الوطن

الموضوع في 'إستراحة المنتدى' بواسطة charismatic, بتاريخ ‏16 فبراير 2009.

حالة الموضوع:
مغلق
  1. charismatic

    charismatic عضو جديد

    التسجيل:
    ‏11 فبراير 2009
    المشاركات:
    5
    عدد الإعجابات:
    0
    مكان الإقامة:
    الكويت
    ضاعت الديرة ما بين تكتل و احزاب وناس ما همها الاالتفريق بالطائفية
    سنة و شيعة صاروا على كل باب بدو وحضر ما عندهم ابد مسؤولية
    خوفي يطلع لنا واحد توه شباب يفتي علينا بكيفه على كل مذهبية
    وما يصير اللي يصير بالبلد يا نواب ما عندكم الا هالدستور و الحرامية
    يعني انتوا حامين حمى كل باب وافعالكم مكشوفة لنا في كل ديوانية
    صرنا في مكانك سر يا اصحاب و الدول اسبقتنا وراحت للعالمية
    بس من يندهن سيركم يا نواب نشوفكم بالتلفاز بين صبح و امسية
    الناس مديونة مابين شايب و شاب والمراة تقول يا ويلي علي مديونية
    عيالي صغار ورجلي بالسجن ما تاب ويش اسوي حتى اكل لقمة هنية
    وهذا سفر ابوه للخارج ولا طاب على حسابه وتوهق معاه مولية
    طلع احسابه اكثر من القرض وخاب حسبته ضاعت يدور الثواب يومية
    وباسال النواب عن الوافدين والاغراب صاروا يحكمون الكويتي بكل عنجهية
    وبسال النواب عن سفرات الاقراب خمسة+ثنتين بل راحت الميزانية
    وكل يوم نسمع ونشوف عن استجواب انا اشهد ان انفسكم صارت دنية
    صار الكويتي يحس انه من الاغراب في ديرته غريب ولاعنده ابد هوية
    و ان تفكرت باللي صابه لو ما صاب يقول المجلس ذبحني و الحكومة الردية
    نعم هذا حالنا اليوم مثل ملح و ذاب نبوس خشم فلان وفلان بكل علانية
    و الديرة صارت كلها وزراء و نواب وعددنا ما تعدى من وعينا المليونية
    كل واحد يخطط بس يبوق و لا يهاب من الله ومن الايام اللي بتجي الشدادية
    و الدليل تاريخ مجلس الامة اليوم ينعاب كم واحد صار من اصحاب الراسمالية
    العالم بازمة والازمة عل كل باب ما ظن اسمعوا عن الازمة الاقتصادية
    والمشكلة مشكلة النفط بعد على الابواب وين القرارات و المشاريع التنموية
    خلاص بلغ السيل الزبى يا نواب اتقوا الله بالكويت حسوا بالمسؤولية
    الكويت مريضة وعلاجها صار سراب وين الحكومة مع المجلس بالخطة الخمسية
    وحكومتنا ما تقصر ابد مع الاضراب من يصير اضراب رخت و قالت ديمقراطية
    وجرايدنا كل يوم تكتب عن اسباب بوقات و التحريض عن الطائفية
    والجرح كبر ولاعمره ابد طاب ولاظني بيطيب الا بكلام الواقعية
    خلونا نقعد مع بعضنا يا شباب نحل مشاكلنا كلها بعقلانية
    وناس تضحك علينا من غير اسباب يلعن ابوها لقالولي ديمقراطية
    ملينا من الحكي و الحروف ملة يا نواب خايفة تطلع ويقولون عليها مديونية
     
  2. maha_Q8

    maha_Q8 عضو نشط

    التسجيل:
    ‏19 يونيو 2008
    المشاركات:
    4,537
    عدد الإعجابات:
    4
    مكان الإقامة:
    الكويت.. ((جبــله ))
    ضاعت الديرة ما بين تكتل و احزاب وناس ما همها الاالتفريق بالطائفية

    صــــــــــــح لســـــــــــــانك
     
  3. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    لا حول ولا قوة الا بالله
     
  4. Winchester SX3

    Winchester SX3 عضو مميز

    التسجيل:
    ‏4 يناير 2009
    المشاركات:
    7,923
    عدد الإعجابات:
    1
    مكان الإقامة:
    الكويت
    شهداء مجموعة المسيله:
    1 - سيد هادي علوي .. مدني .. القائد
    2 - يوسف خضير علي .. نقيب في الجيش
    3 - عامر فرج العنزي .. ملازم اول في الجيش
    4 - جاسم محمد علي .. مدني
    5 - مبارك علي صفر .. مدني
    6 - ابراهيم علي صفر .. مدني
    7 - عبدالله عبدالنبي مندني .. رئيس عرفاء في الداخليه
    8 - خليل خيرالله البلوشي .. مدني
    9 - خالد احمد الكندري .. مدني
    10- حسين علي رضا .. وكيل عريف في الداخليه
    11- محمد عثمان الشايع .. مدني
    12- بدر ناصر العيدان .. عريف في الداخليه

    هؤلاء شهداء بيت الشهيد بالقرين

    كلهم شيعه و سنه و بدو و حضر

    يخرب بيتكم ياللي تفرقون .. شنو هالعقليات الجديده الدنيئه الي دشت بين الكويتيين

    الله ياخذك ياللي ببالي :)
     
حالة الموضوع:
مغلق