هل تستثمر في بوبيان بتروكيماويات الآن ؟

[بورش]

السلام عليكم,

هذا الموضوع فقط لقياس المدى الادراكي الاستثماري, وراح يكون ان شاء الله مرجع بعد 3-4 سنوات اذا الله احيانا بإذنه, وراح نقيس مدى العائد الاستثماري للسهم.

عجبتني مقاله قرأتها قبل امس, ملخصها هو ان سعر النفط راح يصعد إلى 60-80 دولار خلال هذي السنوات الثلاث, وهل سيرجع النفط إلى 100 دولار بعد سنين, وكان الجواب بنعم.

http://articles.moneycentral.msn.com/Investing/MutualFunds/why-gas-prices-will-soar-again.aspx

في أمريكا البانزين وصل إلى نصف سعره, ومن هذا التوفير ... الكاتب نصح بأن النصف الثاني الي توفرونه, استثمروه في القطاع النفطي لأن سعره راح يصعد ومنه ممكن عوائدكم الاستثماريه تصعد.

وقياساُ مع هذه المقاله, انا اليوم اقول لأخواني متداولين السوق الكويتي
هل تستثمر في هذا الوقت لمدة 3-4 سنوات في شركة لها عائد من القطاع النفطي ؟

هذا الموضوع ليس دعوة للبيع والشراء, ولكن دعوه للمشاركه بالراي والاستفتاء

 

[بو معاذ 2006]

الشركة نظيف للامانه وتشغيليه بالكامل وتقليص الانتاج في ايكوت لن يؤثر عليها

اذا قدرت تصيده بارخص الاسعار افضل

السهم محترم ولازم مراعاة وضع السوق العام

 

[بن عمي عند ويهك]

قلت واختر (لا) لان من كبار ملاكها تجار عاف عليهم الزمان !​

 

[بورش]

الشركة نظيف للامانه وتشغيليه بالكامل وتقليص الانتاج في ايكوت لن يؤثر عليها

اذا قدرت تصيده بارخص الاسعار افضل

السهم محترم ولازم مراعاة وضع السوق العام

قلت واختر (لا) لان من كبار ملاكها تجار عاف عليهم الزمان !​

يعطيكم العافيه
بس اخوي مادري شنو دخل كبار الملاك بالسهم ؟ اتوقع اذا في انتقاد يكون لمجلس الاداره

 

[بوراشد جروب]

صوت ب لا

والسبب صناعة البتروكيميكل في خطر الآن وتعاني الشركات الكبرى من خسائر وقله في الطلب العالمي .. هذا السبب الأساسي الي دفعني لبيع جميع اسهمي في شركة القرين ... ننتظر العام المقبل لرؤيه أوضح

والله اعلم​

 

[بورش]

صوت ب لا

والسبب صناعة البتروكيميكل في خطر الآن وتعاني الشركات الكبرى من خسائر وقله في الطلب العالمي .. هذا السبب الأساسي الي دفعني لبيع جميع اسهمي في شركة القرين ... ننتظر العام المقبل لرؤيه أوضح

والله اعلم​

كلام منطقي وممتاز وكان هناك تصاريح سابقه بأن سنة 2009 ليست سنة صناعة البتروكيماويات
ولكن حديثي أخوي بوراشد عن الاستثمار من 3-4 سنوات على هذا السعر الحالي, مع حساب الأرباح والسعر النهائي

 

[q8_kwt]

اخوي بورش الصورة مو كامله بالنسبة لتوقعك ... لو سمحت انت جم تتوقع يوصل سعر السهم
وجم قيمة العائدات اللي تتوقعها خلال اربع سنوات ؟

 

[بورش]

اخوي بورش الصورة مو كامله بالنسبة لتوقعك ... لو سمحت انت جم تتوقع يوصل سعر السهم
وجم قيمة العائدات اللي تتوقعها خلال اربع سنوات ؟

توقعي ؟ قيمة العائدات ان شاء الله 100% أرباح
ولكن هذا توقعي انا ممكن بالحقيقه يروح -20%
وأعلم بأن 2009 سنه صعبه على البتروكيماويات, و2010 ان شاء الله تتعدل الأوضاع, 2011 تزداد الأرباح, 2012 نشوف نهايتها ووين رايح السهم

للأمانه, ودي اشتري 10 آلاف سهم بس لبنتي, ولكن انتظر السعر المناسب للدخول

وجوابي في هذا الموضوع كان نعم

 

[q8_kwt]

الحين سعره 365 مع الصعود طبعا يمكن يصكر حد ادنى
شنو السعر المناسب للدخول ؟

 

[بورش]

الحين سعره 365 مع الصعود طبعا يمكن يصكر حد ادنى
شنو السعر المناسب للدخول ؟

أول شي ليش هالتشاؤم هذا ؟ تبيه يصكر ادنى
السعر المناسب للدخول بالنسبه لي 250 فلس

 

[q8_kwt]

مو تشاؤم بس عشان يوصل 250 فلس ابيه يصكر حد ادنى ابي لك الخير

 

[خالد بو الوليد]

اولا الشركه عايشه على ملكيتها في ايكويت

ثانيا ادارة الشركه حالها حال غيرها ...غير متميزه وممكن اقولك بعد غير نظيفه

شوف منو الي متعيينين فيها وفي شركاتها الصغيره الي تابعه لها وتعرف حركات ون تو ..بو عليييي

 

[بورش]

