raay
عضو نشط
- التسجيل
- 11 نوفمبر 2006
- المشاركات
- 1,272
- من اعلانات السوق التاريخيه عرفنا وين الشركات الزينه
- ابتعدنا عن الاسهم الورقيه
- واخترنا التوقيت المناسب للشراء
- وشرينا ولله الحمد والاسعار كانت معقوله
- ارتفع السوق ونزل ، وهذا طبيعي
- وبدا السوق بالانخفاض وقلنا هذا تصحيح
- صحح السوق وكان وضعنا جيد
- اعلن السوق الامريكي الكارثه ( التمويل العقاري )
- واعلن البنك المركزي الكويتي ان ما عندنا مشكله وشركاتنا بوضع مريح وتطمنا على حلالنا
- اعلانات ارباح الشركات اول 2008 والوضع جيد
- وصل المؤشر اعلى مستوياته وحذروا الشباب
- وطلعت من 60٪ من محفظتي
- واعلن السوق الامريكي بانهيار بشهر سبتمبر 2008
- وقال المحافظ وضعنا زين
- اعلانات الربع الثاني حددنا اهدافنا للدخول
- خساره كبيره لبنك الخليج
- قال البنك المركزي ان هذي خساره ووضع البنك جيد وان البنوك بالكويت والشركات ماعليها خوف
- تطمنا
- وصلت الاسهم لاسعار مغريه
- امر الامير طال عمره بدعم السوق
- ارتفع السوق بيوم واحد اكثر من 400 نقطه
- اعلان وزير الماليه بتخصيص محفظه ملياريه لدعم السوق
- قلنا السوق بيتعافا وهذا النزول بسبب تسييل المحافظ
- قلنا ننطر
- اعلان المركزي بان الشركات وضعها ممتاز عدا بعض الشركات الاستثماريه
- قلنا يقصد الورقيه وهذيل مكشوفين .. وتطمنا
- قالو المحفظه ستدخل يوم الاربعاء
- قلنا فرجت وماله داعي الخوف
- قمنا ودشينا شوي شوي وبشكل اسبوعي( لان في تطمين من المركزي واعلانات الربع الثالث طيبه )
- الكاش طار
- اعلان المركزي بان هناك شركات ستعلن افلاسها
- خفنا
- اعلان المركزي ان المشاكل تطول البنوك وشركات استثماريه
- حاتينا
- شود الاسعار بالحظيظ
- اعلانات المركزي بان الوضع مو زين
- تاخر اعلانات الربع الرابع
- حجي الناس بان الوضع سيء
- قلنا نبيع ونسلم على المتبقي من المحفظه
- المفاجاه ماكو شراي
- كل يوم حد ادني
- قلنا نصبر ونصير مستثمرين
- اعلان المركزي للشركات بتخفيض توزيعاتهم
- قعدنا نشوف السوق يوميا ينزف 100 نقطه
- ماعندنا فلوس ندفع لمحلاتنا
- ماعندنا فلوس ندفع لموظفينا
- ليش يا بنك مركزي سويت فينا شذي
- بسبب مراجعتك لبيانات الشركات وبسبب اعلاناتك تطمنا
- وبسبب اعلانات الحكومه ....... هم تطمنا
[*]الحين وبسببكم ........... فلسنا
[*]يالله مو انتم المسئولين عن الوضع .. حلوها
[*]حولو المتسبب للقضا
[*]حاسبو اللي العبو فينا
[*]ردوا لنا الثقه بالسوق
[*]ترا ورانا اقساط والتزامات
[*]موظفين وعيال بارقابنا
اعذروني من طول الموضوع بس لحد يلومني ، من حرتي والله