هنا جميع عروض شركات الانترنت في معرض انفو

[tomyboy]

عساك على القوة على الموضوع المفيد اخوي .. انا صراحه أصوت حق كيمز لأني استخدمها من سنتين وما شاء الله السرعه زينه وخدمة العملاء ولا اروع وما يقصرون

قواكم الله انا اضم صوتي للاخ تكواندو لاني جربت كذا شركه ولو ان كلامك فاست ارخص لكن ما اعتقد في احسن من خدمه العملاء عند كيمز صراحه شي يثلج الصدر لما تعامل معاهم مو مثل باجي الشركات تكلمه جنك اتطر من عنده هذا اذا رد عليك طبعا

 

[يعقوبيان]

بسم الله الرحمن الرحيم

شباب اسمحوا لي من بعد اذنكم .. في معلومة يمكن ما احد يعرفها .. شركة فاستلكو وشركة كواليتي نت وجهان لعملة واحدة!! ..

الشركتين لشخص واحد من عائلة الغانم .. وكل وحدة منهم اسوأ من الثانية .. لا يغركم الاعلانات اللي توحي بأنهم شركتين مختلفتين وينافسوا بعض!! .. حتى لما وحدة منهم تتعطل الثانية تتعطل بنفس الوقت تقريبا

اذكر مرة كنت مشترك اشتراك شهري من فاستلكو .. ووقتها اذا تتذكروا صار في حريق عنهم .. وقتها فصلوا الاشتراكات الشهرية للأفراد وشغلوا اشتراكات الشركات ومحلات الانترنت كافيه!! .. لأنه الشركات تدفع اكثر والأفراد طز فيهم وانتم بكرامة!!

صراحة انا انصح بشركة يونايتد نتوورك .. وكلاء شوتايم .. انا صار لي سنة تقريبا مشترك معاهم والحمد لله ما شفت اي مشكلة .. حتى ما اتصلت في خدمة العملاء الا يمكن 3 مرات خلاص سنة كاملة .. وما توقفت او تعطل الاشتراك الا بسبب مشكلة تشمل الكويت كلها .. حتى حسب ما اتذكر لما انقطع الكيبل اللي في البحر الابيض .. الكويت كلها تأثرت ويمكن المنطقة كلها، لكن بالرغم من ذلك كان تأثر الشركة هذي تحديدا حسب رأيي اقل من شركات كثيرة

هذا ما لدي .. والله اعلى وأعلم

اخوي اسمحلي بس انت غلطان 100%!
الشركة فعلا لعيال عايلة وحدة ولكن عيال عم !
غير جذي ، شركة كواليتي نت مو بس للغانم ، الشركة ايضا فيها شركاء بحرينيين ونسبتهم اعلى من نسبة الكويتي

فاستلكو ايضا للغانم وفيها شركاء ايضا ومن بينهم شركة البحر وهالشي انكتب بالجريدة اذا ما كان عندك فكرة
اما بالنسبة لوقت الحريق ، انا عندي كان بوقتها مكتب وايضا اشتراك بيتي ، الاثنين اشتغلوا مع بعض عقب يومين من الحريق ، ما فرقوا لا بين شركات ولا بين افراد نفس ما قلت !!

يونايتد نتوورك خدمتهم تعيسة جدا ، والدعم الفني عندهم ضعيف
انا كوني فني واعرف بهندسة الكمبيوتر وهالامور لما كان عندي اشتراك معاهم وكنت اكلمهم كنت اعلمهم واقولهم او اسألهم اشياء ما كانوا يعرفون عنها!!!

اما فاستلكو فشباباهم ما شاء الله بالعكس تحسه فاهم وعارف ودارس فعلا مو بس اي كلام

اما كواليتي نت فبس يبي يخلص المكالمة ويسكر الخط

 

[يعقوبيان]

اشلون خدمة فاستيلكو ؟

ممتاااااااااازة
واحسن ما فيها خدمة العملاء عندهم وحسن المتابعة والدعم الفني

واحلى شي فيهم ، اذا كان اشتراكك فيه مشكلة وخذا وقت على ما صلحوه وطبعا كان منهم ، يعوضونك
مو نفس باجي الشركات طنااااااااااااااااااش

 

[يعقوبيان]

تذكروني بايام قبل لما كان عندي كيمز
بس صراحة لما رحت فاستلكو ، لقيتهم مو بس يثلجون الصدر لا شي صراحة ممتاز

بالدعم الفني ناس فعلا تفهم
خدمة العملاء متابعة ممتازة لاي موضوع عندك معاهم
والاهم واللي ما لقيته في ولا شركة التعويض!
لما تصير لي مشكلة وتكون من عندهم اتعوض الايام ، وهالشي مو بس انا حتى الربع يمدحون هالشغلة في فاستلكو

صراحة ، من عقب ما جربتهم ما افكر ارجع او اروح لاي شركة لو شنو كان عرضها
طبعا هالشي غير الاشياء اللي يسوونها لك لو كنت عميل معاهم من كم سنة يعني

 

[mohamm3d]

انا صراااحه اجرب كوالتي من زمان وماشتكيت منهم وخدمه ولا اروع ,,

 

[الداهيا]

مشكور اخوي على الاخبار الطيبه

 

[mf5]

أصوت حق كيمز

 

[ostath]

و تستمر العروض و المفاجئات...مع كل اشتراك من كيمز لمدة سنه بخصم 50% تحصل على 3شهور بسرعة1mbps مجانا.....

