مواطنة: ما الذي يجري.. كيف يأتي اليوم الذي لا أستطيع فيه بيع 100 ألف سهم «وطني»؟!

[بونور2]

ياحرام مسكينه تكسر الخاطر موقادره تبيع الاسهم ماشاءالله فقيره 15 سنه تداول وماخذه قروض وتلقاها كل سنه فى باريس وسويسرا وسياره بورش اخر موديل وهى من اصحاب الدماء الزرقاء هههههههههه والله شى يضحك ولما قالو عن اسقاط القروض عن المواطنين تلقاها اول وحده معارضه الله يمهل ولا يهمل وبعد باجر نبى نشوف غيرها صاحبه الخط الاحمر ممنوع الاقتراب منها والفقير لو 50 دينار تلقاه عليه منع سفر والقاء قبض وبلاوى عشان 50 دينار صج مسكينه موقادره تبيع 100 الف سهم حرام خلوها تروح بيت الزكاه او الجمعيات الخيريه يتبرعون لها لانها تستاهل واول مايعطون لها والمسكين ينطر ولا اخر شى يرفضونه يقولون انت مومحتاج

اليوم الوطني مطلوب بال810...........السيده مو قادره تبيع........تبي ال400

مالا داعي الضحك شباب هذي مشاعر ناس فقاره

 

[adel8877]

ياجماعة الخير الأخبار القادمة لاتصدق لأنه لايتوقع الشخص الذى لديه 30000ألف دينار بقدرة قادر صارت ورق لايباع فنرجو عدم الشماته بالناس .

 

[3lgm]

لا حول ولا قوة الا بالله

 

[ساره78]

ياحرام مسكينه تكسر الخاطر موقادره تبيع الاسهم ماشاءالله فقيره 15 سنه تداول وماخذه قروض وتلقاها كل سنه فى باريس وسويسرا وسياره بورش اخر موديل وهى من اصحاب الدماء الزرقاء هههههههههه والله شى يضحك ولما قالو عن اسقاط القروض عن المواطنين تلقاها اول وحده معارضه الله يمهل ولا يهمل وبعد باجر نبى نشوف غيرها صاحبه الخط الاحمر ممنوع الاقتراب منها والفقير لو 50 دينار تلقاه عليه منع سفر والقاء قبض وبلاوى عشان 50 دينار صج مسكينه موقادره تبيع 100 الف سهم حرام خلوها تروح بيت الزكاه او الجمعيات الخيريه يتبرعون لها لانها تستاهل واول مايعطون لها والمسكين ينطر ولا اخر شى يرفضونه يقولون انت مومحتاج

شلون حكمت عليها انها من اصحاب الدماء الزرقاء..ويعنى كل من يتداول 15 سنه بالبورصه يصير مليونير رغم ان اسواق المال نسبه المخاطره والخساره فيها عاليه..لو هى مليونيره مو محتاجه للقروض ...وليس كل من يسافر باريس او سويسرا من اصحاب الملايين..بعدين قيمه 100الف سهم الوطنى تقريبا 80الف دينار..وهى عندها السهم وراثه من سعره 100فلس يعنى 10الاف دينار سعر شرائه..وانت شدراك انها من معارضى اسقاط القروض.. وانت ماتعرفها شخصيا..

 

[دكتور كويتي]

يا جماعة سويتوا قصة من لاشي

هذه رسالة من الجريدة نيابة عن المرازيق يا حكومة تدخلوا ترى طولتوا علينا

وحتى شوفوا هذه كويتية بجت شنوا ناطرين ؟؟؟

يا حرام يا جريدة الأنبااااااء تو الناس ما كنتم تدرون شكثر عوايل كويتية بجت وهي مهددة بالسجن

 

[bo3adsa]

لا حول ولا قوة الا بالله

الناس انحطت على ايدها الكلبشات وبطريقها للسجن. وانتوا تتناجرون على مدى صدق هذا الخبر؟!
القصة هذي حقيقية واذا تبون تتأكدون روحوا البورصة وشوفوا المتداولين الي هناك ...

بكاء المواطنة ليست حسرة على ضياع مدخراتها ومدخرات ايتامها وبكاؤها ليس بسبب عدم استطاعتها تسديد قرضها لكن بكائها حسرة لما آلت اليه احوالنا, البورصة تمر بعروق غالبية الكويتين لان ما عندهم مصدر رزق يقبل
برأس مال صغير الا هي وبالتأكيد الكثيرون من امثال المواطنة استثمروا شقى عمرهم فيها ..

حنا نقول يالله هون علينا مصيبتنا وامنحنا الصبر, اليوم بكاؤنا دموع, غدا بكاؤنا دماء ............​

 

[cocacola]

اتوقع المواطنه طلعت افلوس ال 100 الف سهم عشرات الاضعاف خلال ال 15 سنه السابقه
من خلال التوزيعات و ارتفاع الاسهم الخياليه خلال 2007-2008
لا تنسون زين كانت 5 دينار و الوطني 2.5