هل تنصحوني بالطابوق الابيض او العادي ؟؟؟

الحالة
موضوع مغلق

طارق55

عضو نشط
التسجيل
13 أكتوبر 2008
المشاركات
397
السلام عليكم

ياجماعه الخير ارجوا عدم البخل بالمشاركه لاننا تواجدنا هنا في هذا المنتدي الرائع لتبادل التجارب والاستفاده ..

أنا الان والحمد لله بديت ابني قسيمتي في منطقه جابر الاحمد .. وتواجهني مشكله .. مشكلتي طال عمركم اني اسمع أراء كثيره بالنسبه للبناء .. منها الي يقولك .. الطابوق الابيض .. يكون بارد جدا في الشتاء .. وهو اصلا ضعيف بالمنشار تقدر تقصه .. بعكس الطابوق العادي أو الطابوق الي فيه بحص .. اخوي ينصحني ويقول حطلك طابوق عادي ابو البحص وايد احسن وزيد اطنان التكييف .. وهناك اراء تقول الحكومه ماحطت الطابوق الابيض عبث .. حطلك طابوق هيبل احسن وايد من العادي .. انا ياجماعه بيتي واجهته شماليه .. وأذا جاك البرد وهوا شمال راح اموت من البرد .. أشتنصحوني فيه ياأهل التجربه ؟؟ من جرب شئ ويقدر يفيدني بهالموضوع ؟؟ فكرت اني احط مضرب الشمس طابوق هيبل .. والباقي طابوق اسود .. يعني اسوي تشكيله .. ياشباب احد يقدر يفيدني بهالموضوع ؟؟
 

قلم حر

عضو مميز
التسجيل
29 مايو 2004
المشاركات
26,415
الإقامة
الكويت بلد الاصدقاء
اخوي انا مثلك ابني بجابر الاحمد اذا بتسمع كلام الناس ماراح تخلص قسيمتك
الطابوق الابيض عازل حراري يعني يعزل الجو الخارجي بارد حار يعزله

تشغل التكييف يبرد البيت وماله علاقه بالجو الخارجي
بالشتاء تشغل الدفايه يدفا البيت وهم ماله علاقه بالجو الخارجي
 

بونواف

عضو نشط
التسجيل
13 يناير 2008
المشاركات
1,335
الإقامة
الكويت الحبيبه
ياخوي خلكمن كلام اخوك والناس الافضل طبعا الطابوق الابيض (الهيبل) بدون مقارنه... وفي البناء يستخدمونه للحوائط المعرضه للخارج وداخل البيت القواع الداخليه يعني الي بين الغرف والصالات تكون طابوق اسود تعرف ليش لانه الطابوق الاسود رخيص علشان جذي نستخدمه في البناء من الداخل لانه نحتاج كميات كبيره... واذا انت رجال كاش راهي حط كل البيت طابوق ابيض بس راح يكلفك وايد... وعلى فكره الطابوق الابيض يتحمل ضغط اكثر من الطابوق الاسود بكثير جدا مع انه خفيف جدا لاتستقرب...

مميزات الطابوق الابيض 1_ مقاوم للحراره
2_ عازل للصوت
3_مقاوم للضغط
وبلعكس بلصيف يكون البيت بارد لانه يحتفظ ببروده التكييف وبلشتاء يكون حاره لحتفاظه بسخونه التدفئه ...
واي استفسار انا حاضر عطني رساله على الخاص
 

طارق55

عضو نشط
التسجيل
13 أكتوبر 2008
المشاركات
397
السلام عليكم

الاخ قلم حر .. والاخ ابونواف

كلامكم والله صح .. وأنا أعرف هالامر ومتأكد منه .. لكن للاسف قعدت مع شخص بني بيته بالابيض يقول في الشتاء البيت ثلج وصقيع .. لان الطابوق الابيض يخزن البروده .. انا هنا في هذا الموضوع ابي الكل يحكي تجربته الشخصيه مع الاثنين .. الكل يقول شنو بني بيته وأشلون الحال بعد السكن .. وهل من نصائح عن تجربه ؟؟ شاكر لكم حسن التواصل ..
 

