افضل خدمات

[abuffaisal]

شباب الله يعطيكم العافية

اللي عندة تجربه مع القروض والتورق وخدمات الفيزا والبطاقات الائتمانيه

والمعاملات وتعامل اموظفين والدور في البنك وكل مايتعلق بالبنك سواء

في بيت التمويل

أو البنك العقاري (الدولي )

أو بنك بوبيان

اي واحد جرب احد البنوك الثلاثة يقول تجربته والخدمات اللي قدمها له البنك

لاني صج محتار مادري اي بنك اسلامي فيهم افتح فيه حساب وابي رايكم

شباب ولاني باخذ تورق من احد البنوك الاسلامية المذكورة .

وارجو الرد سريعا لاني توني ماخذ براءة ذمة من الوطني وابي احول بسرعة

لو سمحتوا .

وتحياتي للجميع ،،،،،،،،،،،​

 

[TAHOE]

انا ماخذ تورق من بيت التمويل الكويتي ,, تروح حق اي فرع من فروعهم

ويوجد به قسم المعاملات التجاريه والمرابحه وتقول لهم ابي معاملة

تورق ,, يخيرونك بين حديد او اسمنت او اية بضاعه اخرى عليها طلب

بالسوق ,, يطلبون منك شهادة راتب واعتقد لازم يكون راتبك بحساب

عندهم او لا ,, تكتمل المعامله خلال يوم ,, يشترون لك البضاعه ويبيعونها

عليك مرابحه ويقولون لك بضاعتك موجوده بمخازن الشركه الفلانيه اذا

بتستلمها او تبيعها بمعرفتك او يعطونك اسماء شركات تشتري منك

البضاعه ,, تبيع البضاعه بمعرفتك او على احدى الشركات وتساومهم على

السعر اللي تبي تبيعه وتقبض فلوسك منهم ,,

وسلامتك وتعيش