عندي مشكلة

[فارس العنزي]

قاعد أدور بيت ، وحصلت وبعد الإتفاق مع المالك على السعر ، وحيث أن الوثيقه غير مرهونه لبك التسليف وقالي أن الوثيقه مرهونه بملغ 4800 دينار لشركة واره علشان سيارة وقلتله غيرها قال لأ ، قلتله العربون إذا الله كتبلي البيت بغطي المديونية وتفك الرهن .
وثاني يوم رحنا لمكتب الدلال لتوقيع القعد ودفع العربون ، وأفاد بأن الوثيقه عند بيت والدته وبالتجوري وإهي رايحة للعمره وراح تجي يوم السبت ( بكره ) قلت مافي مش مشكله والعربون سيبقى عند الدلال لحين إحضار الوثيقه وحينها سيأخذه ، وتم التوقيع ودفع 5000 دينار و500 دينار للدلال والمتبقي من الدلاله عند التحويل .
أمس ويطلع خبر جديد بأن صاحب البيت معطي توكيل لنسيبة وإللي بدوره راهن الوثيقه لقرض أكثر من 37000 دينار .

شالحل الحين وشنو إللي لي وشنو إللي علي ، هل العربون يرجع وهل في غرامه ( علماً بأن بالعقد الدلال يقول من الطبيعي إذا هون عن البيعه يرجع العربون وفوقهم 5000 دينار غرامه ومافي داعي لذكر ذلك لأنها من شروط العدل ) وهل الدلاله ( 500 دينار ) ترجع لي مره أخرى ؟

وهل العقد الآن ملزم للطرفين علماً بأننا وقعنا وناقص بينات الوثيقه فقط وتم ذكر باقي المعلومات ( السعر والإسم والعنوان ) ، وهل يقدر يتصرف بالبيت ، وهل أقدر أصر على البيعه ؟

أتمنى أني لم أطل عليكم وأن يكون الشرح واضح وأبي شرح وافي لمثل هالحاله ، وشنوا إللي لي ؟ وجزاكم الله خير​

 

[KUWAIT- STOCK]

سؤال مهم نتمنى احذ الاخوة ذو الخيرة يجاوب علية للإستفادة و إن شاء الله يا صاحب الموضوع يصير اللى تبية

 

[اوكيشن]

اخوي الله لايهينك المبلغ مو بسيط

حط بمخباتك عشرين دينار وروح لمحامي واستشيره وراح يشرح لك كل شي وشنو لك وشنو عليك

لاتنتظر تجيك فتاوي اهني لها اول مالها تالي

والله يوفقك ان شاء الله

 

[فارس العنزي]

اخوي الله لايهينك المبلغ مو بسيط

حط بمخباتك عشرين دينار وروح لمحامي واستشيره وراح يشرح لك كل شي وشنو لك وشنو عليك

لاتنتظر تجيك فتاوي اهني لها اول مالها تالي

والله يوفقك ان شاء الله

مشكور عالرد

طالما إهو إللي يتلكك مافي مشكلة على عربوني ، أنا أستفسر عن عدم وضع شرط جزائي في حالة إلغاء الصفقة وطبعاً بسبب تعهد الدلال بأن في حال إلغاء الصفقة من ناحية راعي البيت سيتم إسترجاع العربون وفوقهم 5000 دينار أما إذا أنا هونت سيتم مصادرة عربوني ، والسؤال الثاني هل أقدر أصر على الصفقة حتى مع وجود رغبة للإلغاء من صاحب البيت​

 

[الدلال ابوفهد]

الاخ فارس العنزي

حبيت اقولك انا صارلي 4 سنوات بالسوق وانشاء الله افيدك
اول شي لا تسبق الاحداث شوف شنو يصير وياه بالنسبه للرهن
وبالنسبه للعربون يرجع لك في حاله التقصير منه في اتمام البيعه
وبعدين الدلال الي انت عنده اجراءاته سليمه لانه ما سلمه العربون
بالنسبه للدلاله من حق الدلال حتى لو ما تمت البيعه يععني شي راجع للدلال
و اكثر شي يتحملها الي يهون
عموما اي استشاره حاظر وهذا رقمي / 55111560​

