جشع واستغفال تجار العقار

الحالة
موضوع مغلق

NASSER-O

عضو نشط
التسجيل
9 سبتمبر 2007
المشاركات
113
ما ادري اذا حدث معاكم نفس هالشي من قبل
وهو انك تلقى محل للايجار بقيمة معينة ويطلب منك المالك ان
يسجل بالعقد قيمة اعلى , يعني - مثلا - يكون ايجار المحل 400 دينار
ويسجل المالك بالعقد ان القيمة الايجارية 500 او 550 دينار .
طبعا عشان اذا بغى يزيد عليك الايجار ولو بعد شهر او ثلاثة
يزيده ولا يرد عليك وبالطبع راح توافق لانك بالتاكيد تكون قد خسرت
على المحل ديكورات وتجهيزات وانعرفت بهالمكان و .. و ..


مع العلم ان قانون ايجار العقارات الكويتي مفصل لهم وحسب رغبتهم .
والتقاضي في ما يتعلق بذلك ايضا لصالح الملاك

وعشان - بعد - اذا بغى يبيع العقار يبين للمشتري قيمة الايجار العالية والوهمية طبعا ,
وهذا حرام وغش وسحت في البطون .

يحدث معي دائما هذا الموضوع ودائما ارفض الاستئجار بهذه الطريقة
لكن في ناس للاسف توافقهم هذه الطريقة
 

ابومهاوى

عضو نشط
التسجيل
28 يوليو 2005
المشاركات
581
لاحول ولاقوة إلا بالله



زين سويت أخوي .. هذا وأشكاله خلهم يولووون .



والله الغني وهو خير الرازقين .




ودمتم
 

الشاطر

عضو نشط
التسجيل
20 يونيو 2004
المشاركات
1,489
ما ادري اذا حدث معاكم نفس هالشي من قبل
وهو انك تلقى محل للايجار بقيمة معينة ويطلب منك المالك ان
يسجل بالعقد قيمة اعلى , يعني - مثلا - يكون ايجار المحل 400 دينار
ويسجل المالك بالعقد ان القيمة الايجارية 500 او 550 دينار .
طبعا عشان اذا بغى يزيد عليك الايجار ولو بعد شهر او ثلاثة
يزيده ولا يرد عليك وبالطبع راح توافق لانك بالتاكيد تكون قد خسرت
على المحل ديكورات وتجهيزات وانعرفت بهالمكان و .. و ..


مع العلم ان قانون ايجار العقارات الكويتي مفصل لهم وحسب رغبتهم .
والتقاضي في ما يتعلق بذلك ايضا لصالح الملاك

وعشان - بعد - اذا بغى يبيع العقار يبين للمشتري قيمة الايجار العالية والوهمية طبعا ,
وهذا حرام وغش وسحت في البطون .

يحدث معي دائما هذا الموضوع ودائما ارفض الاستئجار بهذه الطريقة
لكن في ناس للاسف توافقهم هذه الطريقة

على حسب نيه صاحب العقار

انا استخدم هذه الطريقه من 12 سنه واتفق مع المؤجر انى مأجرك بميتين وبالعقد 300 ومرات 350 اذا التزم وياى بالاجار 1 الشهر يدفع ميتين واذا تأخر او اصبح مؤذى بالسكن وبدى يسبب مشاكل الزمه انه يطلع او يلتزم بالاجار اللى بالعقد

صدقى ما ارتحنا الا بعد استخدام هالطريقه

واكثر اهل العقار بدوا يستخدمون هالطريقه الحين
 

NASSER-O

عضو نشط
التسجيل
9 سبتمبر 2007
المشاركات
113
لاحول ولاقوة إلا بالله



زين سويت أخوي .. هذا وأشكاله خلهم يولووون .



والله الغني وهو خير الرازقين .




ودمتم

شكراا لمرورك يا ليت العالم تلتتزم وتؤمن ان الله الغني وهو خير الرازقين
 

NASSER-O

عضو نشط
التسجيل
9 سبتمبر 2007
المشاركات
113
على حسب نيه صاحب العقار

انا استخدم هذه الطريقه من 12 سنه واتفق مع المؤجر انى مأجرك بميتين وبالعقد 300 ومرات 350 اذا التزم وياى بالاجار 1 الشهر يدفع ميتين

ان شاء الله ان نيتك سليمة وطيبة , لكن ليش يكون المستأجر تحت رحمة نيتك وفيه قانون يكفل لك حقك .

عزيزي الشاطر القانون كافل حقك وانت تعلم تماما ان المستاجر اذا تاخر عن تاريخ 20 بالشهر بامكانك مقاضاته واخلائه من العين المستاجره مع دفع المتاخر من الاجره .

واذا تأخر او اصبح مؤذى بالسكن وبدى يسبب مشاكل الزمه انه يطلع

ما ني فاهم شنو المشاكل اللي تقصدها لكن انا اعرف واظنك تعرف ايضا ان من حق المؤجر اخلاء المستاجر عند اتلاف او تغيير او استغلال العين لغير الغرض الذي اتفق عليه مع مطالبته باصلاح التلف


او يلتزم بالاجار اللى بالعقد
يا عزيزي
لا القانون يسمح وهذا يعتبر احتيال اذا اثبتت الحالة .
ولا الدين يسمح انا متاكد انه حرام واقرب ما يكون الى انه اكل لاموال الناس بالباطل.
( واسأل عالم اذا كنت تتحرى الرزق الحلال واحسبك - والله حسيبك - كذلك )

واكثر اهل العقار بدوا يستخدمون هالطريقه الحين
لا تنظر الى الهالك كيف هلك ......
 

