كيف احصل على المعلومات لاني جديد

الموضوع في 'السوق الكويتي للأوراق الماليه' بواسطة ابو حمووود, بتاريخ ‏12 يونيو 2004.

  1. ابو حمووود

    ابو حمووود عضو جديد

    التسجيل:
    ‏27 مايو 2004
    المشاركات:
    43
    عدد الإعجابات:
    0
    بعد السلام..

    انا ما اعرف شي عن الاسهم الكويتيه والاسهم الامريكيه والقوانين والبيع والشراء

    ووين تروح وين تجي ومتى والموسم والصعدات والنزلات

    وودي بالمساعده من خلال النت او المقابله الشخصيه من اللي فاضي.. على

    قدر الاستطاعه..

    علما باني اعتبر نفسي جاهل حدي بالامور اللي سألت عنها.

    ومن المعروف انه كل انسان على قدر ما يعرف ما يقدر يعرف كل شي

    بس ودي اكون قاعده من المعلومات واكبرها واوسعها وارجو من الاخوان فهم

    المقصد.. وانشاء الله ماهي لقافه ولا عجله بس بعض الامور ودك الواحد ما يعرفها

    ولا يجهلها عشان ملامة النفس وعن قولة ايه ايه..

    ولكم الشكر اللي يقرأ واللي يفيدني باي معلومه ولو بسيطه اكون شاكر لكم

    التعاون.. والضحك خلوه من خلال مشاركات اخري
     
  2. 123456

    123456 عضو جديد

    التسجيل:
    ‏8 فبراير 2004
    المشاركات:
    389
    عدد الإعجابات:
    0
    مكان الإقامة:
    الكويت
    السلام:
    وحياك الله بين اخوانك وانشاء الله تتوفق بمجال الاستثمار او المضاربه بالسوق
    وهذى مواقع تفيدك اذا حاب تدخل السوق تفيدك بكل استفسار تحب تعرف عنه واذا نقصك شى من المعلومه الاخوان مايقصرون معاك
    www.alawsat.com اذا حاب تتداول بالبيت او المكتب عندهم هالخدمه .
    www.occkw.com موقع عام للبورصه المركز الشرقى للاستشارات
    www.kuwaitse.com هذا موقع بورصة الكويت الرسمى
    وارجوا انى مانسيت موقع مهم يمكن الاخوان يذكرون موقع اخر لم اذكر
    وهذا موقع منتدى اخر :http://www.alnwady.com
    وكل المنتديات مكمله لبعض .
     
  3. شراره

    شراره موقوف

    التسجيل:
    ‏10 مارس 2004
    المشاركات:
    354
    عدد الإعجابات:
    0
    مكان الإقامة:
    مراقب
    يا أبووووووووووو حموده بعت بوبيان بسوق الجت وله ليمه ألجين
     
  4. فؤاد

    فؤاد عضو نشط

    التسجيل:
    ‏8 مايو 2004
    المشاركات:
    912
    عدد الإعجابات:
    16
    نصيحة

    فيه دورات عن الأسهم الكويتية والأمريكية حاول ان تستثمر فيها لأنها مفيدة جدا ، وروح مكتبة دار الكتب في سرداب مجمع الصديق عند مجمع الصوابر و أشتري كتب عن البورصات تلاقيها عندهم و سلي وقتك بالصيف صير مثل الأوروبيين يقرون بالباص و المستوصف و الجمعية وبعدين ضع لك هدف من التعامل في البورصة هل تريد ربح سريع أم تبني مراكز إلخ..و أبتعد عن الإقتراض للدخول بالبورصة يعني لو كنت منتف على الأقل كل شهر تصرف لك 200-250 دينار وتركز على سهم واحد وتشتريه من سوق الكسور وخاصة الأسهم الرخيصة مثل أصول /الأولى/عارف / الأنماء/الدار و راح تشوف نفسك بعد فترة مجمع لك كم سهم / و إن كنت مريش و عندك خير نوع إستثماراتك في عدة صناعات وركز على الأسهم الحلال علشان تنام قرير العين مطمئن البال . بس المهم أن من يريد دخول البورصة يكون عنده صبر أيوب و يتحمل قلبه الهزات والصعود والنزول مو يطيح قلبك ببطنك إذا نزل السهم و يرتفع ضغطك في الحالة هذه أبتعد أو أشترى سلعة و لاتتابع السوق بصفة يومية بل أنسى وقول في نفسك : أنا لن أزعج نفسي بالصعود والنزول أنا مستثمر طويل الأجل حالي حال هالهوامير اللي ما يهزهم ريح forget it >يعني إيحاء نفسي / ذكرتني بفيلم عربي يقول المريض النفسي فيه : أنا مش قصير و أقرع أنا طويل وأهبل

    وعليك بعد ذلك طاب حالك أن تذهب للبورصة و تفتح حساب تداول و تختار مكتب وسيط تتعامل معاه علشان ينفذ أوامرك وزهب قريشاتك وأوزن قراراتك تفوز بلذاتك.
    ونطلب دعواتك يابو حمووود
     
