احترت بين يوريكا والغانم والوكيل

الموضوع في 'إعلانات الكمبيوتر والإنترنت' بواسطة lfc, بتاريخ ‏24 يناير 2009.

حالة الموضوع:
مغلق
  1. lfc

    lfc عضو جديد

    التسجيل:
    ‏4 نوفمبر 2007
    المشاركات:
    143
    عدد الإعجابات:
    0
    السلام عليكم ورحمه الله وبركاته

    اخواني انا احترت وانا ادورلي لابتوب سوني رحت يوريكا والغانم والوكيل وكل واحد يقول كلام غير عن الثاني :

    الغانم ماذكر والله بالضبط شنو قالي

    يوريكا يقول انه لابتوباتهم ارخص لابتوبات بالسوق وصح انا سئلت على لابتوب سوني فايو sr220jib سعره 449 دينار وبالوكيل سعره 550 وزياده ماذكر بالضبط جمن سعره

    انزين ليش يوريكا يفرقون عن السوق هالكثر ؟؟

    انا اللي اعرفه انه اجهزه يوريكا صينيه
    بينما الوكيل قالي انه الاجهزه عندهم تجميع الصين والقطع يابانيه

    اتمنى انكم تفيدوني وشكرا ً

    واذا في مكان احسن ليتكم ادلوني
     
  2. cocacola

    cocacola موقوف

    التسجيل:
    ‏9 مايو 2007
    المشاركات:
    1,296
    عدد الإعجابات:
    0
    مكان الإقامة:
    الكويت
    اخوي دائما الاجهزه في الغانم و يوريكا ارخص من الوكيل
    وهم ياخذون الاجهزه من الوكيل
     
  3. almutawa3

    almutawa3 عضو جديد

    التسجيل:
    ‏14 أغسطس 2008
    المشاركات:
    2,056
    عدد الإعجابات:
    0
    اللى يقولك ان جهاز يوريكا غير جهاز الوكيل هذا ماعنده سالفه ، الجهاز واحد وفرق السعر اكثر من 100 دينار وخدمه يوريكا ممتازة .
     
  4. نعم1000

    نعم1000 عضو جديد

    التسجيل:
    ‏20 يناير 2009
    المشاركات:
    114
    عدد الإعجابات:
    0
    انا اقولكم قصه يوريكا الخياس

    ان يوريكا الخياس

    يبون لابتوباتهم من استوكات من دبي

    من الدرجه الثانيه الخايسه الليي نفسهم

    يعني اذا شريت منهم جهاز

    اغلبيتهم كفاله دوليه

    ف يقول لك بايع يوريكا :: اي نعم هذا اللاتوب قوي وعند فلان و فلان 500 وعندنا 400 ونفس الكفاله (شوفو البايع النذل يقولك نفس الكفاله وفعلا نفس الكفاله بس ان الكفاله الليي عليه دوليه فغصب عليهم الوكيل بالكويت يصلح )

    والشاري يقول:والله ازقرت تمام ارخص 100 دينار وفرت 100 مستانس (بس الحقيقه ان شاري ستوك بضايع خياسهم وكل شوي بيروح يصلح او في حالات يصير عندهم الوضع ماشي وما يخترب بس الاحسن انك تشتري شي مضمون ومن وكيله او من الغانم لان ما عندهم سوالف يوريكا)
     
  5. فاضي حدي

    فاضي حدي عضو جديد

    التسجيل:
    ‏30 يونيو 2008
    المشاركات:
    223
    عدد الإعجابات:
    0
    ياخوي بالنسبة حق يوريكا انا اشتريت منهم وعرفت طريقتهم

    اصلا يوريكا مجرد معرض مايملك اي شيء من البضائع مو مثل الغانم

    لأن لما اشتريت منهم مايقارب 7 الى 8 اجهزة منها تلفزيون وثلاجة وطباخ وغسالة وغيرها

    كل قطعه كانت تتصل فيني شركة تختلف عن الثانية عشان يوصلونها لي وعرفت من هالطريقة انهم معرض فقط

    اما اللاب توب ماجربت من عندهم لأن محلات حولي متروسه وارخص من الغانم ويوريكا وكذلك الوكيل

    لكن محلات حولي لازم كاش واذا عندك كاش لا تشتري إلا من حولي

    واذا ناوي اقساط مر على كارفور هم عندهم اجهزه زينه وبالتوفيق اخوي
     
  6. mohamm3d

    mohamm3d عضو نشط

    التسجيل:
    ‏24 سبتمبر 2008
    المشاركات:
    347
    عدد الإعجابات:
    0
    اسمعني اخوي تبي الحل اسأل مجرب انا مااشتري من الغانم ولا يوريكا

    اقولك من وين تشتري

    روح مكتبة جـــــــــرير شوف اللابتوبات رخيصصصصصه ومواصفات قويه وحلوه


    مو مثل يوريكا والغانم انا مجرب وشايف ودرت افضل شي بالسوق جرير

    لابتوبات مية مية وحتى التلفونات مثل htc ارخص من الغانم


    روح شوف وتعرف الفرق ولك خيارات اكثر بجرير
     
  7. dali

    dali عضو نشط

    التسجيل:
    ‏10 يناير 2009
    المشاركات:
    303
    عدد الإعجابات:
    0
    مكان الإقامة:
    Q8
    السلام عليكم
    انا اتفق مع الاخ اعلاه
    جرير يمكن غالي شوي لكن بضاعتة جيده ومافيها غش
     