 

[يعقوبيان]

هذي اسعار كواليتي نت بمعرض انفو

السلام عليكم
يبت لكم اسعار كواليتي نت بمعرض انفوا
256 ب 96 دينار
512 ب 120 دينار
1 ميجا ب 199 دينار
1.5 ميجا ب 280 دينار
2 ميجا ب 325 دينار
الاسعار تشمل المودم

المصدر:
كواليتي نت

مدة التركيب:
من 5 الى 10 ايام (علشان الزحمة) لوووووووول


فاستلكو افضل وارخص

​

 

[لمعي]

مو شي

وذبحووونا عروض مذهله ورسايل ومشاركة في معرض انفو وترقبوا المعرض

وآخرتها اسوأ العروووووووض

 

[لمعي]

مو موجود 3 شهور مجانا

 

[يعقوبيان]

مو شي

وذبحووونا عروض مذهله ورسايل ومشاركة في معرض انفو وترقبوا المعرض

وآخرتها اسوأ العروووووووض

بالضبط!

 

[يعقوبيان]

يعطيك العافية اخوي هل العرض شامل التركيب

اي نعم اخوي بس زيد عليهم 23 دينار للمودم والاجهزة

إذا كانت هذه الأسعار بدون مودم فهي أغلى من شركة كيمز

اي اغلى ولكن افضل بالخدمة وايد من كيمز

ناطرين عروض كواليتي نت

هذي اسعارهم:
256 ب 96 دينار
512 ب 120 دينار
1 ميجا ب 199 دينار
1.5 ميجا ب 280 دينار
2 ميجا ب 325 دينار
الاسعار تشمل المودم

 

[لمعي]

ممكن تعرض لنا صور التحميل بواسطة التورنيت من اشتراك فاست لاني خابر التحميل سيء معاهم

 

[يعقوبيان]

السلام عليكم
علشان لا يتشتت الواحد قلت خل اسوي موضوع شامل لجميع الشركات
طبعا شركة كواليتي الوحيدة اللي مشاركة بالمعرض والباجي لا

عموما الاسعار كالتالي:
شركة فاستلكو:
256 بـ 59 دينار
512 بـ 99 دينار
1 ميجا بـ 159 دينار
2 ميجا بـ 199 دينار
الاسعار ما تشمل المودم ، ولكن للي يبي الاجهزة يزيد 23 دينار

شركة كواليتي نت:
256 بـ 96 دينار
512 بـ 120 دينار
1 ميجا بـ 199 دينار
1.5 ميجا بـ 280 دينار
2 ميجا بـ 325 دينار
الاسعار تشمل المودم

شركة كيمز:
256 بـ 70 دينار
512 بـ 110 دينار
1 ميجا بـ 180 دينار
الاسعار ما تشمل المودم ، اذا تبون مودم تضيفون 15 دينار + 5 دنانير فتح ملف

شركة يونايتد نتوورك:
256 بـ 96 دينار
512 بـ 129 دينار
1 ميجا بـ 192 دينار
2 ميجا بـ 360 دينار
الاسعار تشمل المودم

صراحة
من حيث الاداء والخدمة ارجع واقول فاستلكو
واسعار فاستلكو افضل من جميع الشركات خصوصا سرعة 2 ميجا

وعموما للفايدة اللي يبي من شركة فاستلكو اشتراك يبلغني ، رفيجي يعرف ناس هناك
​

 

[saqer_dasman]

بارك الله فيك وما قصرت

 

[SiLVeR_LiGhT]

الفاست و بس

خدمه عملاء ممتازه + سرعه عاليه و ما يقطع - السعر لو ينزل يكون افضل

و عروضهم الحاليه قويه

 

[لمعي]

آن لي ان اصوّت بعد العروض السيئه لكوالتي

 

[يعقوبيان]

الفاست و بس

خدمه عملاء ممتازه + سرعه عاليه و ما يقطع - السعر لو ينزل يكون افضل

و عروضهم الحاليه قويه

وانا معاك صراحة
والا 2 ميجا عندهم ب 199 دينار وباقي الشركات فوق 300 !!!

 

[أحمد ظاهر]

حياك الله اخوي يعقوبيان .. ردك الكريم اسعدني اسعدك الله

اولا: بخصوص انه الشركتين لشخص واحد او لا .. فمو مهم، المهم انه تجربتي معاهم سيئة جدا جدا جدا جدا .. للاسف الشديد

ثانيا: تقول خدمة العملاء الخاصة بشركة فاستلكو جيدة .. فاسمح لي مع احترامي وتقديري لشخصكم الكريم تعيسة جدا .. لما تحصل مشكلة او يصير ضعف من عندهم وتتصل فيهم، يرد عليك واحد يحاول جهده انه يثبت لك انه المشكلة من عندك ومن جهازك ويصير يقول لك إلغي الكوكيز!!! .. شكو الكوكيز!! .. اقول له يا عمي المشكلة من عندكم ومو من جهازي، يقول لي لا!!

الخلاصة مثل ما قلت تجربتي مع شركة كواليتي نت وفاستلكو سيئة جدا جدا جدا .. وياما عانيت مع خدماتهم ومع الاشخاص اللي المفروض يكونوا اكفاء يوظفونهم في خدمة العملاء .. انا ودي مرة من المرات ادق عليهم ويرد علي شخص يعتذر ويقول احنا آسفين المشكلة من عندنا!! .. كل مرة المشكلة من عندي انا ومن جهازي!!

عموما انا احترم وجهة نظرك الكريمة واحترمك شخصيا .. والله يوفقك ويسعدك .. والكلام للجميع