أرجو الدخوول للأهمية

[bo_ahamad]

شباب أبي أحد يعطيني طريقة يخليني فيها أجمع مبلغ من معاشي كل شهر؟ وياليت تكون عن تجربة لأني والله حاولت جم مرة بس ماقدرت

 

[قلم حر]

شباب أبي أحد يعطيني طريقة يخليني فيها أجمع مبلغ من معاشي كل شهر؟ وياليت تكون عن تجربة لأني والله حاولت جم مرة بس ماقدرت

اطلب من الله يبارك لك فيه وغير هالطريقه مافيه

 

[【★】☼ x.X.x ☼【★】]

شباب أبي أحد يعطيني طريقة يخليني فيها أجمع مبلغ من معاشي كل شهر؟ وياليت تكون عن تجربة لأني والله حاولت جم مرة بس ماقدرت

بسيطه سولي أستقطاع

ومتى ما بغيتهم بالحفظ والصون

 

[bo_ahamad]

اطلب من الله يبارك لك فيه وغير هالطريقه مافيه

اللهم أميين

 

[bo_ahamad]

بسيطه سولي أستقطاع

ومتى ما بغيتهم بالحفظ والصون

خلاص ماعندي مانع بس دزلي رقم حسابك بالخاص

 

[bo_ahamad]

ياجماعة أبي مشاركات مفيدة حتى يستفيد منها العموم

 

[nestla]

ياجماعة أبي مشاركات مفيدة حتى يستفيد منها العموم

حتى انا نفس حالتك , قبل نص الشهر معاشي يخلص

 

[المزين]

اول شي اطلب من الله يبارك لك بمعاشك اول ما ينزل ، بعطيك طريقه حلوه و لو انه شوي فيها تعب بسيط لكن تريحك كثير ،

معاشك اول ما ينزل للشهر هذا مثلا حاول شوي نوعا ما تقصر على نفسك فقط بهذا الشهر يعني قد ما تقدر وفر لك ، الشهر إلي وراه اول ما ينزل معاشك الجديد على إلي انت موفره راح تشوف يطلع لك مبلغ حلو بالشهر هذا الثاني اصرف و لكن حاول تصرف بالضبط بنص المصروف إلي تصرفه بالاشهر إلي انت معود تصرف فيها ، و على الشهر الثالث راح تشوف طلع معاك مبلغ قوي و حلو جدا ، بعدها راح تكون شوي متعود على انك تصرف شوي بتوفير و هم اذا احتجت راح تكون عندك الامكانيه ، و بعدين راح تشوف نفسك شهر عن شهر يطلع معاك مبلغ و يتوفر زياده و راح ينضاف مع إلي عندك من اول شهرين ،


للتوضح ، مثال معاشك 700 دينار ،

اول ما ينزل معاشك للشهر ، اصرف 400 ، قصر شوي ميخالف كله شهر ،الباقي =300 ،

الشهر إلي وراه ، اصرف 550 ، الباقي = 150 ،

الشهر إلي وراه اصرف 550 ، الباقي 150 ،

جمع المبلغ = 600 ، و عود نفسك شوي على هالطريقه راح تشوف يطلع معاك مبلغ حلو ، و هم اذا حاب تصرف اكثر بعد كم شهر عندك المبلغ 600 دينار ، و ابعد عن الشغالات التاففه إلي تاكل الفلوس بسرعه و انت مو حاس ، يعني المطاعم كل يوم ولا كل ما تمشيت اي شي يدخل بخاطرك على طول تاخذه ، صدقني بس امسك نفسك شوي و بعد شهرين تشوف نفسك مرتاح ، و اذا معاشك اقوى من 700 طبعا تشوف يطلع معاك مبلغ طيب، و انت عاد كسر حساباتك اذا عندك اقصاد او شي ثاني

 

[الهمس الخجول]

اول شي اطلب من الله يبارك لك بمعاشك اول ما ينزل ، بعطيك طريقه حلوه و لو انه شوي فيها تعب بسيط لكن تريحك كثير ،

