مسخرة شركة فيفا عفوا عروض شركة فيفا ..!

[MFCO]

السلام عليكم . اخواني الكرام هذه منافسات للاسف غير شرعية وسياسة الشركات محتاجه الى التطوير الذاتي والمعنوي والاقتصادي بالاخص. والرزاق رب العباد. ( الله عزوجل ). شكرا على هذا الحوار الهادف. على فكره انت منحاز الى شركة ما . ما هو السر يا ترى . وضوح الشمس ان جميع التهم التجارية والحروب التجارية ايضا كانت تدرس في جامعات فرنسا سنة 1930 م فقديم يعني. اتبع سياسه اخرى اخي الكريم.

 

[ab20005]

اللي مستانسين بسرعة الانترنت عند فيفا لاتنسون ان عدد المشتركين للحين قليل بالمقارنة مع عشرات الاف المشتركين بزين ومع ذلك الخدمة ممتازة مع زين عن تجربة طبعاً .. وماتلاحظون انكم تختلقون الاعذار لجيفا (فيفا ) وتقصون على نفسكم وانا متاكد انه بقرارة انفسكم تدرون انها تقدم اسوأ العروض والخدمات ( تغطية تعبانة كله تقطيع وفصل المكالمة بعد فترة معينة ..عروض نصب عيني عينك .. كذب وبالدليل بعد مااعلنوا ان سرعة الانترنت عندهم 14.4 ردوا بكلامهم وصار 7.2 .. تتصل بالكول سنتر يزرعونك 15 ولا 20 دقيقة لما يردون وتسال الموظف عن شغلة معينة يقولك انطر شوي خل اسأل ..اللعب الفواتير ..وغيرها والقادم اسوأ .. خلكم واقعيين ولاتكابرون بالكذب على عقولكم

 

[التحليل الفني]

ياجماعه انا مشترك مع زين وبصراحه فوق الممتازه

 

[MFCO]

السلام عليكم اخواني الاعزاء معلومه لجميع الاعضاء . عند الاشتراك في هذه الانواع من خدمات الانترنت المتنقله يوجد عقد اتفاق بموجب هذا العقد يندرج تحته بندين يقر بها العميل عند الاشتراك ويوافق على كافة الاعطال والصيانه والتطويرالخارج عن ارادة الشركه . فالعقد واضح بمكانك ان توافق ( تلتزم ) او ان ترفض. العقد اختياري وليس اجباري . فلماذا هذه المهاترات بينكم واللوم والذم وخلق السلبيات. نصف المشتركين مقرين على هذه الشروط ( بنود العقد ). شكرا لكم ودمتم سالمين.

 

[rock404]

شس طبيعي ,,

يمكن الله مو كاتب لك ادش النت لول
على العمو انا شريت قبل يومين هم وحده وبعد في فرع المارينا

وشكرا لك

 

[ابن ضعيان]

كلامك من باب تخريب سمعت شركة على حساب شركة أخرى
وما يجوز هالكلام

 

[سـعـود]

اللي مستانسين بسرعة الانترنت عند فيفا لاتنسون ان عدد المشتركين للحين قليل بالمقارنة مع عشرات الاف المشتركين بزين ومع ذلك الخدمة ممتازة مع زين عن تجربة طبعاً .. وماتلاحظون انكم تختلقون الاعذار لجيفا (فيفا ) وتقصون على نفسكم وانا متاكد انه بقرارة انفسكم تدرون انها تقدم اسوأ العروض والخدمات ( تغطية تعبانة كله تقطيع وفصل المكالمة بعد فترة معينة ..عروض نصب عيني عينك .. كذب وبالدليل بعد مااعلنوا ان سرعة الانترنت عندهم 14.4 ردوا بكلامهم وصار 7.2 .. تتصل بالكول سنتر يزرعونك 15 ولا 20 دقيقة لما يردون وتسال الموظف عن شغلة معينة يقولك انطر شوي خل اسأل ..اللعب الفواتير ..وغيرها والقادم اسوأ .. خلكم واقعيين ولاتكابرون بالكذب على عقولكم

الضاهر انك موظف بشركة زين او من منتفعيهم
حبيبي شركة فيفا لها الفضل الاول في جعل المكالمات المستقبلة مجانا
شركة فيفا قدمت الانترنت بقيمة افضل واسرع من جميع الشركات
شركة فيفا اول من قدم خدمة النقاط والخدمات قادمة
فيفا اول من جعل المكالمات بعد الدقيقة الخامسة مجانا
شركة فيفا اول من اعطاك خط ذهبي بلاش
واستغرب من اللي يتكلمون يقولون زين وزين
وهم شاقينا شق طوال السنين اللي راحت عساها زقوم للحرامية
ولا فية شركة اتصالات بالعالم تقولك اذا تبي كاشف رقم ادفع 100 دينار

