تحليل سهم Ardi

[alattar]

هذا السهم انا اشوف ان في فرصه حلوه

اليوم اتصور ان اهو في نزوله الى 9.15 وهي مهمه السهم اقفل على 9.29

اذا السهم كسر 9.15 راح يتجه الى 8.95 تقريبا

خط الدعم المهم هو 8.90 اذا كسرها نبتعد عنه يعني اذا السهم اليوم كسر 9.15 حلو ان ناخذه من 8.95 او 8.90 يعني قريب من خط الدعم وراح نحدد خسارة بسيطه لأن مجرد كسر 8.90 راح نطلع منه

على العموم انا اشوف ان هدف السهم اهو 10.45 واذا الله شاء راح نشوفه خلال اسابيع قليله
اذا تعدى 10.50 راح يكون هدفه 11.29 ان شاء الله اما اذا تعدى 11.29 فراح يكون لنا كلام ثاني



تحياتي

 

[alattar]

في حالة ان السهم فتح ونطلق على طول راح تكون نقطة الشراء هي 9.35 اذا كسرها راح يتجه الى 9.55 ان شاء الله

و 9.55 اهي الي راح تحدد صعوده الى الأهداف المذكوره
اذا كسر 9.55 يعني نقطة شراء جديده

معليش قاعد اتمخمخ على السهم ابصراحه عجبني

وان شاء الله ناخذ منه رزقتنا جميعا

وسلام ختام

تحياتي

 

[waseem]

صيدته حلوه على 9 ياموسيقار لكن الستوب لوز على 8.80 ضروري جدا وشكله اذا طار غني ياموسيقار كيف الحقك :d :d

ياريت كل ويك اند كذا ياموسيقار :d :d

 

[alattar]

نعم ياوسيم مثل ماتفضلت الصيده الحلوه عند 9 والله ياوسيم ان السهم دش نافووووووخ نافوخي وشايف فيه طيره بس خل نشوف الشغل عليه اول السوق وبعدها نحدد

وان شاء الله اذا الوقت سمح لي راح اتشوف صيدات العطار كل اسبوع


اتصدق ياوسيم لو اقولك حالتي اشلون صايره انا من امس الى الحين مو نايم شكلي حتى ماني قادر اقاوم الى بداية السوق

ان شاء الله القاء اول السوق وبعدها شغلنا تالي الليل خفافيش


تحياتي

 

[مستثمر73]

الله يجزاك خير يا زعيم يا العطار :d

والله أنا أقول لو نفتح موقع مثل عرض وطلب وتكون أنت يا العطار المدير راح يصير موقع مشهور عالميا ويحقق أرباح أكثر من Ibm

:d


تحية لك يا عطار والى الأمام أنشاء الله...

 

[alattar]

الله يسلمك اخوي مستثمر73

تسلم لي يالغالي

 

[meshal]

اتصدق ياوسيم لو اقولك حالتي اشلون صايره انا من امس الى الحين مو نايم شكلي حتى ماني قادر اقاوم الى بداية السوق

ان شاء الله القاء اول السوق وبعدها شغلنا تالي الليل خفافيش


تحياتي

هاهاهاهاها

وانا اقول الصبح الساعد 8 العطار كل ما ادش موضوع القاه توه كاتب

ابو محمد الحال من بعضو انا هذي قعدتي من امس الساعه 12 بالليل