yoyo1983
إلغاء نهائي
1- هل حسيت بيوم انك ندمان على شي احد حبطك فيه .. هل حسيت انه الدنيا قالبه ضدك و يريت انك ما طاوعت هالشخص..
ايي فقمت اخذ حذري من كل كلمة اقولها و حق منو علشان لا اندم بعدين
2- هل حسيت انك بطلت على نفسك باب بحياتك و مو عارف اشلون تصكره و حاس انه عليك مسؤولية..
ايي بس همن لو ما بطلت هالباب يمكن الحين انا انسان غير بطباعي
3- هل حسيت انك مو قادر تمشي الحياة على كيفك اهي تمشيك على كيفها .. و لازم يكون فيه احد بحياتك يبط جبدك .. و حسيت انه هذا نفس اختبار حقك اشلون تتحمل المصاعب
ايي هذا الي مخليني اصبر بالحياة
4- هل تحس تطور حياتك الاجتماعية ماثرة عليك سلباً
احياناً مو دايماً خصوصاً اذا ناس زعولة او معوقة فكرياً
5- هل تحس انه الموت حل لمشاكلك ؟
ما اظن لان بالنهاية بندم اكيد
6- هل تحب الهدوء ؟
اييي وايد خصوصاً لما يكون مالي خلق شي
7- هل تايد انه الحب عيب و يفضل يكون بعد الزواج ؟
لا ما ايد دام فيه احترام و نية صافية
8- ودك اتكون مثل انسان عاجبك طبعه لكنك مو قادر ؟
ودي اخذ جم صفة من ناس انا ما عندي اياها
9- هل تقدر تمنع نفسك من انك ما تتغير بسبة الناس لي تحتك فيهم ؟
احياناً ايي و احياناً لأ
10- عندك غيرة لما اتشوف شي يعجبك عند غيرك و ما عندك و هل تقول مشاالله لما تشوفه ؟
ايي و اقول مشاالله
11- تحس حياتك هدف مو عبث ؟
على حسب انا شقاعد اسوي فيها
12- اتبوس راس امك او ابوك ؟
لما اخذ من امي فلوس او لما احد يسافر او بمناسبة او شي
13- هل تتاثر لما احد يصارخ عليك ؟
ايي اتأثر
14- تذكر اول طراق يالك ؟
ايي اتذكر
15- تنسى جروح الناس الي جرحوك ؟
لا ما انسى بس اسامح اذا اعتذر
16- ودك تعتذر من موضوع قديم شايله بخاطرك لانك جرحت احد بس مو قادر ؟
ايي ودي و متأكد انه بقولي لا عادي موضوع قديم بس مو عارف اشلون ما ودي اذكره بالموضوع
17- ودك تخفف طيبتك الزايدة ؟
ايي لانه الناس قامت تستغلها
18- ودك تحب ؟
ودي و ما ودي اخاف اني احب و اعذب الي يحبني وياي
19- تخاف من كلام الناس ؟
ايي وايد
20- فيه شي عمرك ما قلته حق احد ؟
لا
21- ندمان على فرص ضيعتها بحياتك ؟
ايي
22- لما احد يمدحك تغتر بنفسك حتى لو ما اغتريت تقدر تمنع نفسك بينك و بين نفسك ؟
ما اغتر بنفسي بس اصير مغرور بيني و بين نفسي فجذي ما احب المدح الزايد
23- اتحب اتبين حق الناس الاطباع الخايسه الي داخلك ؟
بس الي اعزهم و ارتاح لهم يمكن يلقون لي حل لاطباعي
24- تعرف تجذب ؟
لا كلش
خرابييييييييييط