معاشك اول ما ينزل للشهر هذا مثلا حاول شوي نوعا ما تقصر على نفسك فقط بهذا الشهر يعني قد ما تقدر وفر لك ، الشهر إلي وراه اول ما ينزل معاشك الجديد على إلي انت موفره راح تشوف يطلع لك مبلغ حلو بالشهر هذا الثاني اصرف و لكن حاول تصرف بالضبط بنص المصروف إلي تصرفه بالاشهر إلي انت معود تصرف فيها ، و على الشهر الثالث راح تشوف طلع معاك مبلغ قوي و حلو جدا ، بعدها راح تكون شوي متعود على انك تصرف شوي بتوفير و هم اذا احتجت راح تكون عندك الامكانيه ، و بعدين راح تشوف نفسك شهر عن شهر يطلع معاك مبلغ و يتوفر زياده و راح ينضاف مع إلي عندك من اول شهرين ،


للتوضح ، مثال معاشك 700 دينار ،

اول ما ينزل معاشك للشهر ، اصرف 400 ، قصر شوي ميخالف كله شهر ،الباقي =300 ،

الشهر إلي وراه ، اصرف 550 ، الباقي = 150 ،

الشهر إلي وراه اصرف 550 ، الباقي 150 ،

جمع المبلغ = 600 ، و عود نفسك شوي على هالطريقه راح تشوف يطلع معاك مبلغ حلو ، و هم اذا حاب تصرف اكثر بعد كم شهر عندك المبلغ 600 دينار ، و ابعد عن الشغالات التاففه إلي تاكل الفلوس بسرعه و انت مو حاس ، يعني المطاعم كل يوم ولا كل ما تمشيت اي شي يدخل بخاطرك على طول تاخذه ، صدقني بس امسك نفسك شوي و بعد شهرين تشوف نفسك مرتاح ، و اذا معاشك اقوى من 700 طبعا تشوف يطلع معاك مبلغ طيب، و انت عاد كسر حساباتك اذا عندك اقصاد او شي ثاني

طـــــــــــــــــــريقه حلوه بس صعب التنفيذ وخصوصاً على إللي مثلي
إذا ماصرفت كل إللي معي بالسوق احس أني ماأرتاح أبد مأأدري ليه
على قــــــــــــوله الماما فيني هوس تسوق مو طبيعي !!

 

[C LV]

بكلمك جد

معروف كثر ما يدخل يخرج مع ان معاشات الوافدين ما تصير ربع معاشاتنا و يسوون عمارات في بلدانهم

طريقة الاستقطاع حلوة انا جربتها فترة بس للاسف ما استمريت عليها

تسوي حساب ثاني بإسمك غير اللي عليه راتبك و تسوي له استقطاع 100 او 200 حسب ما الله منعم عليك و تحس انك مستغني عنه ما تقصر على عمرك اول ما ينزل الراتب تلقائيًا يروح المبلغ لحسابك الثاني .. الحركة المهمة ان تبعد بطاقة هالحساب عن ايدك لا تحطها بالبوك قطها بالكبت او التجوري المهم انساها مهما يصير .. بعد سنة شوف اشلون يتجمع عندك مبلغ حلو ان شاء الله

ولا تنسى الدعاء بالبركة قبل كل شئ .

 

[بو حسن22]

اخوي انا كلامي نفس كلام الاخ c lv بس لو توخر عن بطاقة الحساب الثاني يعني اذا ماتقدر تبعد عنها وبتقعد تفكر فيها اكسرها ولاتخاف فلوسك موجوده وطلع بدل فاقد وبتلاقي فلوسك فيها ^_^

 

[bo_ahamad]

شكرا على مشاركاتكم القيمة وهذا مايمنع أن نسمع من واحد ثاني وانا الصراحة عن نفسي جربت نظام (الجمعية) يعني مثلا أنا مع تسعة من الربع وكل واحد فينا يقط 100 دينار وكل أول الشهر يستلمها واحد يعني يطلع لكل واحد فينا 1000 دينار وانت مثلا أذا منت محتاج تقدر تخليها أخر واحد وهذي الصراحة الطريقة الوحيدة اللي مشت معاي

 

[بومعالي]

أخوي أنا أعطيك طريقتي إذا اتبعتها أنا أضمن لك توفر من راتبك الكثير بإذن الله

أولاً لازم تتصدق بجزء ولو بسيط من راتبك ويفضل يكون عندك حصاله من اللجان الخيرية تحط فيها الخرده

ثانياً تشتري عشر أظرف وتسجل عليهم تواريخ ثلاث أيام مثلا الظرف الأول تسجل عليه 1 -2 -3 والظرف الثاني 4-5-6 إلى الظرف العاشر لنهاية الشهر .

