بخصوص كيمز

الموضوع في 'إعلانات الكمبيوتر والإنترنت' بواسطة مجنون مها, بتاريخ ‏26 يناير 2009.

حالة الموضوع:
مغلق
  1. مجنون مها

    مجنون مها عضو جديد

    التسجيل:
    ‏19 سبتمبر 2007
    المشاركات:
    172
    عدد الإعجابات:
    0
    الله يعطيكم العافيه جميعا

    اعندي استفسار بخصوص كيمز

    ابي اسال اللي جربوا خدمات كيمز شلون الخدمه

    خدمه العملاء

    السرعه ثابته ولا متغيره

    جم الداون لود

    لاني بصراحه شفت عرضهم وعجبني

    بس ما ادري عن خدمتهم

    وابي نصيحتكم اشترك وياهم ولا اشوف كواليتي وفاستلكو؟

    ولكم جزيل الشكر مقدما
     
  2. BO NASER

    BO NASER عضو جديد

    التسجيل:
    ‏2 سبتمبر 2006
    المشاركات:
    4,028
    عدد الإعجابات:
    0
    مكان الإقامة:
    KUWAIT
  3. مجنون مها

    مجنون مها عضو جديد

    التسجيل:
    ‏19 سبتمبر 2007
    المشاركات:
    172
    عدد الإعجابات:
    0
    اللي يعطيك العافيه

    بس الى الان مالقيت الاجابه المفيده

    واحد يمدح واحد يذم
     
  4. kuwaitman_1

    kuwaitman_1 عضو نشط

    التسجيل:
    ‏21 ابريل 2008
    المشاركات:
    102
    عدد الإعجابات:
    0
    اذا انت تلعب قيمز اون لاين لا تشترك
    اذا انت تنزل أفلام وتصفح وتنزيل روح وتوكل على الله ترى احسن من غيرها بهذي الشغلات
    بس القيمز مو شئ؟؟؟
    خبرة سنه وياهم
     
  5. Taekwondo

    Taekwondo عضو جديد

    التسجيل:
    ‏4 يناير 2009
    المشاركات:
    382
    عدد الإعجابات:
    0
    مكان الإقامة:
    الكويت
    اخوي انا هذي ثاني سنه لي مع شركة كيمز (لو اني مو مرتاح الحمد لله ما اجدد) بالنسبه حق خدمة العملاء ما شاء الله ولا اروع شغلهم حلو وان شاء الله ما راح تحتاج لهم لأنه المشاكل قليله جدا جدا جدا يعني طول السنتين اعتقد صادفتني مشكلة او ثنتين بالكثير .. انا مو من النوع اللي اسوي داون لود وايد لكن غالبا اتصفح بالاكسبلورر فبالنسبة لي السرعه ولا اروع صراحه .. من ناحيتي اقول توكل على الله

    ملاحظه: السرعه اللي عندي 256
     
  6. مرور الكرام

    مرور الكرام عضو نشط

    التسجيل:
    ‏30 مارس 2007
    المشاركات:
    1,062
    عدد الإعجابات:
    0
    مكان الإقامة:
    Q8
    أخوي أنا أنصحكم فيكم صراحة من حيث قلة الخرابات والاعطال والمشاكل

    يعن انا ي معاهم سنتن وبجدد الثالثةعلى خير نادر جدا تصادفني مشاكل وتعاملهم حلو من حيث الدعم الفني وسعرهم حلو واي مقارنة بغيرهم

    والله يوفقك

    سرعتي السنة الاولى كنت 256 والسنة الثانية 512 والسنة بخليه 1ميغا وبجرب
     
  7. أبوفلان

    أبوفلان عضو نشط

    التسجيل:
    ‏27 يونيو 2008
    المشاركات:
    1,460
    عدد الإعجابات:
    0
    لا تشترك في كيمز ،، خدمة سيئة ،، ونص المواقع محجوبة ، حتى المواقع الاسلامية حاجبنها ،،
     
  8. Podolski

    Podolski عضو جديد

    التسجيل:
    ‏20 أغسطس 2008
    المشاركات:
    238
    عدد الإعجابات:
    0
    ممم والله انا جربت كواليتي و جربت كيمز و الفرق مو شاسع ...

    اللي يميز شركه كيمز عن غيرها ان الابلود يعطيك نص سرعه الداونلود ، يعني اذا اشتراكك 1 ميغا يكون الابلود 512 كيلوبايت ، اما كواليتي لا اذا اشتراكك 1 ميغا الابلود يكون 256 ، طبعا هالميزه تحتاجها اذا تلعب اونلاين .

    بس اذا انت تبي حق تنزيل بس اعتقد كواليتي احسن شوي بالسرعه مع انها ما تفرق وايد يعني كيمز الداونلود حده 130 كيلوبايت و كواليتي يوصل 140 او 145 ...

