Rwnt ????????????

[alrabeet]

صايدينها الحين ب 0.0036

وش رايكم فيها خسرانين والا ربحانين

 

[alrabeet]

من يتفضل ويعطينا تحليلا اساسيا عن هذا السهم

اخبار قديمه حلوه او وعود من الشركه او اي شي عنها

ومشكورين

 

[هاب ريح]

المعلومه الي اقدر افيدك فيها اني انا شاري فيها بسعر 0.0260 وشاري كميه كبيره 100الف سهم ومعطي امر البيع بسعر 0.03سنت شوف الحين جم سعرها.......

 

[مستثمر73]

هاب ريح

الله يعوضك في غيرها ...
بس أنتبه للسهم ألي تشتريه وأخذ مشورت الأخوان في هالمنتدى الطيب ترى مايقصرون والله...


السوق بحر ماله مقاضيب !!


ألى على طاري البحر أشلون النقارير معاك هاليومين ؟

يعني لو تصيد 10 كل 3 أيام في 10 بالشهر يصيرون 100 نقرور في دينارين ونص يصير 250 دينار


خوش مربح ... بس تعب وزفره .

خلنا على الأسهم أنظف


الله كريم

 

[هاب ريح]

مستثمر 10 نقارير ...... والي خلقني وخلقك مثل هالوقت بس ارجع اسبوع تقريبا بتاريخ 26من شهر 5 سنت الفين افتكر .... ضربت معانا ضربه فوق ال650 او 700 نقرور... قراقير طبعا. نقارير وطريجعيه بس كبار . تقريبا مبارين 40قرقور.

هذاك اليوم نزل سعر النقرور لمدة يومين بسوق السمج مال شرق. من كثر الي نزلناه. ثلاث دلالين يشتغلون. نزلنا سهم النقرور بس بعدها ارتد. وكل ماله وقعد يصعد.

وهالايام مااطلع والله....


بقولك شغله صارتلي توه الحين عن البورصه. الي يذبحك انك تطلب السهم مثلا بعر 1.54 طالب فيه 6500سهم . باعولي 1350 سهم وصعد السهم وصل 1.64

هاهاههاها والله حرق اعصاب والعموله محسوبه عليك وتنطر لين ينزل وينزل لي 1.56 ويرتد ..... مشكله


اتصدق وانا اكتبلك هالكلام نزل وشريت...


فمان الله فمان الله

 

[alrabeet]

هاب ريح عسى الله ان يعوضك بخسارتك ان شاء الله

ويرزقك من حيث لا تحتسب

ومعلومتك اللى قلتها لي ما تسر صديق وانا اخوك

واتمنى لك التوفيق

 

[هاب ريح]

الله يرزقنا وياك ان شاءالله يااخوي. ومشكور وماتقصر. الرزق بيد الرحمن سبحانه
نطلبه منه وان شاءالله يرزق كل الي بالمنتدي والمسلمين اجمعين ومحد يخسر


انا موبس خسرنا بهالسهم في سهم بعد afrt شاري بسعر 0.023 ماخذ بعد 100الف سهم والحين طايح بالقاع السهم.... يااخوي انا كل سهم اشتري فيه ينزل

واسهم البني هذي والله مشكله كل مااقول ماني شاري فيها ارد لها . اشوف السهم قدامي قاعد يطير ويندبل. لاصعدت صعدت ولا نزلت نزلت.

المهم الله يرزقنا ان شاءالله وياكم وكل الاخوان الي بالمنتدي هذاوجميع المسلمين

وفمان الله.........

 

[alrabeet]

للرفـــــــــــــــــــــع

آخر سعر 0.0045

 

[alrabeet]

بعد وصولها اليوم الى 0.0062

الان هي ب 0.0045 ايضا

وما زال يراوح :d

للمتابعه وابداء الراي