 

[بوصلوح]

السلام عليكم انا اشكر شركت فيفا انها خلت استقبال المكالمات مجانا وانا راح اكنسل كل خطوطي بالشركات القديمه لانهم استغلوني 15 سنه لو نحسبها جم الف خذو مني ومنك على غير حق وللعلم استقبال المكالمات مجانا بكل الدول وطالبو الناس ان يخلون الاستقبال مجانا بس الشركه قالو هذا من وزارت المواصلات

 

[MilaNi]

في بالمرينا انا شريتها وحدها عجيبه سريييعه

 

[عازف الجيتار]

هههههههه الكلام انعكس عن السابق وانا مازلت مع الوطنيه وزين والى الان لن امتلك خط من viva

وهذا كان كلامي جدام الاخون من قبل الافتتاح والى اليوم ... ننطر الشركه يديده ولازم تكون مخربطه لأن اتصالات موشي صغير والعالم وااايد ماشاءالله ...

 

[alanzi]

النصيحه يا شباااااب
لا تفرطووون بخطووطكم واشتراكات الانترنت اللى عندكم


صح فيفا تقدر



بس ننطر عليها شووووي

 

[ab20005]

الضاهر انك موظف بشركة زين او من منتفعيهم
حبيبي شركة فيفا لها الفضل الاول في جعل المكالمات المستقبلة مجانا
شركة فيفا قدمت الانترنت بقيمة افضل واسرع من جميع الشركات
شركة فيفا اول من قدم خدمة النقاط والخدمات قادمة
فيفا اول من جعل المكالمات بعد الدقيقة الخامسة مجانا
شركة فيفا اول من اعطاك خط ذهبي بلاش
واستغرب من اللي يتكلمون يقولون زين وزين
وهم شاقينا شق طوال السنين اللي راحت عساها زقوم للحرامية
ولا فية شركة اتصالات بالعالم تقولك اذا تبي كاشف رقم ادفع 100 دينار

الضاهر انك موظف بشركة زين او من منتفعيهم -- على ايدك يامعود
حبيبي شركة فيفا لها الفضل الاول في جعل المكالمات المستقبلة مجانا -- شي طيب ماننكره .
شركة فيفا قدمت الانترنت بقيمة افضل واسرع من جميع الشركات -- اصبر شوي لما يزيد عدد المشتركين وشوف الخدمة ولاتنسى انهم اعلنوا ان الخدمة 14.4 بعدين صارت 7.2 ولا هذي ماتعلق عليها
شركة فيفا اول من قدم خدمة النقاط والخدمات قادمة-- بصراحة ماادري شنو خدمة النقاط والخدمات القادمة هذي قوية المكتوب مبين من عنوانه .
فيفا اول من جعل المكالمات بعد الدقيقة الخامسة مجانا -- اي وبعد الدقيقة السادسة او السابعة يفصل يالحبيب واذا مو مصدق اسال اللي عندهم جيفا
شركة فيفا اول من اعطاك خط ذهبي بلاش- يامعود انت وين عايش انت نسيت الرسوم اللي خذوها من الناس لما راحوا يستلمون خطوطهم ولا الحجي اللي يعجبكم تقولونه والصج لا .
ولا فية شركة اتصالات بالعالم تقولك اذا تبي كاشف رقم ادفع 100 دينار -- اخوي صباح الخير هالحجي قبل 20 سنة انتههههههههههه وييييييييييييييين

 

[كويتيه @]

واللله مااردى من المربوط الا المفتلت

 

[المستعمل]

............... فيفا وبس ..........

 

[ابو المشري]

00000 نعم فـــــــــــــيـــــــــــــفــــــــــــــــا وبس 000000

 

[kfsdhm]

زين وبس

زين وبس انا جربت كل الشركات من الوطنية وكوالتي ويونايتد وكل شركات الانترنت بس ماكو مثل زيين

لا تحاولون تقولون فيفا ومافيفا من شاف الموظين انا تلوع جبدي لما ادخل الفرع انا غلطت لما اسلمت الخط مالهم صج شركة فاشلة بمعنا الكلمة ماكو الا زين يازين كافي انها ماسكة نص الخليج والعراق ونص افريقيا والاردن وشوفو فروع زين من الموقع ولا تقولون فيفا ولا الوطنية زيييييييييييييين وبس

شعاري زين والوطني

 

[sound blaster]

والله يا شباب ودي أرد عليكم كلكم .. وبيض الله وجيهكم على الردود الي تطيب الخاطر واستفدنا منها .. ولي يخالفني أحترم وجهة نظره
..
وعلى فكره أنا الكل يدري إني من أشد المدافعين عن شركة فيفا

لكن الحق ينقال ..!
ندخل في موضوعنا ..

