... الكشخة على الفاضي والمليان ...

الموضوع في 'إستراحة المنتدى' بواسطة yoyo1983, بتاريخ ‏30 يناير 2009.

  1. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy

    الكشخة على الفاضي والمليان... سلوكيات دخيلة
    مظهر من السلوكيات الجديدة اللي طغت

    خلوني أبدي معاكم بشوية ايجابية

    "الله جميل يحب الجمال"





    كلنا نتجمل ... كلن حسب ذوقه... والنتيجة تشوف أشكال مختلفة من التجمل بسبب اختلاف الاذواق

    بس بالنهاية كلنا يجمعنا هدف واحد ... الظهور بمظهر جميل.. احتراما للنفس وللذوق العام





    لكن التجمل الخارجي مفروض يكون له حدود

    و مو المفروض يكون الاساس في حياتنا

    مو من المفروض يكون تقييمنا لبعضنا على أساس كشخة الواحد فينا!!

    مو من المفروض يكون الهاجس اللي ما يخلي بعضنا ينام الليل لانه مايدري اش يلبس باجر للدوام!!







    "الكشخة على الفاضي والمليان"

    كلكم تروحون الاسواق والمجمعات

    كلكم تشوفون هالناس من شباب وبنات اللي علشان يبينون لكم أنهم كشخة!!

    ليش ؟؟؟

    ليش صرنا جذيه؟؟

    ليش صرنا نحب نتكشخ وين ما نروح؟؟




    رايح (أو رايحه) الدوام .. لا بسين أحسن ما عندهم

    رايح (أو رايحه) الجمعية ... جنهم رايحين عزيمة

    رايح (أو رايحه) السوق ... يطلعون أغلى شي موجود بالكبت ويلبسونه!!


    وياريت هالكشخة على سنع!! ;)






    اللي مركبة ألوان عمرها ما تركب على بعض :mad:

    واللي لابس لبس بنات ومقنزع شعره فوق راسه

    واللي لابسه لبس مقاس فار وهي ما شاء الله مقاسها مقاس فيل!!

    ياجماعة موشرط اللي هابين فيه الناس يناسبكم!!





    وهذا الجزء الهين من الموضوع :p

    في منهم اللي ما يخافون ربهم في لبسهم

    ولا يحشمون الناس اللي حواليهم

    وخاصة البنات منهم



    بعضهم وللاسف ... :eek: على بو كشخة... وآخر موضة... تلبس شي له مواضع واماكن خاصة يلبسونه فيها

    تدخل المجمع على بو كاشخة واهي لابسه لبس أقل ما ينقال عنه أنه لبس مكان مو زين ماني .. .. يا دافع البلا!!





    طبعا ممكن أحد منكم يسأل: خل الناس تتكشخ... انتي شضارج؟؟ الناس أذواق..


    أجاوب على الشق الأول من السؤال :(


    الضرر يأتي على مستويين اجتماعي... ومادي




    المستوى الاجتماعي :p

    اليوم الكل ينفق على هالمظاهر

    صغير وكبير ... ولي أمر أو شباب توهم متوظفين

    يقطون ذيج المبالغ على ملابس ... جناط .. ساعات... جواتي ... الخ

    وكل هذا علشان يترسون عيون الناس

    ويصيرون ناس عليهم القيمة بالمجتمع




    ويكتسبون مكانة وسمعه بين ربعهم... و ينقال عنهم ناس كشخة

    ومن هني يظهر الخلل الاجتماعي

    تقييم الناس على أساس كشختهم ... مو على اساس اخلاقهم وسمعتهم

    يا سلام .. اشتري تنوره من محل ..... بـ 32 دينار انت سوفاج ... مسكينه :confused:

    اشتري نفس التنوره بنفس الشكل والجودة من .... بـ 120 دينار ... انتي كشخة ... ( دام هذا طبعج احنا من ربعج ) :eek:

    والموضوع ما يوقف عند المقتنيات الشخصية

    حتى في الطلعات والمطاعم

    روحوا هالمطاعم اللي على البحر وانتوا بتلقون اللي أقصده!!





    الجانب المادي

    الخلل الحاصل اليوم في أولويات الناس بين حب التكشخ والمصالح الهامة ..

