriFT

عضو نشط
التسجيل
9 سبتمبر 2008
المشاركات
2,233
الإقامة
الـــكـــويــــت الحــبــيـــبـــه
يا بعد جبدي يا أوكيشن

كفيت و وفيت

السياره اللي بنروح فيها كفو ان شاء الله SaFaRi 2008 :D

و توه مودينه سيرفس بنروح نودي تل مرعب بالامارات :p

بانزينهم غالي غالي غالي يعني اشكثر !!!!!!!!!
 

ريّس نفسه

عضو نشط
التسجيل
17 يناير 2009
المشاركات
587
بالنسبة للبانزين .. اجرت مرة كرولا .. استعملتها يومين وبقى فيها الربع ..

ترست ثلاث ارباع التانكي بـ 500 وكسور درهم :eek:

قلت لو ابي افولها جم بيطلع ؟؟ 800 درهم !! فبانزينهم غالي غالي مو لعب

***

الملابس اخذ صيفي + بلوفر احتياط


***


التذاكر، اليوم شفت اعلان بالقبس عن الوطنية .. 24 دينار

تأكد وبالسلامة مقدما
 

باب عوود

عضو نشط
التسجيل
31 ديسمبر 2007
المشاركات
3,570
الإقامة
كيفان دار السعد
اخي الفاضل KuWaiT DriFT
انا من محبي السفر بالسياره والسفر للامارات ممتع في هذا الوقت خاص ان الجو بارد وتتمتع بجو الربيع وتمتع ناظرك بالربيع على الخط ,الطريق جدآ
سهل واذا كان معك قارمن افظل يسهلك الدرب وان تكون سيارتك تحت امرك باي وقت للتنزه فيها اما سعر البنزين شوي غالي من الكويت !
 

KuWaiT DriFT

عضو نشط
التسجيل
9 سبتمبر 2008
المشاركات
2,233
الإقامة
الـــكـــويــــت الحــبــيـــبـــه
بالنسبة للبانزين .. اجرت مرة كرولا .. استعملتها يومين وبقى فيها الربع ..

ترست ثلاث ارباع التانكي بـ 500 وكسور درهم :eek:

قلت لو ابي افولها جم بيطلع ؟؟ 800 درهم !! فبانزينهم غالي غالي مو لعب

***

الملابس اخذ صيفي + بلوفر احتياط


***


التذاكر، اليوم شفت اعلان بالقبس عن الوطنية .. 24 دينار

تأكد وبالسلامة مقدما

أولله !! يعني ب6 دنانير تفول كورولا !!!!!!!!!!!!!!!!!!!!!!!!!!!!!!!!!!

وايد أغلى من الكويت عييل

أنا دشيت موقع الوطنية طلعت التذكره ب 51 دينار !

عالعموم يعطيك العافيه عالمعلومات ياخوي و الله يسلمك :)
 

KuWaiT DriFT

عضو نشط
التسجيل
9 سبتمبر 2008
المشاركات
2,233
الإقامة
الـــكـــويــــت الحــبــيـــبـــه
اخي الفاضل KuWaiT DriFT
انا من محبي السفر بالسياره والسفر للامارات ممتع في هذا الوقت خاص ان الجو بارد وتتمتع بجو الربيع وتمتع ناظرك بالربيع على الخط ,الطريق جدآ
سهل واذا كان معك قارمن افظل يسهلك الدرب وان تكون سيارتك تحت امرك باي وقت للتنزه فيها اما سعر البنزين شوي غالي من الكويت !

بعد جبدي يا باب عوود ما قصرت و ان شاء الله أحاول بالوالده و أقنعها إني أسافر بسيارة ,,, شوقتوني

أي بابا عوود معانا قارمن و تلفون ( Navigator ) :)
 

TAHOE

عضو مميز
التسجيل
7 يوليو 2008
المشاركات
4,260
السلام عليكم ,

اخواني و اخواتي بإذن الله راح أسافر تاريخ 30-1 الى دولة الامارات المتحده :)

بغيت أخذ رايكم بجم شغله

شنو الأفضل أسافر بطياره و لا بسيارة ؟

اذا بطيارة أي طيران ؟؟ (( الكويتيه - الاماراتيه - الوطنيه اللي لما اللحين ما فتح ))

أبي شقق فندقيه ؟

بالنسبه لهالأسئله أبي رايكم فيها :)

أما هالاسئله اليايه أتمنى ان اللي مسافر بسياره و رايح الامارات من فترة قصيره يرد عليها

أبي اللي سافر الامارات بسياره من فتره بسيطه اشلون الشوارع بالدرب ؟

و ابي البانزين بالامارات اغلى من الكويت ولا أرخص ؟

و ابي اسأل سؤال اشوي مو منطقي بس جاوبوني عليه :p

اهناك أودي معاي هدوم شتويه ولا صيفيه :) ؟؟

يعطيكم العافيه مقدما و دمتم بوووووووود

وينك يا فزاااااااااااااااااااااااااااااااااااااااااااااااااااااااااااااااااااع راعي الفزعه

رااح أصور ويا فزاااع :p

السفر بالطياره وفوك به الاحباب

بالسياره :
الطريق وايد حلو ,, فيه بعض التحويلات القصيره بعد طريق بوحدريه الى

الدمام ,, الاستراحات بالسعوديه للاسف ما تسوى تنام فيها

اذا ادركك المبيت بالطريق شوف لك اقرب مدينه واجر لك فندق ,, بانزين

الامارات تكلفته مره ونص عن الكويت ,, في فنادق كثيره في دبي بس زحمه

وما تحصل مواقف ابراحه ,, روح اسكن بالشارقه اهدأ وارخص ,,

ولا تحاتي الطريق , وااااايد سهاله وحلو وحتى المراكز معاملتهم حلوه وراقيه,,

وبالتوفيق يا كويت دريفت ,, بس اوصيك بالركاده وعن السرعه الزايده
 

KuWaiT DriFT

عضو نشط
التسجيل
9 سبتمبر 2008
المشاركات
2,233
الإقامة
الـــكـــويــــت الحــبــيـــبـــه
السفر بالطياره وفوك به الاحباب

بالسياره :
الطريق وايد حلو ,, فيه بعض التحويلات القصيره بعد طريق بوحدريه الى

الدمام ,, الاستراحات بالسعوديه للاسف ما تسوى تنام فيها

اذا ادركك المبيت بالطريق شوف لك اقرب مدينه واجر لك فندق ,, بانزين

الامارات تكلفته مره ونص عن الكويت ,, في فنادق كثيره في دبي بس زحمه

وما تحصل مواقف ابراحه ,, روح اسكن بالشارقه اهدأ وارخص ,,

ولا تحاتي الطريق , وااااايد سهاله وحلو وحتى المراكز معاملتهم حلوه وراقيه,,

وبالتوفيق يا كويت دريفت ,, بس اوصيك بالركاده وعن السرعه الزايده

حبيب يا تاهوو

لا ان شاء الله ما نسرع :)
 

D.NeT

موقوف
التسجيل
12 أكتوبر 2008
المشاركات
1,157
الإقامة
عمار يا كويتنا
أدعم المنتج الوطني ...الكويتية دائما بالمؤخره :)

خلك على الاماراتية افضل واحسن من اي طيران خليجي آخر .
 
أعلى