    و خدمه العملاء بصراحه وايد احسن من كواليتي ، انا غيرت كواليتي من خدمتهم ، دايما يحاولون ينصبون عليك و ياخذون منك اكبر قدر ممكن من فلوسك ، يعني اول شي يقولولك مثلا اللي راح تدفعه كله 100 و لمن تتحمس و تروحلهم يطلعولك شغلات يديده يعني يقولك ترا هذا بدون مودم او بدون راوتر و لازم تدفع و هني و هناك اخر شي تدفع 160 دينار لأنك متحمس و حطيت ببالك انك مشترك مشترك و ما تبي تهون ...
     
  9. مجنون مها

    مجنون مها عضو جديد

    التسجيل:
    ‏19 سبتمبر 2007
    المشاركات:
    172
    عدد الإعجابات:
    0
    لا والله ما العب قيمز

    شغلي كله داون لود وتصفح
     
  10. مجنون مها

    مجنون مها عضو جديد

    التسجيل:
    ‏19 سبتمبر 2007
    المشاركات:
    172
    عدد الإعجابات:
    0
    خدمه سيئه مثل شنو؟

    وشنو المواقع المحجوبه غير المواقع الاباحيه ؟

    الله يعطيك العافيه

    اخوي بالنسبه لسرعة 512 جم الداون لود؟
     
  11. مجنون مها

    مجنون مها عضو جديد

    التسجيل:
    ‏19 سبتمبر 2007
    المشاركات:
    172
    عدد الإعجابات:
    0
    الله يعطيكم العافيه جميعا على تفاعلكم

    واللي عنده اي معلومه لا يبخل علينا

    وعلى فكره اشرايكم بعرض فيفا للانتر نت 20 دينار بالشهر ومفتوح ينافس مع الدي اس ال ولا لا؟
     
  12. الصج ينقال

    الصج ينقال عضو جديد

    التسجيل:
    ‏6 أكتوبر 2007
    المشاركات:
    420
    عدد الإعجابات:
    0
    مكان الإقامة:
    أبد .. شوفني يمك
    انا ثاني سنة معاهم

    اول سنة 256 بعدين جددتها إلى 512
    الدوان لود عندي يوصل 120 كيلو بات << مرات يضرب بالعالي

    ومرات ينزل ماهو ثابت طول اليوم بس اتسغل أوقات ارتفاعه
    هذا عيبهم الوحيد

    وأما خدمة العملاء فخووووش خدمة بسرعة يردون عليك
    ما يزرعونك مثل كوالتي << مشترك سابق بكوالتي ومتهاوش

    ---
    لكن نقول
    انطر معرض الإتصالات ..
    شوف العروض
     
  13. أبونوره

    أبونوره عضو نشط

    التسجيل:
    ‏27 ابريل 2005
    المشاركات:
    1,273
    عدد الإعجابات:
    0
    صار لي سنه اشتراك 1 ميغا في كيمز

    الداون لود 120 من المواقع

    ومن التورنيت 106 مع ملاحظة اول ما اشتركت كانت السرعه في التورنيت 124-136

    وكلمتهم وما صار شي

    وبالنسبة للابلود في السابق 70-80

    وحاليا ما يتعدى 60 بالنسبة للتورنيت

    ((اعتقد)) انهم خفضوا السرعه بالتورنيت بس ما يبون يقولون

    واي سؤال انا حااااضر

    ملاحظة : اشراكي قرّب ينتهي في كيمز وماني مجدد حتى اشوف عروووض كوالتي في المعرض يقولون عروووض مذهله وهذا رأيي بالنسبة لك انتظر عروض كوالتي اذا اقوى خذ فيها لانه ما فيه فرق كبير بين الشركتين لاني مجربهم اثنينهم
     
  14. مجنون مها

    مجنون مها عضو جديد

    التسجيل:
    ‏19 سبتمبر 2007
    المشاركات:
    172
    عدد الإعجابات:
    0

    يعطيك العافيه اخوي

    عندي استفسار بس لا تستغرب ترا اخوك اعليمي :)

    اذا نزلت مثلا 4 ملفات في وقت واحد هل تكون سرعه التنزيل 120 لكل ملف ولا تكون 120 مقسمه على 4 ملفات؟

    وبصراحه انا محتار عرض فيفا ينتهي يوم 31/1

    والمعرض يبدا يوم 1/2
     
  15. أبونوره

    أبونوره عضو نشط

    التسجيل:
    ‏27 ابريل 2005
    المشاركات:
    1,273
    عدد الإعجابات:
    0
    خذ راحتك أسأل وانا أجيب ان امكن

    120 تقسم على كل ملف 00 كل ملف ياخذ 30 كيلو بايت

    ومافيه مقارنه بين الدي اس ال وبين فيفا او زين

    حسب استخدامك اذا كنت تطلع وتستخدم النت متنقل البيت الدوام واي مكان برا فهنا خذ فيفا

    اما اذا كنت في البيت وما تطلع اخذ الدي اس ال لانه اقوى والسرعه فيه ثابته 0
     
حالة الموضوع:
مغلق