    وطبعا هذا ناتج عن ضعف الوعي الاستهلاكي :rolleyes:

    (وهذا موضوع جدا هام ، ياريت تقرون عنه من مصادر متخصصة، احنا في أمس الحاجة اليوم نتوعى في موضوع الاستهلاك في ظل هالأزمة الاقتصادية)




    تلقى هالكشخة هالرزة... كل مافيه ماركة

    حتى ملابسهم الداخلية ماركة

    بس اقعد معاه وسأله

    اش سويت لنفسك اليوم؟؟ :D

    شلون موازن أمورك المالية؟؟

    شنو نسبة قيمة هالمقتنيات الكشخة اللي شريتها من اجمالي دخلك السنوي؟؟





    واسألهم السؤال الأهم:

    زهبت عمرك حق وقت الجد... وقت الشدة... لا حجت حجايجها؟؟ :cool:

    طبعا بتطقهم البوهة وتلقاهم يفجون حلوجهم بجواب واحد : القروض موجودة!!

    ليش؟؟ تسوى عليك مذلة السلف؟؟ تسوى عليك أنك تفقد حريتك وتتدين على موضوع كنت تقدر تسويه بنفسك؟؟





    اسأل أولياء الامور منهم : :cool:

    اش سويت لعيالك باجر؟

    شنو وفرت لتعليمهم؟؟

    شنو وفرت للازمات الصحية لا سمح الله؟؟ :eek:

    ترى الدنيا مو كلها وناسة!!





    بالنهاية...

    أسألكم ياللي تعتقدون بأن كلامي كلام عيايز ما منه فود... :mad:

    هل حبكم للموضة وركضتكم وراها أهو التطور ::verymad:: اللي ننشده لمجتمعنا واللي بيوصلنا جدام وايد ويخلينا في مصاف الامم والمجتمعات المتقدمة؟؟ اذا جذيه عيل لازم النواب يطالبون الدولة في المساهمة ودعم فيلا مودا!!

    تهقون هالشعوب اللي تستوردون منها الموضه كلهم يركضون وراها؟؟ لوكانوا جذيه جان ما وصلكم منها شي!!

    تهقون شلون انبنت الديرة وقدرنا نعيش اليوم في هذا المستوى المعيشي؟؟ تهقون لأن الأولين ركضوا ورا كشختهم؟؟

    تهقون من كشختنا الناس حبتنا؟؟ ;) تهقون من كشختنا وصلنا هالمواصيل؟؟





    أنا ما أقول لا تتكشخون :D

    تكشخوا عليكم بألف عافية

    بس باعتدال ... وكلن على قده :)

    واعطوا كل شي في حياتكم حقه...

    لا تطغى الكشخة على كل شي وتمسح عقولكم وهويتكم

    اهتموا بأولويات الحياة ... بعدين بمظهركم... مو العكس
     
  2. NoOoOoR

    NoOoOoR عضو نشط

    التسجيل:
    ‏18 أغسطس 2008
    المشاركات:
    10,667
    عدد الإعجابات:
    9
    مكان الإقامة:
    الكــويـــت....:))
    رايح (أو رايحه) الجمعية ... جنهم رايحين عزيمة

    هذه النوعيات من البنات وايد اشوفهم بالجمعيه

    والبف شغال 24 على 24 :)))

    شكرا ليلى
     
  3. al7bebe

    al7bebe عضو نشط

    التسجيل:
    ‏24 مارس 2005
    المشاركات:
    10,052
    عدد الإعجابات:
    941
    والله انج صاجه اوخيتي سويتي والعتب على اولياء الامور في التوجيه السلوكي للأبنائهم .
    والاسباب الاهمال والامبالاه من اولياء الامور.
     
  4. الهمس الخجول

    الهمس الخجول عضو مميز

    التسجيل:
    ‏6 أكتوبر 2008
    المشاركات:
    8,739
    عدد الإعجابات:
    2
    بصــــــــــــــــــراحه هالظاهره مو موجوده عندنا بالرياض نهائياً -الجميع يعشق الكشخه والرزه لكن بحدود وأهم شئ النعومه والرقي ولكل مكان طبعاً لباس يناسبه -وخصوصاً لما نكون في مجمعات أو مستشفيات بتلاقين مظهر الأحتشام واضح مع الأهتمام بالمظهر بشكل جداً جذاب -
    تحياتي
     
  5. NoOoOoR

    NoOoOoR عضو نشط

    التسجيل:
    ‏18 أغسطس 2008
    المشاركات:
    10,667
    عدد الإعجابات:
    9
    مكان الإقامة:
    الكــويـــت....:))
    واللي لابسه لبس مقاس فار وهي ما شاء الله مقاسها مقاس فيل!!

