زرق الفنايل راكبين جمال هيدووو .. متى يعود هذا الزمن الجميل

[Hi5]

كنت أبلغ السابعة حينما وصل الأزرق لكأس العالم وكانت تهزني هذه الكلمات :

هايدو ( our camel ) .. هايدو ( lovely camel )

زرق الفنايل راكبين جمال .. سمر الملاعب غنوا اليامال ..

هايدو .. يا حلو الاسم ( كويتي ) .. والله و النعم ( كويتي )

هايدو ( our camel ) .. هايدو ( lovely camel )

يا حاملين الرايه .. نصر بلادي غايه ..

هايدو .. يا اسم انكتب ( كويتي ) .. بحروف الذهب ( كويتي )

هايدو ( our camel ) .. هايدو ( lovely camel )

يابو الكره وراعيها .. العب وحاور فيها ..

حاور وخطف ( كويتي ) .. سجل الهدف ( كويتي )

هايدو ( our camel ) .. هايدو ( lovely camel )

بعزم شباب بلادي .. عبرنا وادي و وادي ..

يا فخرن لنا ( كويتي ) .. اصلي معدنه ( كويتي )


وكم كنت أحس بالهيبة والرهبة لهؤلاء الرجال الذين وصلوا بالكرة الكويتية إلى أكبر الإنجازات :




(( اضغط على الصورة للتكبير فهذه صور منتخب الازرق وليس الأزيرق الذي نرجو أن يصحو من سباته لعيد لكرتنا أمجادها ومجدها المفقود ..
متى يصحو هذا الأزرق ومتى يولد مرعب جديد وملك جديد ومدفعجي جديد ومخلص جديد متى يصحو هذا :::


الجواب كلمتين هما :
​

 

[بن فرناس]

هايدو .. يا حلو الاسم ( كويتي ) .. والله و النعم ( كويتي )



يا حلو هاكالايام

مشكزر يالغالي

وانا لا زال عندي بعض الامل في الازرق

 

[Hi5]

كلنا عندنا أمل ولعل دورة الخليج الأخيرة جعلت هناك بصيص من النور بأن يعود هذا الأزرق الجميل إلى ما كان عليه ....

 

[بويوسف 2009]

الله كريم راح العصر الذهبي جاء عصر القز والكسل والخوف

 

[yoyo1983]

من رايي الحل يتغير جمييع اللاعبيين والادراييين وكل شخص له علاقه ونعطي غيرهم الفرصه الي ماخذوا فرصتهم

والله تعالى اعلم​

 

[Hi5]

والله أتذكر سنة 1994 كنت ألعب تحت 19 سنة بأحد الأندية ، معانا جم واحد قبل ما ينزل يسخن قبل المباراه يقعد جدام المنظرة يحط جل واللي يضبط شعره ..

المنتخب أيام الثمانينات الواحد يطلع من الملعب بعد المباراه الشورت ماله اما لونه اخضر من العشب من كثر ما يقط روحه ويستذبح على الكره والا طين لأن اللاعبين قبل ذباحه اما الحين فتغير الوضع .. ممكن كون اسلوب الكره تغير وصار بالتكتيك اكثر منه استذباح ...

وترى الحل بالاحتراف وبخ الفلوس على الأندية وعدم البخل عليها لأن الكرة استثمار ولو تطورت الكره عندنا قطاعات وايد راح تستفيد من هالاستثمار ..

 

[Winchester SX3]

Hi5

لو برد عليك يمكن المنتدى يتسكر مو بس يوقف اشتراكي

بس بإختصار .. لعب سكه أفضل 1,000,000 مره من لعب المنتخب الحالي

 

[ابو عبير]

اقولك متى يبدى الازرق لما ما يحطون جل على شعورتهم ويتركون الشيشه وتدخل الهيه بخيار العابين يعنى المدر ب اى شى كلشى بيدهم

 

[CONTROLLER]

ترسم على خطة الزياني
وانا عليها مثل فتحي ليا هاج

ليا خطفها مابقى الا ثواني
لازم يسبب للدفاعات احراج

والا بعد جاسم بخط الثماني
لا جت على الطاير يبشر بالافراج

المنتخب من عقبهم ماشقاني
انا اشهد المنتخب عقبهم داج

 

[قلم حر]

يعني حتى لو يصير منتخبنا فلته من وين نجيب مطربين يغنون حق منتخبنا اغاني حلوه هم ما فيه ومن وين نجيب رابطة مشجعين مثل فهيدان الله يرحمه هم مافيه ومن وين نجيب دكة احتياط يجلس عليها نجوم مثل قبل هم مافيه ومن ين ومن وين ومن وين

مطربين هالوقت ومشجعين هالوقت ولاعبين هالوقت _ ازيرق يحقق طموحهم

 

[ابو المشري]

يعني حتى لو يصير منتخبنا فلته من وين نجيب مطربين يغنون حق منتخبنا اغاني حلوه هم ما فيه ومن وين نجيب رابطة مشجعين مثل فهيدان الله يرحمه هم مافيه ومن وين نجيب دكة احتياط يجلس عليها نجوم مثل قبل هم مافيه ومن ين ومن وين ومن وين

مطربين هالوقت ومشجعين هالوقت ولاعبين هالوقت _ ازيرق يحقق طموحهم

صج على طاري الاغاني للمنتخب فيه اغنية اذا سمعتها والله والله العظيم اتفشل من نفسي
اغنية (طاطوطوط00 طاطوطوط00 كاهو ياكم لخطبوط)يعني جميع الخليجيين قاموا يعدلون اغانيهم لمنتخباتهم الا احنا قمنا نخرب اغانينا
مع ان احنا السباقين في المستوى الكروي0 بس فعلا مستوى اغانينا على مستوى منتخبنا ( ازيرقنا )

 

[Hi5]

بصراحه فشله اي اخطبوط اي طوووط