ثالثا تقسم راتبك على عشرة مثلا راتبك الصافي بعد الأقساط والإلتزامات 700 دينار تحط بكل ظرف 70 دينار وتخشهم في مكان أمين ( تجوي مثلا )

في اليوم الأول تفتح الظرف الأول وتاخذ ال70 دينار وتصرف فيهم حسب حاجتك ولا خلصت الأيام الثلاثة تشوف كم باقي عندك ... مثلا باقي 20 دينار تروح تردهم للظرف الأول وتنساه وتروح تفتح الظرف الثاني وتاخذ ال70 وتصرف فيهم وإذا زاد شي كذلك ترد الزود للظرف الثاني إلى الظرف الأخير .

ملاحظه : إذا كنت تبي تشتري شي معين ومبلغه مو معاك تاخذه من الظرف القادم مثلا باقي معاك من الظرف الخامس 40 دينار وتبي تشتري شي ب 60 دينار تفتح الظرف السادس وتاخذ منه 20 دينار فقط وتحاول إنك تمشي نفسك بعدين بال50 دينار الباقيه.. يعني الأظرف القديمة تنساها نهائيا ولا تحاول تاخذ منها شيء كأنها مو عندك

بنهاية الشهر تشوف كم المبلغ اللي وفرته تاخذه وتحطه بظرف تكتب عليه التوفير الشهري وتسجل عليه كم المبلغ اللي وفرته للشهر الحالي واللي بعده مثلا وفرت في شهر فبراير 300 دينار تسجل بظرف التوفير الشهري ( فبراير 300 دينار )

بالنسبة للإلتزامات الشهرية حاول إنك أول ماتستلم راتبك تدفعها كلها ولا تخلي شي نهائيا .

طبعاً أهم شيء بالموضوع هو الصدقه لأنها مفتاح الغنى

وبالتوفيق ​

 

[خدمة الشعب]

أخوي / أبو أحمد

شوف يالغالي .. بما أنك تسأل عن طريقة توفير و حاولت وما قدرت

معناها أنك شخص مسرف بمعنى (( اللي بخاطرك تاخذه وما تفكر ))

فصعب تتغير (( من النقيض إلى النقيض 360 درجه بسهوله ))

الطريقه :

1 / تصدّق .. بالصدقه اللي من نيه صافيه والله تتيسر أمورك بشيء ما تتخيله , لا تقول فرض و أستقطاع لالالا مع كل راتب شوف لك أنسان فقير وعزيز نفس ( ويا كثرهم بالديره ) تصدق عليهم بطريق غير مباشر .. وشوف النتيجه .

2/ حاول تحرم نفسك بمعنى ( غير أسلوبك ) أشياءك الأساسيه لا تقصر لكن ( موبايل جديد - عطر عاجبني - ألخ ) وقف .

3/ شوف جم راتبك ( الصافي ) وقسّم الراتب على أيام الشهر : مثلا راتبك 600 ÷ 30 = 20 باليوم أمش على أساس كل يوم 20 دينار ومستحيل تصرف 20 باليوم إذا أمورك مضبوطه وما تصرف , مو بخل لكن عشان تعود نفسك .

بالتوفيق​

 

[I T C]

الطرق التى عرضوها الاخوه كلها جيده ولكن صعبة التنفيذ..حسب كلامك انك لاتستطيع ان تقنن مصروفاتك هناك طريقه ناجحه ومضمونه....
(نظام الجمعيه
اشترك انت وزملاءك فى العمل او الجيران او حتى عن طريق اهلك كل شهر المبلغ حق واحد وخلك اخر شهر
1تدفع اجبارى
2توفر لانك اخر من يستلم الجمعيه...
وبالتوفيق)

 

[bo_ahamad]

يعطيك العافية على المشاركات القيمة وانا أنشاءالله من الشهر القادم راح أقضب نفسي شوي وراح أجرب طريقة بومعالي + الجمعية والله يكتب اللي فية الخير

 

[ابو الوليد خالد]

عن تجربة تصدق منه والله يباركلك بالباقي