شلون ابدي من الصفر؟ ارجو المساعدة من اهل الخبرة

[الأبطح]

يا اخوي انت بنعمة مو حاس فيها
وهي انك ماعليك قرض
وصدقني القرض قرادة
تاخذ قرض مرة وبعدها يلصق فيك
وكل سنة سنتين بتجدد القرض
والله يوفقك ان شاء الله

 

[ابو فرح2005]

يا اخي وفر من راتبك والتزم بالتوفير اعتبر نفسك ماخذ قرض ولازم تدفع سوي استقطاع من راتبك ووفر وانشاء الله تقدر
بعدين المصبغه وايد حلوه بس دير بالك تري اذا ما تجابلها تمام تمام العمال ياكلونك لانها مو سلعه تقدر تجردها وتعرف شكثر مبيوع وشكثر باقي
انصحك بالوقت الحالي طقطق عالخفيف في اي شي تفهم فيه

وموفق خير

 

[q8designer]

السلام عليكم ورحمة الله اخوي ابدأ بمشروع بس من غير قروض وفي مشاريع صغيره ممكن تحققلك ارباح كبيره بس محتاج الجد والعمل وتبعد الاحراج عنك لانه الشغل مافيه عيب
فكره يديده ابتكار خيال ابداع والخطوه الاولى سؤالك بالمنتدى روعه ويدل على النجاح
انطلق للخطوه الثانيه وابدا تتخيل وارسم خطه دراسة جدول للفكره الخياليه اللي عندك
ادرس كل الاحتمالات التي يمكن انك تتعرضلها انشالله لو كان راس المال 10 د.ك
والله يوفقك ويوفق الجميع بتجارتهم واي معلومات اضافيه حاضر للحلوين