شرم الشيخ

[بورغد]

ودي أروح شرم الشيخ ... بس ودي الجو يكون حار او دافي للسباحة فمتى تنصحوني اوح ؟؟ فبراير او مارس ؟

ووين أفضل فندق ؟؟؟ يكون البيتش ماله مميز وحمام السباحة حلو

وابيه يكون قريب على خليج نعمة ... يعني مشي

وعلى فكرة زرتها مرة وحدة بشهر 9 وقعدت بموفمبيك .. بس ما عجبني الفندق وايد مع انه قريب حيل من خليج نعمة

 

[tsmam75]

الكويت حلوه

 

[yoyo1983]

الكويت حلوه

ندري بس شنو ذنب المسكييييين الي يسأل حسباله في جواب ادش يلقاك بوادي ثاني

​

 

[انطلق2]

ماريوت أو هلتون فيروز أو نوفوتيل...ولحد يقص عليك و يسكنك بمكان غير خليج نعمة و يقولك: (مكان أريب مش بعيد خطوتين بس)....بالسلامة

 

[KUWAIT- STOCK]

السباحة من شهر 5 وطالع افضل وقت والفنادق على حسب اذا معاك الاهل فورسيزن عجيب واذا شبابية با الماريوت يا موفينبك او الهيلتون

 

[TAHOE]

فيه فنادق كثيره في خليج نعمه وعلى مستويات متفرقه

شهر 3 و 4 و 5 الجو روعه ,, واذا تبي تروح رحلات بحريه او بريه لا تاخذها من النصابين اللي يجونك

بالفندق ويقولولك فيه رحلة كذا وكذا ,, اخذها من مصدرها ,, او انت رتب رحلاتك بنفسك وعلى

حسب وقتك

ومثل ما قالولك الشباب لايونك الجمبازيه ويقولولك ( مكان اريب أوي ) , يا تسكن بخليج نعمه يا بلاها

ورحله سعيده

 

[Kuwait]

مجرد نصيحه بس


ترى تضيق الخلق وماكو شي بس تطلع من الهوتيل وتشوف البحر

وضيقة خلق وتفاتيشهم تعل القلب


رحت لها 3 ايام احس 3 سنوات

 

[nestla]

عيب موفنبيك انه وااايد كبير , هيلتون احلى ويكفي 3 ايام وايد على شرم الشيخ .
الحين هابين في بورت غالب يقولون وايد احلى من شرم الشيخ .

 

[شجرة العود]

شرم الشيخ
للأسف ماتنفع انا ما رحت لها وانشالله ما أروح لأنها ما تنفع دمار في دمار بكلام اللي راحوا لها وتندموا

 

[TAHOE]

مجرد نصيحه بس


ترى تضيق الخلق وماكو شي بس تطلع من الهوتيل وتشوف البحر

وضيقة خلق وتفاتيشهم تعل القلب


رحت لها 3 ايام احس 3 سنوات

شرم الشيخ
للأسف ماتنفع انا ما رحت لها وانشالله ما أروح لأنها ما تنفع دمار في دمار بكلام اللي راحوا لها وتندموا

ليش ما تنفع ,, حلوه ,, يمكن انتو ما رحتو لاماكن الترفيه مثل الرحلات

البحريه والشعاب المرجانيه,, ورحلات البر والعرس البدوي ,, وقعدة المقاهي

بالليل في خليج نعمه,, ما عليكم حلوه ,, تشابه في تنظيمها الدول

الاوروبيه ,, بس الشعب مصري