  5. bu3zoz

    bu3zoz عضو جديد

    التسجيل:
    ‏16 يونيو 2003
    المشاركات:
    1,095
    عدد الإعجابات:
    1
    مكان الإقامة:
    الكويت: بلاد المسك والورد
    بسم الله الرحمن الرحيم

    حياك الله اخوى بوحمود بالتوفيق ان شاء الله فى مجال الاستثمار ان شاء الله هل روابط تفيدك

    أولا : مواقع توفر معلومات عن الشركات الكويتيه من حيث الميزانيات والأخبار .
    1. http://www.ameinfo.com/arabic/
    2. http://www.kuwaitse.com/
    3.http://www.occkw.com/Arabic/ksem/index.htm
    4. http://www.alsadon.com/rates.html
    5. http://www.bayaninvest.com/markets/kuwait/index.html
    6. http://www.zawya.com/equities/kw/

    مواقع تضع توصيات للشركات الكويتية :
    1.http://www.globalinv.net/
    2. http://www.kmefic.com.kw/

    ُثانيا مواقع الرسم البياني :
    1. http://www.occkw.com/Arabic/ksem/index.htm
    2. http://www.alsadon.com/rates.html
     
  6. نصار

    نصار عضو جديد

    التسجيل:
    ‏5 ابريل 2004
    المشاركات:
    234
    عدد الإعجابات:
    0
    ابوحمود شلونك :

    شوف يابو حمود آنا حاولت احلل شخصيتك

    ما تصدق اذا قلتلك أخذت من وقتى نص ساعة عشان اعرف منو بوحمود

    وشنو هالاسألة الغريبة وآخر شى عرفت انك قاعد تستعبط وقاعد تضيع

    وقت الاخوان على الفاضى , اول مشاركة بتاريخ 6 / 6 تسأل عن وقت الاكتتاب

    وتاخذ الرأى فى انك تكتتب ولا لأ , واليوم تبى تبيع اسهمك اللى عددها

    6786 سهم , لو كان الموضوع واحد يبى مساعدة آنا اول واحد أقولك آمر

    بس انت قاعد تستعبط , بطل من هالسوالف .
     
  7. ابو حمووود

    ابو حمووود عضو جديد

    التسجيل:
    ‏27 مايو 2004
    المشاركات:
    43
    عدد الإعجابات:
    0
    اشكر اخواني فؤاد وبوعزوز 123456 وشرار

    وعطيتوني معلومات طيبه يا طيبين وبصراحه انا ما اعرف شي بالبورصه ولكن

    بفضل اخواني سهلتوا الصعب علينا.

    واللي يقول استعباط خاف ربك لا تظلم حظك انشاءالله انها تصير اخلاقك احسن

    من اللي انت فيه وانشاءالله تجيكم اخباري يا اخواني الطيبين بداياتي معي

    البورصه..
     
  8. bu3zoz

    bu3zoz عضو جديد

    التسجيل:
    ‏16 يونيو 2003
    المشاركات:
    1,095
    عدد الإعجابات:
    1
    مكان الإقامة:
    الكويت: بلاد المسك والورد
    بسم الله الرحمن الرحيم

    اخوى بوحموود لاشكر على واجب احنا ابخدمتك او خدمة الكل

    اخوى نصار اخذ الموضوع بحسن نيه وجزاك الله خير الجزاء ويرزقنا وياكم الرزق الحلال
     
  9. نصار

    نصار عضو جديد

    التسجيل:
    ‏5 ابريل 2004
    المشاركات:
    234
    عدد الإعجابات:
    0
    حاضر يابو عزوز

    الاخ بو حمود راجع مواضيعك وانت تعرف ليش آنا كتبت هالكلام .
     
  10. نوط بو 1000

    نوط بو 1000 موقوف

    التسجيل:
    ‏6 يونيو 2004
    المشاركات:
    1,426
    عدد الإعجابات:
    0
    اخوانى الافاضل ..

    ترى الموضوع مو مستاهل كل هالحساسيه
    و المطلوب يا اخ نصار نفترض النيه الزينه ..
    و حتى لو كان كلام الاخ بو حمود مثل ما قلت ..
    لا تنسى ان فى ناس غيره قاعده تقراء الردود و تستفيد مثلى ..
    و على قولة القايل : رب ضارة نافعه
    يعنى الاخ بو حمود اذا ما فاد نفسه بهالسؤال عالاقل فاد غيره

    ارجو انكم تتقبلون هالكلام من اخوكم الصغير
    و تحياتى لكم جميعا

    ملاحظه : اخوي فؤاد ردك يصلح قصة فلم مصري من بطولة يونس شلبى
    :p
     
  11. محامي المساكين

    محامي المساكين عضو جديد

    التسجيل:
    ‏7 يونيو 2004
    المشاركات:
    51
    عدد الإعجابات:
    0
    إذا هبت رياحك فإغتنمها.....


    فعقبى كل عاصفة سكون’