السطان: بيوت خربت ونحن نهدد الوزراء

[كاتب_متقاعد]

هذا زمن لا نعرف فيه
الصادق من الكاذب
والله تعالى هو المعين

 

[سوق الاوراق]

السطان: بيوت خربت ونحن نهدد الوزراء

أكد النائب خالد السلطان ان هناك بيوتا «خربت» بينما نحن نتفرغ لتهديد الوزراء، جاء ذلك خلال جلسة مجلس الأمة امس في أثناء مناقشة الاقتراح الخاص بالحالة المالية للبلاد.
واضاف انه ينبغي ان نقف امام من يهدد اقتصاد البلد وسنحاسب المتجاوزين والمتلاعبين ايضا، ولن نترك صغار المستثمرين للانهيار، وليس مقبولا ان نأخذ البلد كله بجريرة بعض المتجاوزين، فلتأت الحكومة بما لديها ونناقش ما فيه مصلحة البلاد.

السلام عليكم

الرجل اساء للحركة السلفية وكشف نفسه بنفسه !!!!!!!!!!!​

 

[سوق الاوراق]

والله عجيب امركم الحين الرجل كلامه واقعى وممتاز وصريح الله يجزاه خير
وللامانه الى ساهم معاهم فى الامتياز سوا فى صناديقهم او فى اسهم الشركة طلع ربحان ومستانس مو مثل الى يقول مصداقيه وشفافيه واهو ذابح المساهمين فى صناديقهم او اسهم الشركات الى فرخوها لكن صراحه فيه ناس عجيبه كانهم داخلين المنتدى بس للطعن الله يهدى العالم ويخلى اهل الذمه يردون حلال الناس وماتكون الازمه حجه لااكل اموال المسلمين بالحيله

السلام عليكم

كل الشركات بالبداية وناسة وتوزيعات بالهبل مو بس الامتياز !!!

على فكرة وين شركة الامتياز الحين !؟ وكم مليون مطلوباتهم !؟

 

[بوحسين11]

اول من خرب بيوت الناس انت واخوانك وعيال عمك ,,

لكن يوم شفت الخساير بشركتك الامتياز طلع صوتك وسكبت دموع التماسيح على ابناء بلدك

اللي وقفت ضد زياده خمسين دينار لهم ,, الحين مسوي روحك المحامي عنهم ..

,,


اقبض الحين ,, الحين جاء دورك ودور امثالك تدفعون فواتيركم المتأخره ..

صح لسانك اخوي بوبشير

 

[عبدالله_الكويت]

مطلوبات 400 مليون لكن فيه شغل وموجودات لازلت اقول انه الشركة افضل الموجود من ناحية الصدق فى العمل والربح مو الكلام الفاضى ونشر الاحلام والعب على المساهمين والشعارات العجيبه واكل اموال المسلمين بالباطل يس اقول انه فيه ناس ضد النجاح وللعلم انا غير موافق على طريقة الاستثمار الى متبعينه لسبب واحد انه اغلب الشغل فى قطر وهذا نوع من المغامرة لكن ارجع واقول انه الشركة حققت ارباح ممتازة وهذا شى يحسب للادارة وهو نجاح خطة الاستثمار مو افضل من التخبط الى حاصل عند الشركات الاخرى الى خسرانه واخيرا الحكم لكم قارنو بين الشركه وادائها هى وصناديقها وبين الشركات الاخرىواستثمارتهم وصناديقهم لكن احكموا بصدق +بعدين الانسان العاقل لا يسلك فى الخصومه الى مسلك العقلاء ويترك اهل بيت الرجل لانه عيب وشى مخجل

 

[stock-broker]

كافي ضحك علي الذقون

الاسواق العالمية كلها تقول في ازمة عالمية واحنا ابطال الكون بنحلها بخمس مليار او حتي عشرة ....
ليش من فلوس الي مالهم شغل بالاسهم ليش
ليش من فلوس الشعب ليش
وين العجز الاكتواري وينه
وين الي كانوا ضد زيادة الخمسين دينار وينهم
وين الي كانوا ضد اسقاط القروض