الشاطر

عضو نشط
التسجيل
20 يونيو 2004
المشاركات
1,489
ياخوي خلكمن كلام اخوك والناس الافضل طبعا الطابوق الابيض (الهيبل) بدون مقارنه... وفي البناء يستخدمونه للحوائط المعرضه للخارج وداخل البيت القواع الداخليه يعني الي بين الغرف والصالات تكون طابوق اسود تعرف ليش لانه الطابوق الاسود رخيص علشان جذي نستخدمه في البناء من الداخل لانه نحتاج كميات كبيره... واذا انت رجال كاش راهي حط كل البيت طابوق ابيض بس راح يكلفك وايد... وعلى فكره الطابوق الابيض يتحمل ضغط اكثر من الطابوق الاسود بكثير جدا مع انه خفيف جدا لاتستقرب...

مميزات الطابوق الابيض 1_ مقاوم للحراره
2_ عازل للصوت
3_مقاوم للضغط
وبلعكس بلصيف يكون البيت بارد لانه يحتفظ ببروده التكييف وبلشتاء يكون حاره لحتفاظه بسخونه التدفئه ...
واي استفسار انا حاضر عطني رساله على الخاص

مشاء الله عليك يابونواف كتب كل اللى باقوله

والله يوفقكم ببنيانك وعسى بيوتكم عامره
 

ku_ambassador

عضو نشط
التسجيل
13 أغسطس 2008
المشاركات
72
السلام عليكم أنا حبيت اشارك فى الموضوع بحسب خبرتى وتجربتى شوف أخوى الطابوق الأبيض ممتاز بس فى عيب واحد إن يسرى منه الصوت مثال على ذلك تسمع الصوت قوى عند تسكير الباب أو إذا جارك عنده تكسير فى بيته تسمع الصوت جنه عندك بس غيره كلشى تمام وعموما الطابوق ألبيض مايظبط إلا على السجما فقط تخف مشاكل الصوت شوى ولاكن بتسوى ميزاييك ولا حجر لا مو شى إهنى شنو ممكن تسوى فى طابوق أسود سندويش عند شركة المسيلة هذا بعد توب ما عليه كلام بس شوى غالى سعره ولا تركب طابوق اسود الصناعات 10 سم ثنتين وبينهم عازل حرارى غير هذا مافى شى زين آسف على الإطاله وأتمنى الإستفاده للجميع وتقبل تحياتى
 

SiLVeR_LiGhT

عضو نشط
التسجيل
20 مايو 2007
المشاركات
173
الإقامة
kuwait
السلام عليكم

عن تجربه الطابوق الابيض لا هو عازل للصوت و لا للحراره او كفاءته في العزل متدنيه فلذلك لازم تحط عازل معاه.
 

ku_ambassador

عضو نشط
التسجيل
13 أغسطس 2008
المشاركات
72
طابوق الصناعات الوطنيه الأبيض زين لاكن غيرة مو زين بس ما يعزل الصوت
 

al-jadi

موقوف
التسجيل
16 يناير 2009
المشاركات
373
اذا تبي الشي الزين؟
الابيض طبعاً لانه عازل للحراره والصوت

اذا بتوفر على نفسك؟
مضرب الشمس حطه ابيض لان الابيض مايدخل الشمس عليك ويصير مثل العازل لايدخل حراره ولا يطلع
وتعلم طريقه اذا بتعزل صوت بالطابوق العادي سوي طريقه الساندويتش يعني طابوق ضعيف اسود وبعدين فلين عادي وبعدها طابوق ضعيف اسود

ملاحظة: الاسود ثقيل على العمدان والاساس يعني لو ناوي تبني ادوار ثانيه خفف الوزن وخلي الابيض بكثره

والباجي حطه عادي

اذا محتاج اي شي بالبنيان وباسعار خاصه لك اتصل علي ولا تتردد
 

خير الكلام

عضو نشط
التسجيل
9 سبتمبر 2004
المشاركات
1,030
السلام عليكم

ان كنت تريد التوفير فلاحاجه قصوى للطابوق الابيض من الجهه الشرقيه واما عن عزله لحراره فهو ليس بذاك الجوده بالعزل وانما يساعد بتوفير الطاقه نعم لاباس من استخدام الطابوق الابيض مع العلم انه لم يكون بالسابق من مواصفات البيت الكويتي .
 

bug

عضو نشط
التسجيل
17 ديسمبر 2005
المشاركات
376
الابيض و لالزم جميع الاطوف الخارجيه مو بس الشماليه ف حالتك... تو كل على الله و اخذ ابيض شرط جميع الاطوف الخارجيه ولا ماكو فايده من العزل
 
الحالة
موضوع مغلق
أعلى