إتصلت اليوم الساعه 8 ونص الصبح على شركة فيفا ..!

وطبعا كالعاده ياشباب

أنا أنصح كل واحد يفكر يتصل بخدمة عملاء فيفا ..أن يكون الوقت قبل العشاء أو قبل النوم . لأن بيخلص العشا ومحد رد عليه ..!

المهم وترد علي الموظفه شكلها قاعده تتريق ....شرحت لها الموضوع .... قالت أخوي عطني ثواني وأرد عليك .. طبعا راحت تسأل الموظف الثاني الي يمها عن كشف السر الخطير ....!

المهم قالت أخوي والله ما أقدر أعطيك الي تبيه لان للحين ما وصلنا اي خبر بخصوص توفير القطع ..!

قلت لها أختي عطيني رقم فرع المطار ..؟

تدرون شنو ردها !

والله قالت ما أعرف أرقام الفرع بس وعدتني تتصل بالمدير وتقوله المشكله ..
قلت أختي الظاهر لا أنتي ولا المدير يدري شسالفه ::verymad::.. بس ياريت تقولين للمدير لما تحطون عروض سيئه وترتيب أسوأ ياريت تحترمون العميل وتمددون فترة العرض للناس ..
قالت من عيوني أخوي .. تحسسني أنها حققت لي حلم حياتي ..!

وشكلها راحت تكمل ريوقها .. وسديت الموبايل ..!



عن نفسي نزل إشتراكي الانترنت لهذا الشهر مع زين بسبب دخول بداية الشهر .. وملتزم معاهم شهر جدام ..

لكن والله فيفا طاحوا من عيني بالغلطات الي تكرّه العميل فيهم..!
..


روحوا لفروع الشركه ..!

أقسم بالله أردى شركة بالكويت ما تحط موظفين لإستقبال عملائها بهذه الصورة .. كأني داخل بيت الزكاة مو شركة عريقه .. لا ترتيب سنع يحسسونك أن الكل مايدري شسالفه .. وخليط مو طبيعي ..
أنا أقول ردونا على اللبنانيين أبرك .. على الأقل يفهمون شنو نبي .. مو جماعة حسب الله ما نعرف نتفاهم وياهم .. ويبدون ربعهم علينا ..!


أنا فاتورتي هذا الشهر .. استعملت الخط عشرين يوم نزل علي 35 دينار .. للعلم كل مكالماتي من فيفا لفيفا ومافي مكالمات دوليه .. لاني استخدم رقمين فيفا وزين ..!

بعدها بأربع أيام وصلني مسج يقول نرجو تسديد فاتورتك .!

اتصلت لقيت نازل علي عشره ..!

شسالفه..! والله مكالماتي على خط فيفا قليله .. لأن كل مكالماتي على شركة زين .. واستخدم فيفا باليوم عشر دقايق ربع ساعه ..

نرجع لموضوعنا الاصلي :

شباب أنا ناوي ازيد السرعه بس محتار .. أخلي السرعه 7 ميقا مع زين ؟ أو احول شركة كوالتيتي !​

 

[afgkw]

ماكو على mtc

الله يديم النعمة عاد mtc ماكو عليها كلها بوك ببوك ونصابين

الصراحة انا ما ايدك بنسبة 1 % لانه الصراحة انا مجرب الشكرة واعرفها عدل يعني ما ادري شنو اقوول بالضبط

 

[سـعـود]

انا لست بخندق المدافعين عن شركة فيفا ولكن نحن مدنين لها بالتحرر من عبودية زين
ويكفي التطور الحاصل في خدمات شركة زين ومنها ان اي شخص يقدر ياخذ خط ايزي بلاش بس تدفع الرصيد
واشياء غيرها وغيرها

 

[ياسلام]

ياشباب سكرو الموضوع مافيه مجال للمقارنه واضحه مثل الشمس

فيفا وخل شين ولالاوطنيه

الا تبي تجذب على نفسك شي ثاني هذا

سلام