Pivotrend سؤال بسيط اذا تكرمت

[S500]

انا ناوي ان شاء الله اشتري بوكيت بي سي واللي ابيه منك اذا تكرمت تشرح لنا شغله انت تكلمت عنها وهي انك اتابع الاسهم عن طريق موقع الياهو اذا كان عندك حساب

المهم

ذكرت بعد ان الواحد لازم يسوي محفظه وان المحفظه تشيل 200 سهم وان الواحد سيتابعها عن طريق الضغظ على رفريش والاسعار تجي ريل تايم
المطلوب اذا ممكن تشرح كيفية انشاء محفظ ويا ليت بالصور والشغله هذي هل تدعم جميع الاسهم ؟


اخوك بالدين S500
__________________

 

[Pivotrend]

ولا يهمك أخ S500
يوم السبت أو الأحد

stay tuned...

 

[S500]

جزاك الله خير وان شاء الله ارفعلك الموضوع يوم السبت

على فكره شريت الجهاز

 

[مستثمر73]

S500

أي نوع ألي شريته ؟ وكم سعره؟

أذا تكرمت

 

[S500]

هلا والله بالمستثمر 73
اللي ماخذ هو الاي ميت الاخير اللي يسمونه العامه ابو قلم صراحه الجهاز صعب ما شاء الله عليه
اخذة ب 210 من العزيزيه
المهم الغريب بالسالفه ان صاحب المحل يقولي ان الجهاز مكفول 3 سننوات على يوريكا وانا ما ني مصدقه
المهم الجهاز يستاهل وعلى فكره ردي لك هذا كاتبه بالبوكت بي سي هاهاهاهاهاها

 

[making profit]

مبروك الجهاز

عزيزي S500 يصراحة انا افكر اشتري

اش نصيحتك ؟؟؟ حسب ما سمعت في مميزات كثيرة

ابغى اسالك فيه منفذ Usb ؟ و هل ممكن وصل مودم خاص فية ( يعني كيف ممكن اشبك الانترنت عليه )

 

[S500]

هلا بالغاي making profit

والله اخوك البارحه شاريه وتوني غشيم غيه اعرف بس الاشياء الاساسيه لكن من ناحيه انه فيه منفذ Usb نعم فيه بس عن طريق القاعده مالت الشحن

المهم الجهاز بشكل عام عجيب واذا كنت مهتم للموضوع بشكل كبير خذ هالموقع وادعيلي

على فكره انا صدري وسيع مو مستعجل على معرفة كل شي فيه بيوم وليله لكن الحين بادي بالاشياء الاساسيه

ولا تخاف يالغالي انا حاضر باللي اعرفه افيدك فيه واللي ما اعرفه ابي منك السموحه
تفضل الموقع وانصحك انك اتسجل فيه

http://www.ce4arab.com/vb7/index.php?s=

 

[making profit]

مشكور يا S500

اشكرك على سرعة الرد و على هذا الموقع

بصراحة الموقع رهيب

 

[making profit]

قبل يومين اشتريت جهاز صغير الجحم يمكنك من الإتصال والتصفح
بلآيميت بدون أن يكون لديك جهاز حاسب أو محمول وذلك فقط
بوصل سلك الهاتف بالجهاز الصغير والذي يعمل بالبلوتوث ويمكنك أن
تتجول لمسافة 100 متر ولكن اسوأ مافيه هو سعره المرتفع قليلاً
والحقيقة أردت أن ارفق بعض الصور له ولكن لا أعرف كيف يمكنني ذلك

نقلا عن منتدى ce4arab

 

[making profit]

بصراحة ما عرفت كيف اخلي الصور تطلع بدون ما تعمل داون لود

صورة فيها جهاز البلوتوث و الثانية فيها صورة عن كرت CF تشبك خط التلفون

اسم القطعة : Bluetooth 56k Wireless Modem Kit
مكان شرآئها: تكنولوجيا دربي العالمية
المدينة : جدة
شارع : خالد بن الوليد أو مركز الباروم
السعر: 950 ريال
ويوجد مع المودم USB Bluetooth Adapter يمكن استخدامه في اللآب توب

تشغل البلوتوث في البوكيتإذا كان فيه مثل الآيميت ثم توصل سلك التلفون في المودوم الآسلكي وتضع المودوم في أي مكان تحب وتجول في المنزل لمسافة 100 متر عن المودوم بدون اسلاك
اما بالنسبة لسرعة التصفح في رائعة جداً 56K


نقلا عن منتدى ce4arab

 

[making profit]

انشاللة تفيدك هذة المعلومات يا S500

انشاللة تكون هذة المعلومات جيدة و ممكن تفيدك

تحياتي

 

[مستثمر73]

S500


الله يجزاك خير على هالموقع العجيب :d

 

[jamal]

السلام عليكم ..

اخوانى للفائده العامه انشاءالله.. يوجد شخص خبير فى امور البوكيت من برامج

قطع اي شيء تريدونه . ان كان ايميت او بلام او حتى اي سؤال محيركم

يمكنكم الاتصال 6859923 وان شاء الله ما يقصر معاكم .. اسمه . مجمد الغضبان

بالتوفيق

 

[S500]

والله يا اخواني بالدين اسمحولي على هالكلمه الموضوع يتكلم عن شي وحنا دخلنا بشي من ناحيتي ماعندي اي مشكله لكن انا يا جماعه الخير مستحي من المشرف العام عساه يستحملنا اشوي ويوسع صدره المنتدى للأسهم والكلام عن الكمبيوتر الكفي والطلب لبو محمد وكان المفروض السبت او الاحد اللي فات يكتمل

لكن اكون صريح معاكم الخطا مني والله

قلت لبو محمد ابرفع الموضوع ونسيت


الهتنا الدنيا يا ابو محمد عساها ما تلهينا عن العباده

المهم الاوردر الخاص بالطلب ما خلص معطيه امر بيع الى ست تشهر قدام لازم اتخلص حاجتنا عساك ان شاء الله من سكان الجنه انت ومن يقرا ومن يشهد ان لا إلاه إلا الله وان محمد رسول الله مؤمنا بها وبشروطها السبعه

اخوكم بالدين S500