    ههههههههههه
     
  6. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    اي والله صدقتي

    شرفني مرورج
     
  7. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    الله يصلح حالهم يارب ونتمنى منهم اعادة النظر بسلوكياتهم مو عيب انه انعدل الخطأ الي فينا العيب انه ننكر وجوود الخطأ ونتعالى عليه
     
  8. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    الحمدالله شي جمييييييييل الله يتمم عليكم
     
  9. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    والله صج غصب تسوي روحها ضعيفه وتشتري مقاسات يهال بعد :)
     
  10. acton

    acton عضو نشط

    التسجيل:
    ‏22 فبراير 2008
    المشاركات:
    6,336
    عدد الإعجابات:
    3
    مكان الإقامة:
    UK-Acton-W3
    بعضهم من فوق هالله هالله ومن تحت يعلم الله تشوفينهاكاشخه وجنطتها بس تلقين عطرومكياج وتلفونها والجنطه خاليه مافيها فلوس
     
  11. قلم حر

    قلم حر عضو مميز

    التسجيل:
    ‏29 مايو 2004
    المشاركات:
    26,415
    عدد الإعجابات:
    3,380
    مكان الإقامة:
    الكويت بلد الاصدقاء
    وكل هذا علشان يترسون عيون الناس


    الناس مايترس عينهم الا التراب
     
  12. NoOoOoR

    NoOoOoR عضو نشط

    التسجيل:
    ‏18 أغسطس 2008
    المشاركات:
    10,667
    عدد الإعجابات:
    9
    مكان الإقامة:
    الكــويـــت....:))
    هههههههههههه
     
  13. Amani

    Amani عضو جديد

    التسجيل:
    ‏2 أكتوبر 2008
    المشاركات:
    142
    عدد الإعجابات:
    0
    مكان الإقامة:
    kuwait
    انا معاج الانسان لازم يوازن في لبسه يعني ما يهمل نفسه ولا يبالغ فيه خير الامور اوسطها ومافي مانع انه الانسان يلبس الماركات بس تكون بحدود قدرته على الشراء

    الاخت الفاضله الهمس الخجول هالظاهره ما تشوفينها عندكم لانه ممنوع هالشي يصير مو لانهم ما يبون يسوون جذي

    وعموما مثل ما الشين موجود في ايضا ناس زينه موجوده الله يكثرهم ان شاء الله :)
     
  14. الهمس الخجول

    الهمس الخجول عضو مميز

    التسجيل:
    ‏6 أكتوبر 2008
    المشاركات:
    8,739
    عدد الإعجابات:
    2
    ومن قال إن هالشئ ممنوع يصير!!! في الأول والأخير نؤمن بمبدأ الحريه الشخصيه لكن ثقافه مجتمعنا وذوق الفتيات تختلف عن المجتمعات الاخرى وعموماً نستنكر وبشده من تبالغ بوضع الميك آب أو ترتدي الملابس المبهرجه سواء بالمجمعات أو الأماكن العامه -وعاده جميع الفتيات السعوديات يحرصن وبشده على إن يكون المظهر راقي وناعم بالدرجه الأولى - تحياتي
     
  15. لؤلؤة البورصه

    لؤلؤة البورصه عضو جديد

    التسجيل:
    ‏4 يناير 2009
    المشاركات:
    955
    عدد الإعجابات:
    0
    مكان الإقامة:
    الكويت .. حبيبتي
    بصراحه اختي ليلى مو كلهم وكل مجتمع فيه الزين والشين

    وكل وحده وذوقها باللبس وامكانيتها الماديه

    وفي وايد (بنات & حريم ) لبسهم راقي وسنع ...

    وشكرا على الموضوع
     
  16. bo fawaz

    bo fawaz عضو نشط

    التسجيل:
    ‏25 يونيو 2006
    المشاركات:
    4,890
    عدد الإعجابات:
    2
    جزاج الله خير ليلى

    اهم شى الاعتدال والنضافة

    وانا موباط جبدى الا الشباب الى الواحد

    مطول شعرة جنة بنت ولابس غترة ومطلع

    شعرة على كتوفة

    لولابس شيلة احسنلة
     
  17. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    على الطل يعني :)
     
  18. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    اي والله صدقت
     
  19. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    يزاج الله خير
     
  20. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    اي مشكله اطرحها حبيبتي اكيييد مااعني الكل اعني البعض

    شكرا لج