  8. باركر

    باركر عضو جديد

    التسجيل:
    ‏14 يناير 2008
    المشاركات:
    1,064
    عدد الإعجابات:
    0
    مكان الإقامة:
    الكويت
    اخوي انا اتكلم من واقع تجربه وبالخصوص مع لابتوبات سوني يوريكا يجيبونها من بره الكي بورد يكون انجليزي وهم يعربونه عندهم وروح شوف الاحرف وخاصه حرف ( ج ) اللي عند الوكيل وشوف الاحرف العربيه اللي عند يوريكا تلقاها غير راح تشوف حرف ( ج ) مطبوع على كلمتة enter عند يوريكا ام عند الغانم والوكيل نفس الشي يوريكا يجيبونها من بره والكفاله تكون سنه فقط وعلى يوريكا اما الغانم والوكيل يعطونك الشي الزين الكي بورد الاصلي والكفاله 3 سنوات على وكيل السوني والسعر كلهم نفس الشي ماكو فرق ترى السوني نزل اسعاره
     
  9. cocacola

    cocacola موقوف

    التسجيل:
    ‏9 مايو 2007
    المشاركات:
    1,296
    عدد الإعجابات:
    0
    مكان الإقامة:
    الكويت
    اخوي اجهزه حولي مضروبه واكثرها من الصين
     
  10. مساهم11

    مساهم11 عضو نشط

    التسجيل:
    ‏29 سبتمبر 2008
    المشاركات:
    2,234
    عدد الإعجابات:
    0
    مكان الإقامة:
    الكويت
    يوريكا والغانم كلهم للغانم
     
  11. lfc

    lfc عضو جديد

    التسجيل:
    ‏4 نوفمبر 2007
    المشاركات:
    143
    عدد الإعجابات:
    0
    مشكورين على الردود والتفاعل

    بخصوص الاخوان اللي قالو مكتبه جرير وين صايره ما ادلها ؟؟

    ثاني شي اللي بعرفه الاجهزه نفسها في كل مكان ولا في مكان صيني ومكان ياباني

    الصراحه انا الربع قالولي اخذ سوني ياباني وغير الياباني لا ادور صحيح هذا الكلام ولا لا ؟
     
  12. باركر

    باركر عضو جديد

    التسجيل:
    ‏14 يناير 2008
    المشاركات:
    1,064
    عدد الإعجابات:
    0
    مكان الإقامة:
    الكويت
    اخوي فعلا الياباني لايعلى عليه بس سعره غالي حيل والصيني ممتاز مافيه مشاكل خصوصا لابتوبات السوني جدا ممتازه
     
  13. فاضي حدي

    فاضي حدي عضو جديد

    التسجيل:
    ‏30 يونيو 2008
    المشاركات:
    223
    عدد الإعجابات:
    0
    مكتبة جرير موجوده بحولي داخل حولي بارك مدينة الالعاب بشارع تونس بعد الاشارة مقابل الجمعية ولابجيت وكنتاكي
     
  14. sulaimanajmani

    sulaimanajmani عضو جديد

    التسجيل:
    ‏31 مايو 2007
    المشاركات:
    276
    عدد الإعجابات:
    0
    انا شريت سونى كامل المواصفات الشكل جلد ممتاز ب 275 دينار من مركز لابتوت بمجمع القيروان بحولى شارع بن خلدون عندهم كل الالوان واسعارهم ممتازة
    روح عند واحد هندى اسمه رياض معاملة زينه والسعر بلاش

    وعندهم كل الماركات والموديلات
     
  15. ابوطارق

    ابوطارق عضو جديد

    التسجيل:
    ‏3 ديسمبر 2005
    المشاركات:
    99
    عدد الإعجابات:
    0
    انا قرات موضوع لاحد الاعضاء عن السوني يقول فيه ان السوني اللي تكون مقاس الشاشه اكثر من 14.1 يكون صيني والاصغر يكون ياباني والله اعلم ... شكرا
     
  16. bou_yousif

    bou_yousif عضو جديد

    التسجيل:
    ‏23 يونيو 2008
    المشاركات:
    109
    عدد الإعجابات:
    0
    مكان الإقامة:
    الــــــكـــــويت

    أتعس ناس بالبيع هم يوريكا أروح أشتري من بقاله و لا من يوريكا !!!!


    اخر مره شريت وحدة تكييف و عند التركيب اطلعت مو نفس اللي بالمعرض , و لما راجعتهم طلع المعروض داخل المعرض غير و السلعه غير !!!! و جاء ردهم سخيف و قالوا : مافي مشكله يالحبيب نرجع لك فلوسك ؟؟؟!!!!

    اخوي نصيحه لا تدور غير لابتوب التوشيبا كد و مد عندي 3 استعملهم بالبيت مع العيال و الحمدلله عال العال , او لا تستعجل الأحد القادم في معرض بمشرف و أكيد بتلقى عروض زينه ...................

    بو يوسف
     
  17. بورغد

    بورغد عضو نشط

    التسجيل:
    ‏23 يوليو 2007
    المشاركات:
    712
    عدد الإعجابات:
    4
    روح شوف من الكتروزان ... خوش اسعار
     
  18. سـعـود

    سـعـود عضو جديد

    التسجيل:
    ‏18 يناير 2009
    المشاركات:
    168
    عدد الإعجابات:
    0
    مكان الإقامة:
    الكويت
    السوني من واقع تجربة الياباني لا يعلي علية
    بس الياباني شاشتة 13 او 11 فقط والباقي صيني
    طبعا فية صناعة امريكية لكل الانواع وموجودة في حولي لكن ليست بجودة الياباني
     
حالة الموضوع:
مغلق