ماهو الحل بعد تفنيش الكويتين في القطاع الخاص

[كويتي 777]

هل سوف يتدخل ديوان الخدمة المدنية وينقذهم ؟
هل من حق الموظف ان يقاضي جهة عمله بطلب تعويض ؟
هل يحق للشركة او المؤسسة ان تخفض رواتب الموظفين قانونيا ؟

واللي يعرف اي شي لايبخل علينا بالمعلومات التي قد تفيد البعض منا

 

[sarheed]

اسألتك وايد حلوه

بس مع الاسف مافي قانون بالكويت يحمي الموظف اللي يتفنش في القطاع الخاص وهذه الشغله قاعد نعاني منها من سنوات ونعاني من تعنت المدراء والملاك بهذا القطاع ولا حياة لمن تنادي

طبعا ديوان الخدمه لن يتدخل
ولا يحق للموظف ان يقاضي جهة عمله
اما بالنسبه لتخفيض الرواتب فلا يحق للشركة ذلك

واذا تبي تتعين بالحكومه فراح يعينونك موظف كأنك توك متخرج وكل سنه خبره عند تساوي 10 د.ك. زياده بالراتب

وماراح تلاقي احد يتعاون معاك بهالموضوع ولاتسألني عن السبب لآني ما اعرف السبب بس الشي غريب حبيت اشاركك فيه والدليل مرة 24 ساعه على طرحك للموضوع ولا احد شارك معاك

 

[كويتي 777]

شكرا على ردك اخوي

 

[السيد الأصلي]

أنا من واقع خبرتي بالقطاع الخاص(بنوك + شركات) عند توقيع العقد في فقرة بالعقد تقول (يحق للطرف الأول (الشركة أو المؤسسة) ابلاغ الطرف الثاني (الموظف) بإنتهاء العقد في اي وقت يراه مناسبا مع مراعاة ان تكون المدة لا تقل عن اسبوعين.

يعني بالعربي قبلها بأسبوعين لازم يبلغونك أو تبلغهم انت اذا انت ماتبي تستمر معاهم(على حسب كل شركة) في ناس عقود المدة تكون شهر وفي ناس شهرين وثلاث.


ومع الأسف مافي قانون يمنع تعنت بعض المدراء(التعبانين) تجاه موظفينهم خصوصا بالقطاع الخاص من ناحية (التفنيش ، الإنذارات ، لفت النظر) وترا في ناس وايد مظلومين بالقطاع الخاص ... ​

 

[السيد الأصلي]

هل سوف يتدخل ديوان الخدمة المدنية وينقذهم ؟
هل من حق الموظف ان يقاضي جهة عمله بطلب تعويض ؟
هل يحق للشركة او المؤسسة ان تخفض رواتب الموظفين قانونيا ؟
واللي يعرف اي شي لايبخل علينا بالمعلومات التي قد تفيد البعض منا

حسب قانون العمل في الكويت يجوز للشركة أو المؤسسة إلغاء بعض البدلات الممنوحه للموظفين مثل ( بدل سفر ، بدل طريق ، .... الخ).​

 

[MilaNi]

الله المستعان
ماعاد في قانون (( في قانون )) بس محد يطبقه
الى متى ... تخلف تاااام ...

 

[al-jadi]

أنا من واقع خبرتي بالقطاع الخاص(بنوك + شركات) عند توقيع العقد في فقرة بالعقد تقول (يحق للطرف الأول (الشركة أو المؤسسة) ابلاغ الطرف الثاني (الموظف) بإنتهاء العقد في اي وقت يراه مناسبا مع مراعاة ان تكون المدة لا تقل عن اسبوعين.

يعني بالعربي قبلها بأسبوعين لازم يبلغونك أو تبلغهم انت اذا انت ماتبي تستمر معاهم(على حسب كل شركة) في ناس عقود المدة تكون شهر وفي ناس شهرين وثلاث.


ومع الأسف مافي قانون يمنع تعنت بعض المدراء(التعبانين) تجاه موظفينهم خصوصا بالقطاع الخاص من ناحية (التفنيش ، الإنذارات ، لفت النظر) وترا في ناس وايد مظلومين بالقطاع الخاص ... ​

مو بكل العقود موجود هالبند
تلاقي بعض العقود مكتوب فيها ( يحق للطرف الاول فصل الطرف الثاني دون انذار مسبق )

بهالحاله الطرف الاول الى اهو الشركة ضامنه حقها

بعدين سؤال
لماذا القطاع الاص قرر تسريح اغلب او نسبه كبيره من الموظفين الكويتيين.؟
لانهم يشكلون ثقل على ميزانيه الشركات وخاصه ان الدوله قراراتها متناقضه
يعني تشجع القطاع الخاص على توظيف الكويتيين وبنفس الوقت تفرض على كل كويتي من ناحيه التامينات مبلغ 41.400 اقل شي للتامينات؟ والموظف سؤاء دفع ولا ما دفع على راس الشركة

فتقول الشركة بلا ديون وبلا عوار راس اييبلي بمعاش الكويتي 3 موظفين اجانب وخبره لا تاخير بالمواعيد ولا تعطيل ولا استأذات ولا غيره

ونفتك من الرسوم الى تفرضها الدوله؟

 

[abuffaisal]

يا شباب

العقد شريعة المتعاقدين

يعني قبل ماتوقع العقد مع الشركة اقرأالعقد بتمعن ولا تستحي او تثق في احد لان القانون

لايعرف الثقة انما يعرف العقد والتوقيع عليه فقط .

وشكراااااااااا

 

[al-jadi]

يا شباب

العقد شريعة المتعاقدين

يعني قبل ماتوقع العقد مع الشركة اقرأالعقد بتمعن ولا تستحي او تثق في احد لان القانون

لايعرف الثقة انما يعرف العقد والتوقيع عليه فقط .

وشكراااااااااا

صح ما قلت
اغلب الكويتيين للاسف ما عنده وقت حتى يقرا يوقع وبس وهذا غلط

 

[abu el neez]

صح ما قلت
اغلب الكويتيين للاسف ما عنده وقت حتى يقرا يوقع وبس وهذا غلط

اي والله صاج ... الغالبية تلقاه فرحان ويوقع او مالا خلق يقرا ويقول هالبنود روتينية وبالاخر ينصدم في بند او اثنين تكون الشركة ضامنة حقها فيهم ملاعين هالروس الكبيرة والله المستعان