مقابلة احد الاشخاص مع مسئول المحفظة المليارية

الموضوع في 'السوق الكويتي للأوراق الماليه' بواسطة hamanooosa, بتاريخ ‏28 يناير 2009.

  1. hamanooosa

    hamanooosa عضو جديد

    التسجيل:
    ‏26 يناير 2009
    المشاركات:
    558
    عدد الإعجابات:
    0
    صادفت اليوم المسئول الاول عن المحفظة المليارية ودار بينا هذا الحديث :

    انا : اشلونك بوفلان شخبارك .. زين حصلناك الا شخبارك المحفظة المليارية ؟
    بوفلان : لا بالغالي بخير عساك بخير .. ماكو شي اسمها محفظة ملياريه عندنا شي اسمه محفظه وطنية بس .

    انا : : يا ريت لو تقولي عن آلية شراء المحفظة للاسهم ؟
    بوفلان : هي مخصصة لدخول في 26 شركة وهي معروفة للسوق منها .. الوطني وبيتك وكل البنوك .. والتسهيلات .. والمخازن والهواتف .. وعموما اكيد انتم بالسوق وتعرفونها .

    انا : قاعدين تشترون الحين ؟
    بوفلان : مرات نشتري ومرات لا .. مرات يوصل تداولنا 20 الف دينار بس .

    انا : اشلون عيل مرتفع السوق هاليومين ؟
    بوفلان : مرتفع علشان تصريحات واخبار تدخل الحكومة الجديد لشراء ديون الشركات بس مو اكثر .

    انا : يعني مو منكم ؟
    بوفلان : يبا احنا شرائنا بطئ وما راح نرفع السوق احنا شرائنا استثماري ولو شفنا السوق بيوقع ترا ما راح نتشري .

    انا : وليش جذي ؟
    بوفلان : هذا كان بناء على تعلميات الحكومة ... محنا مخسرين الحكومه .. الحكومه ندخل كاستثمار مو لرفع السوق .

    انا : زين وليش ما ترفعون السوق ؟
    بوفلان : اول شي كلها 300 مليون الي وصلت ... وبعد جم يوم راح تزيد 200 مليون ... ولو نبي نرفع السوق يبيلنا 20 مليار .

    انا : زين عيل في قط عليكم من التجار ؟
    بوفلان : اي نعم التجار قاعدين يقطون علينا وبكميات كبيره .

    انا : ليش ؟
    بوفلان :لانهم يسمون الحكومه مستثمر سلبي .. يعني ما راح يناشب على مجالس الاداره .. وبعدين لما يوصل القاع يقومون يشترون من السوق بأقل خاصه وانهم محتاجين للكاش .

    انا : متى راح يكتمل صرف ال 300 مليون الي عندكم
    بوفلان : بعد 4 اشهر راح نكون صرفنا وكونا المراكز المطلوبة .

    انا : باختصار انت متفائل ؟
    بوفلان : انا اتصور انه الازمه لازم تاخذ حاصلها .. وراح تستمر طوال 2009 لانه للحين احنا في التداعيات

    انا : زين صج راح تفلس بعض الشركات مثل الدار وجلوبل
    بوفلان : ما اعتقد انه الحكومه راح تسمح بهالشي لانه افلاس شركة معناها افلاس عدة شركات تابعه ومرتبطه .
    انا : مشكور .... بوفلان .. وشاكر لك على وقتك وهالمعلومات .
     
  2. المؤشراتي2

    المؤشراتي2 عضو نشط

    التسجيل:
    ‏16 مايو 2007
    المشاركات:
    2,176
    عدد الإعجابات:
    37
    مكان الإقامة:
    الكويت
    الحكومة مستثمر سلبي ؟؟

    لولا الحكومة كان التجار يكشون ذبان من سنة الهدامة
     
  3. بو ضاري 2005

    بو ضاري 2005 عضو نشط

    التسجيل:
    ‏30 يوليو 2008
    المشاركات:
    2,712
    عدد الإعجابات:
    138
    كل يوم 20 الف لا تعبو روحهم سلملى على صاحبك
     
  4. ابو_العبادلة

    ابو_العبادلة عضو جديد

    التسجيل:
    ‏26 مايو 2007
    المشاركات:
    221
    عدد الإعجابات:
    0
    مشكور اول شي على النقل الخبر

    وثاني شي كلام صاحبك كلام شخص ما وده يعطيك اي شي ولا وده يسرب اي معلومه لك وإذا على قولته كل يوم 20 الف يبيله عشر سنوات على ما يخلص 200 مليون
     
  5. بلاع البيزة

    بلاع البيزة موقوف

    التسجيل:
    ‏25 يناير 2009
    المشاركات:
    111
    عدد الإعجابات:
    0
    مع كامل احترامي وشديد اعتذاري ولكن .. الحوار مصفف بطريقة السيناريو والحوار المسرحي ، ولا يحمل من المنطق الحواري سوى القليل
     
  6. ALSERHAN

    ALSERHAN عضو نشط

    التسجيل:
    ‏25 فبراير 2007
    المشاركات:
    2,289
    عدد الإعجابات:
    2
    بوفلان : مرات نشتري ومرات لا .. مرات يوصل تداولنا 20 الف دينار بس .
     
  7. مضارب شجاع

    مضارب شجاع عضو جديد

    التسجيل:
    ‏8 مايو 2007
    المشاركات:
    4,707
    عدد الإعجابات:
    1
    حوار بيزنطي
     
  8. ezee

    ezee عضو نشط

    التسجيل:
    ‏28 سبتمبر 2007
    المشاركات:
    1,067
    عدد الإعجابات:
    0
    مكان الإقامة:
    الكويت
    هذا المستشار فى منتدى سوق

    انسان صاحب مشاكل ولا عندة اى مصداقية وهو غير ثقةوصاحب تفرقة عنصرية

    والاغلبية يعرفونة