 

[ku_ambassador]

السلام عليكم حسب معلوماتى إن الدلال إهوا إلى ملزوم يرد العربون والدلاله لأن البيعه ما تمت أما بخصوص أتعاب الدلال فالبايع أهوا إلى يتحمل الأتعاب وهالشى يرجع حق الدلال يقدر يتنازل عن أتعابه لأن الدلال تهمه سمعته وسمعت مكتبه وفى حال عدم رد العربون أعتقد فى قسم فى وزارة التجارة مختص فى هالمواضيع أوهما يحلون مثل هالمشكله وآسف على الإطاله

 

[DaSMaNQ8]

اخوي فارس

عندي سؤالين فقط00

1- اذكر الشروط الجزائية بينكم في العقد 00؟؟

2- اي الطرفين تراجع عن البيع 000؟؟؟

 

[فارس العنزي]

السلام عليكم حسب معلوماتى إن الدلال إهوا إلى ملزوم يرد العربون والدلاله لأن البيعه ما تمت أما بخصوص أتعاب الدلال فالبايع أهوا إلى يتحمل الأتعاب وهالشى يرجع حق الدلال يقدر يتنازل عن أتعابه لأن الدلال تهمه سمعته وسمعت مكتبه وفى حال عدم رد العربون أعتقد فى قسم فى وزارة التجارة مختص فى هالمواضيع أوهما يحلون مثل هالمشكله وآسف على الإطاله

مشكور عالشرح وبالعكس وافي​

 

[فارس العنزي]

اخوي فارس

عندي سؤالين فقط00

1- اذكر الشروط الجزائية بينكم في العقد 00؟؟

2- اي الطرفين تراجع عن البيع 000؟؟؟

الشرط الأول الوحيد ، إنه في حال التحويل ولم يتم تسليم العقار خلال 3 شهور يحسب إيجار شهري وقدره 500 دينار ، وأما بخصوص شرط عن من يعدل عن قرار الشراء ، قالي الدلال لو أنا أهون يروح علي العربون وأما إذا البائع تراجع يرجع العربون ( 5000 دينار ) وفوقهم خمسه أخرى وهذا معروف وماله داعي ذكره ، وبناء على هالكلام لم أضع شرط جزائي عن من يعدل عن قرار الشراء والبيع .

وعن الطرف الذي تراجع هو صاحب البيت ، وللأمانه أنا قاعد أسأل لأكون على بينه ، ؟لأن شكل البيعه وحسب تقديري 80% راح تلغى من طرف البائع ، وأنا ودي أن تتم الصفقه لأن بخلص من موضوع البيت إللي صارلي كم سنه وأنا أركض وكانت الفلوس ما تكفي والحين بعد ما أخذت قرض ومع نزول الأسعار صار في أمل وأخاف يصير شي وعقبها أفلس أقعد طول عمري أجار لأن كان عندي بيت وإنباع بالمحكمة ومالي طلب أسكان بس مشترى عن طريق التسليف فقط وصارلي كم سنه وأنا أدفع أجار وبدون بدل أجار من الإسكان لأن مالي طلب عندهم وأدفع نفقه والحين قسط يشق الخشم وطبعاً حتى قبل ماني خلي من قسط بس أخف من هذا الجديد ( ولله الحمد قرض إسلامي ترا )​

 

[stock-broker]

كلمني 99607096 واعطيك رقم المحامي داود الصباح ماياخذ منك شي علي المشورة القانونية

 

[DaSMaNQ8]

فارس

العربون يرجع وانت تضحك

وليتك كاتب شرط جزائي بالعقد غرامه 10,000 دينار في حاله تراجع اى الطرفين