ابن ضعيان

عضو نشط
التسجيل
11 مايو 2008
المشاركات
349
بعض التجار ما يرده عن أكل أموال الناس بالباطل إلا الموت الذي يريح العالم منه
 

BO NASER

عضو نشط
التسجيل
2 سبتمبر 2006
المشاركات
4,028
الإقامة
KUWAIT
الله يعطيك العافية على الموضوع المهم

الموضوع صار معاي بشقه مو محل !

أجار الشقه اللي ساكنها 280 وبالعقد 400

تبي تقول ليش وافقت ؟

الجواب : الحاجة !

صاحب العقار يسأل عن عدد الأطفال قبل السؤال عن الجنسية أو الوظيفه أو الدخل الشهري

وأهل الشقق يبون معاريس

وأهل الأدوار أما يطلب أجار غالي أو يريد عدد الأطفال لايتجاوز ال 3

مشكله كبيره للي ماعنده سكن في بيت أهله !

وبعد سنه ونص رفع الأيجار 50

الأجمالي 330

مع العلم أني ملتزم بالأيجار ومحافظ على السكن

والزياده بدون سابق أنذار كانت مع أقرار زيادة رواتب الموظفين ال 50 الأخيره والزيادة لاتشملني

والسبب أن العقد 400 موقع ومنتهي أمره !

وطلب الأسكان سنة 1997 وألحين 2009 تقريبا 12 سنة ولايوجد أي جديد

الله المستعان
 

قيس

عضو نشط
التسجيل
3 يوليو 2008
المشاركات
200
بس ابعرف شي ليش احنا نستخدم هالطريقة بينما في دول الخليج والدول الاخرى ماانشوفها هالطرق الملتوية
 

مساهم11

عضو نشط
التسجيل
29 سبتمبر 2008
المشاركات
2,233
الإقامة
الكويت
على حسب نيه صاحب العقار

انا استخدم هذه الطريقه من 12 سنه واتفق مع المؤجر انى مأجرك بميتين وبالعقد 300 ومرات 350 اذا التزم وياى بالاجار 1 الشهر يدفع ميتين واذا تأخر او اصبح مؤذى بالسكن وبدى يسبب مشاكل الزمه انه يطلع او يلتزم بالاجار اللى بالعقد

صدقى ما ارتحنا الا بعد استخدام هالطريقه

واكثر اهل العقار بدوا يستخدمون هالطريقه الحين

اخوي الشاطر
ترا هذي مو شطاره بارك الله فيك
هذا اسمه تحايل والظن السئ بالاخرين
يعني لو تأخر عليك بالايجار الي 2 او 3 او حتي 5 الشهر تجبره يدفع 350 دينار بشرع منو هذا ؟ وباي حق تاخذ الزياده
اسمح لي تصرفك سئ جدا ويجلب عليك غضب ربك وسخط السكان الي عندك
واتمني تتراجع عن هالتصرف وتخاف ربك ورزقك بيجيك


بالنسبه للكاتب وسؤاله
جشع التجار مستمد شغلتين اولا عدم الخوف من رب العالمين
ولا فيه قانون يردعهم ويلجم فتح بطونهم الجامحه

والله يكفينا الشر
انا الي مثل هذولا لا اتعاطي معه بالكلام نهائيا ولا اتعامل معه
 

الشاطر

عضو نشط
التسجيل
20 يونيو 2004
المشاركات
1,489
اخوي الشاطر
ترا هذي مو شطاره بارك الله فيك
هذا اسمه تحايل والظن السئ بالاخرين
يعني لو تأخر عليك بالايجار الي 2 او 3 او حتي 5 الشهر تجبره يدفع 350 دينار بشرع منو هذا ؟ وباي حق تاخذ الزياده
اسمح لي تصرفك سئ جدا ويجلب عليك غضب ربك وسخط السكان الي عندك
واتمني تتراجع عن هالتصرف وتخاف ربك ورزقك بيجيك


بالنسبه للكاتب وسؤاله
جشع التجار مستمد شغلتين اولا عدم الخوف من رب العالمين
ولا فيه قانون يردعهم ويلجم فتح بطونهم الجامحه

والله يكفينا الشر
انا الي مثل هذولا لا اتعاطي معه بالكلام نهائيا ولا اتعامل معه

انا قلت على حسب نيه صاحب العقار

انا لو بلعب بلعبت وبالقانون

لكن اخاف الله واعلم ان دعوة المظلوم ما بينها وبين الله حجاب

لما اضع هذا الشرط الجميع يلتزم بالاجار من ناحيه الاجار واللى ما يقدر اطوفله شهر وشهرين لين تتحسن ظروفه بس الصوره العامه امام المؤجرين الالتزام لانى انا بعد على التزامات

الشرط واضح وانا اخوك

لما يأجر عندك واحد على انه عائله وتكتشف انها صارت شقة دعاره عزكم الله لازم تطلعه

لما يأجر عندك واحد ويسبب ازعاج للمأجرين ما تقدر اطلعه بالقانون الا بعد سته شهور ومع وقت القضيه هذى سنه راحت عليك

الاخوان على نياتهم

ياجماعه انتم تتكلمون من واقعكم لكن واقع اصحاب العقارات غير

وطريق المحاكم اللى تتكلمون عنه كنه مفروش بالورد اليوم ترفع قضيه بكره تنحل

الله من مؤجرين قلتلهم اطلعوا والايجار اللى عليكم متنازل عنه اللى سبع اشهور واللى سته بس بشرط تطلعون هالشهر والحمد لله ما ارتحت الا من بعد ما رفعت الاجار بالعقد والانسان المضبوط ما ينخاف عليه
 
الحالة
موضوع مغلق
أعلى