مو تشاؤم بس عشان يوصل 250 فلس ابيه يصكر حد ادنى ابي لك الخير

أول شي مشكور على هالنيه الطيبه ياخوي
واذا لنا نصيب بناخذه 250 فلس أو سعر غيره
مشكور مره ثانيه وماجاوبتني, انت نعم تستثمر ولا لا؟

اولا الشركه عايشه على ملكيتها في ايكويت

ثانيا ادارة الشركه حالها حال غيرها ...غير متميزه وممكن اقولك بعد غير نظيفه

شوف منو الي متعيينين فيها وفي شركاتها الصغيره الي تابعه لها وتعرف حركات ون تو ..بو عليييي

اذاً جوابك لا ؟
رايك وله كل الاحترام والتقدير, والله يعطينا العمر ان شاء الله نتذكر هذا الموضوع بالمستقبل

 

[q8_kwt]

بورش انت تحليلك صح ماعندي تحليل للعكس لكن وضع المقارنة ( كأسعار ) خاصه ان احنا نتكلم عن مغامره اغامر باللي تحت ال 100 فلس افضل هذا السبب الوحيد لكن تحليلك للشركة اعتقد ان كلامك صح

 

[Seven]

المستثمر ماعليه خوف بالشركه هذه

 

[frozen]

خوش اختيار يا بورش ولله لك نظره

 

[ابوناصر2006]

السلام عليكم

انا افضل الاستثمار في السهم

ومقتنع بالسهم وانا املك السهم بس كمية مو واجد وودي ازيدها بعد لانه من افضل الاسهم في قطاع الصناعي والبورصة ككل

وجهة نظر بس مو اكثر

 

[بورش]

بورش انت تحليلك صح ماعندي تحليل للعكس لكن وضع المقارنة ( كأسعار ) خاصه ان احنا نتكلم عن مغامره اغامر باللي تحت ال 100 فلس افضل هذا السبب الوحيد لكن تحليلك للشركة اعتقد ان كلامك صح

تصدق عندي استثمر في هذي الشركات ولا استثمر في شركات تحت ال 100 فلس
مع ان الشركات الي نازله مثل المجموعه الدوليه, ممكن تعطيك الدبل بفتره قصيره مثل ماحصل مع السهم مرتين
ولكن اتكلم انا من مبدأ الاستثمار, وليس الدخول لهدف البيع بمجرد اخذي ربح 50-100%

المستثمر ماعليه خوف بالشركه هذه

اذا جوابك بنعم
بارك الله فيك

خوش اختيار يا بورش ولله لك نظره

مشكور بارك الله فيك
نتمنى نكون على صح, السعر موجود في البال, وان شاء الله الدخول على السعر المناسب

السلام عليكم

انا افضل الاستثمار في السهم

ومقتنع بالسهم وانا املك السهم بس كمية مو واجد وودي ازيدها بعد لانه من افضل الاسهم في قطاع الصناعي والبورصة ككل

وجهة نظر بس مو اكثر

وجهة نظر لها كل الاحترام
وان شاء الله الكميات الي شاريها تاخذ منها ربح

 

[Fundamentalist]

الشركه كنت اتابعها من فتره ومن ثم صرفت النظر عنها ..

قطاع البتروكيماويات يمر بمرحله حرجه الآن شركة سابك للبتروكيماويات (واحده من اكبر شركات البتروكيماويات في الشرق الاوسط) اعلنت تراجع ارباحها بنسبة -95% في الربع الرابع من 2008 من 6.9 مليار ريال في الربع الرابع من 2007 الى 311 مليون ريال فقط في الربع الرابع من 2008 وتراجع ارباحها لاجمالي سنه 2008 بنسبة -19% ..

بوبيان للبتروكيماويات (سنتها الماليه تنتهي في 30/4) اعلنت تراجع ارباحها للنصف الاول 1/5/2008 - 31/10/2008 بنسبة -38% الى 18.56 مليون دينار .. 12 مليون دينار منها ارباح استثنائيه من بيع استثمارات في شركات .. ارباح النشاط التشغيليه للشركه فقط 6.6 مليون دينار .. الشركه تملك 9% من شركة ايكويت للبتروكيماويات ..

سمعنا قبل فترة عن تشغيل مشروع ايكويت 2 .. شخصيا لا اعرف اذا كان جزء من شركة ايكويت ام هو شركة جديده ومستقله .. الفكره كانت مجزيه قبل سنه لكن الآن؟ الله اعلم ..

اعلم جيدا ان الفكره هي الاستثمار طويل الامد ولكن ماسبق يجب اخذه بعين الاعتبار .. المستقبل في علم الغيب ولكن يعتمد على عدة عوامل منها توقعات نمو الطلب على منتجات البتروكيماويات (هل تتمكن الصين من المحافظه على نفس معدلات النمو السابقه؟) سعر النفط (هل يعود سعر النفط فوق 100 دولار؟) سعر الدولار الآخذ بالارتفاع (الارتباط العكسي بين سعر الدولار وسعر النفط) وهناك عوامل عديده ..

سعر السهم يبدو متماسك فوق ال 300 فلس ولكن شخصيا وبناءا على النتائج الماليه للشركة والتوقعات المستقبليه يبدو اتجاه النزول هو الارجح ..

هذا رأي شخصي يحتمل الخطأ .. وعذرا على الاطاله ..

 

[الوطن بلس]

اي شي فيه ملاك ( زين ) ما انصح فيه و لاادش فيه