اقول يا مسلمين يا مؤمنين انا اقول شركة فلست او شركتين او 3 او اكثر انا شكو فيهم ؟
مو انا الي كنت اتمتع بالمزايا الخرافية ( معاش خيالي + مكافاة + بونس + تذاكر سفر +مدارس العيال + سيارة + سكن + عمولات ما احلم فيها ) من ظهركم يا كويتين ويا مساهمين وعلي افا ام الي تعب و يمع الفلوس واسس
الي متي ما تتعلمون ربا تاكلون واحتكار اتشجعون وبفلوسكم تبنون وبفلوسكم تهدمون وترجعون تبجون وتبنون !
كافي علامات و ادلة واضحة حولكم ما سمعتوا عن الدولة الغنية الي صارت تعاني من ازمة وكل الاجانب تقريبا هداوا سييايرهم بالمطار الي عليها اقساط و قبيب .
ما تعلمتوا ان الحرام يروح وياخذ معاه .
امريكا تعاني الاسواق اليابنية تعاني كل الدنيا تعاني ولين رحت السوق وسالت ليش نازل قالوا :-
1- السوق الامريكي امس نازل
2- السوق السعودي نازل
3- السوق الياباني نازل
4- ازمة لبنان
5- ازمة غزة
6- السوق الاماراتي نازل
7- العقار نازل
8- الحديد مرتفع
9- الاسمنت صاعد
10- ارباح الربع الاول مو زينة
11- وغيرا وغيرا وغيرا

تكفون عشان سوقنا يوصل للمستوي الي كان عليه لازم انصحح العالم وعقول ومفاهيم الاستثمار والتدوال والمضاربة لدينا يعني راح نحتاج ----- زرليون دينار ذهب و 110 مليون سنة ضؤئية .

اخواني ان صدي التصحيح العالمي سيحتاج سنتين كي نجني ثماره عالميا .
والثمار قد تكون صالحة او فاسدة ؟

بريطانيا بعد الازمة سوت تنزيلات علي كل شي عندنا ماكو
اسعار العقار والايجارات انزلت عندنا ماكو
اسعار النفط انزلت --- اسعار تذاكر للطيران للحين تقول ضريبة غلاء ارتفاع اسعار البترول
الشركات تصيح نبي سيولة ---- نزلوا اسعاركم ----- انسه عندنا ماكو
الاحتكار للحين موجود وممنوع نكفل سيارة تنباع بالسعودية باقل من عندنا من الوكالة هناك
قاعدين انصيح عطونا بيوت مانبي بدل ايجار ---- انسي ماكو لين يصير عمر ولدك 16 سنه
نبي جامعات بدل ما نقط فلوسنا بره خل عيالنا يتعلمون اهني والي بره ايونا ---- انسي ماكو
وظايف لعيالنا ماكو ---- للغريب جرنتي اكو واذا تكلمت قالوا ولد الديره ما يشتغل ( المطافي - الحرس - الطياريين الحربيين - اعضاء مجلس الا مة و الوزراء وغيرهم كلهم كويتيين ولا هذول ما يشتغلون بعد ) اسف علي عدم ذكر اخواني واخواتي الكويتين غيرهم والي لهم بصمة رائعة وواضحة فيما يعملون
بس يا وطن بس ---- ناس تفشل بادارة شركات مالية وبعدين ترجع بنفس المكان والامتيازات وبفلوس يديده .
ابي كويتي واحد بره يشتغل بوزارة او ادارة حكومية لاي دولة عيالها يشتغلون عندنا بوزاراتنا
ابي سفارة كويتية بالخارج موظفينها 100% كويتين
ابي مكتب للكويتية بالخارج كل الي فيه كويتين
ابي عزج وعز اعيالج يا كويت منج ومنهم مو من منة احد......

 

[wsuwsu]

انا مو زعلان منك ............. انا زعلان على اللي وصلك للبرلمان

لك حق تزعل أخوي لأني أنا واحد والله من الي وصلوه للبرلمان بس الحين الي بالجدر طلعه الملاس خلاص ...عرفنا السالفه


و أبشرك ماراح يشم النجاح...

للأسف السلطان توه عرف الصغار ....ماعرفهم إلا يوم بغى قرض من الحكومة.....نفس صاحبنا الي يتبرع حق الطلبة للأعياد الوطنية....

هديل كلهم فركشات إعلامية ..

ويا الله يا كريم إن سمو الأمير يحل المجلس علشان نعرف صج منو نختار