للبيـــــع يوكن دينالي ممتـــــــــــــاز جدا

[mathematics]

يوكن دينالي 2007- بهبهاني - تحت الكفالة بحالة فوق الممتازة

المواصفات:
اللون ذهبي + بيج
نافيقيشن + دي في دي + كاميرا خلفية + وصلة آي بود
قير تبترونك 6 غيار
ماكينة 441 حصان 6.2 لتر قوية جدا
كشنات جلد متحركة + تبريد وتدفئة وكيس هواء
الكشنات الخلفية متحركة
الباب الخلفي متحرك
الدواسات متحركة
نيكل كروم على الجامات والمرايا الجانبية من الوكالة
ستارة خلفية من الوكالة
خرجت من الوكالة بتاريخ 27/11/2007
مكفولة لغاية 27/11/2010
عداد 45 الف
سيرفس منتظم بالوكالة


السيارة بسعر 11500 كاش
أو 2300 فوق الطلب (الطلب 11200 لبيت التمويل والقسط 184باقي 4 سنوات) دفعة اخيرة 2000 من ضمن الطلب)

 

[sendebad]

ممكن اتحط صورهاا

 

[ربيع العمر]

Xl او قصير

 

[mathematics]

يوكن قصير والصور عن قريب إن شاء الله

 

[mathematics]

الصور ياشباب والموتر يستاهل.

للتتفاهم 99861114

 

[mathematics]

صور اضافية

صور اضافية

 

[a-n-a]

مرحبا الغالي الله يرزقك فيه انا بقولك على الطلب للبيع وشكرا

 

[mathematics]

مشكور اخوي لكن سومتك بعيد عن أسعار الدينالي

 

[ربيع العمر]

نقول 9000 كاش


ارجو الرد اخوك صامل

والله يرزقك

 

[mathematics]

مشكور اخوي على السومة وعلى مرورك.

لكن 9000 هذا سعر الدينالي 2007 بدون نافيقيشن وكاميرا خلفية
والرنقات حجم 18 وغير بهبهاني

وتقدر تشوف مواقع السيارات

والموتر صدقني يستاهل اكثر

 

[abo-rashed]

الله يباركلك فيه وخلك سمح بالبيع وانا اخوك ترى قبل كم يوم مريت شركة بهبهاني اللي بالشويخ وسعر موديل 2008 عداد اصفار فل ابشن درجه اولى تقريبا 13000 الف يعني مو معقوله فرق 1000 بين موديل 2007 مستعمل وموديل 2008 اصفار مع العلم موديل 2009 اصفار فل ابشن 13,250 الف ومنت خسران شي اذا مريت الوكاله وسالت .

اسمحلي على المشاركه بس حبيت يكون عندك خبر بالاسعار لايطول اليوكن واقف عندك .

تحياتي .

 

[mathematics]

مشكور طال عمرك بس معنى كلامك ان سعر 2008 اصفار 13000 وسعر 2009 فل ابشن 13250 يعني فرق سنه بس 250 دينار فماهي غريبة لما يكون 2007 فرق 1000

مع العلم ان سعر الدينالي الكامل مواصفات (نافيقيشن وكاميرا ...الخ ) داخل بهبهاني 2009 سهره 16500 وانا مار وشايف والي بدون المواصفات 14500

وسعر 2008 دينالي كامل المواصفات (مستعمل بهبهاني) 13000

وشكرا عالمرور .

 

[abo-rashed]

انا اسف طال عمرك غلط مطبعي سعر موديل 2009 فل ابشن 16,250 تعديل بسيط اسمحلي فيه

وشغله ثانيه للتاكيد فيه موظف مبيعات عندهم بالوكاله عطاني الكرت ماله اسمه فارس الخوري ورقمه 99828129

وهذي ارقام اوكاله 24721670/1884411 داخلي : 205

كل هذا سجلته لك عشان ماتزعل علينا اتصل عليهم وتاكد بنفسك .

تحياتي .

 

[mathematics]

مشكور طال عمرك وزين انك اعترفت ان 2009 سعره 16500 الغلطة المطبعية مالتك تسوى 3000 دينار الله يهديك
وعلى فكرة طال عمرك مو ضروري اللي يشتري السيارة يكون يفكر ثاني يوم يبيعها (يعني شريطي) يمكن يسوم شراي ناوي يستعمل خصوصا ان السيارة عائلية.

وانت ما شاء الله مشاركاتك كثيرة بالموقع واضح انك تشتري وثاني يوم تبيع!!

 

[mathematics]

فارس الخوري اعرفه اهو نفسه اللي شريت سيارتي منه بتاريخ 27/11/2007 بسعر 15500 يعني قبل سنه وثلاث شهور فقط .

 

[mathematics]

الاخ ابو راشد اذا مو قادر على سعر السيارة هذي مشكلتك حاول تشتري يوكن موديل 2000 ولا 2001

 

[abo-rashed]

الله يجزاك خير يا الغالي على هالكلام الطيب وعلى فكره الدينالي مادخل راسي لانه مايمدحونه لاهو ولا اليوكن العادي الشكل الجديد اثنينهم والشغله مو بالمقدره الله يطول عمرك الحمد لله عندي الي اطلق منه وابرك واحسن ولاكن شدني الموضوع لاني مريتهم قبل فتره مع صديق يبي ياخذ يوكن وحبيت ارد بموضوعك ولو ادري انك بتزعل ماردينا بالموضوع صحيتك بالدنيا فديتك .

 

[mathematics]

مشكور اخوي ابو راشد وانا قلت بعد ان اليوكن مو داخل براسك بس استغربت ليش متعرف على البياع داخل بهبهاني وليش كل هالأرقام مالت اليوكن والمبيعات عندك؟

 

[abo-rashed]

ههههههههههههههه الله يعطيك العافيه مو لهالدرجه هدي شوي .

حبيبي ارجع للمشاركه اللي كتبتها فوق وقلت تعديل راح تحصل كاتب ان الموظف معطيني كرته واقسم بالله اني ماقلتها ابي اقطع رزق احد او غيره ولاكن مثل ماقلت لك شدني الموضوع وشدني سعرك اكثر
المهم ماني مجبور على اني احلف لك او لغيرك هذا الكلام وقلته وياليت تفهمه عدل مو تحرف فيه بس الظاهر ان اللي في بالك شي ثاني وماجازتلك مشاركتي علعموم هذا شي راجعلك اعرضه بالسعر اللي تبي بس لاتسيئ الضن بخلق الله ولا تفر السوالف ترى خلق الله يفهمونك غلط خل روحك رياضيه وصف النيه

 

[mathematics]

حياك الله