عندي مشكلة مع الايجو 7.2

givara

عضو نشط
التسجيل
6 سبتمبر 2008
المشاركات
97
اخواني الاعزاء ... ارجو مساعدتكم في حل مشكلة وصلة الايجو التابعة لشركة زين

عندي وصلة ايجو 7.2 الوايرلس التابعة لشركة زين والمشكلة ان الوصلة تعمل بشكل جيد في مكان عملي في العارضية الصناعية وكذلك في المخيم على طريق السالمي في الشقايا ويصل التحميل فيها في هذه الاماكن الى سرعة 250 kb ولكنها تعمل بشكل بطئ جدا جدا جدا ومتقطع وسئ في المنزل في منطقة سلوى قطعة 5 مقابل بيت التمويل وحتى التصفح غالبا ما يكون ميت تماما. علما بان الوصلة هي نفسها واللابتوب نفسة في جميع الاماكن

المشكلة ليست في الضبط لانها تعمل في بعض المناطق جيدا .

اتصلت بالشركة وقالو بيدزون الدعم الفني خلال اسبوعين او اكثر.

انشلع قلبي من هالمشكلة وابي حل

ساعدوني ولكم الشكر
 

Dr-Q80

عضو نشط
التسجيل
30 سبتمبر 2007
المشاركات
1,131
الإقامة
الكويت
يعطيك العافية اخوي
بصراحة من الواضح ان مشكلتك تحتاج لقسم الشبكات بالشركة.. لانه المفروض يفحصون البرج اللي بجوار بيتكم يمكن يكون فيه خلل او التغطيه عندك ضعيف بسبب ما.
اول شي لازم تتصل على 107 و توضح لهم اللي قلته عشان يكتبون ملاحظه لقسم الشبكات.
طبعا هم عادة يوعدونك عب 4 ايام.. عشان يتصل فيك الدعم الفني .. و عادة يدق رنتين و ان ما رديت يكتب اتصلت بالعميل و لم يرد. و يعطونك طاف.
فلازم عقب 4 ايام ان ما اتصلوا فيك ترجع تدق عليهم. و ممكن تطلب المسئول المناوب في 107 و توضح له المشكله.
و راح يوعدك خلال يومين. و ان مرت اليومين و ما اتصلوا.. ارجع اتصل فيهم و حن علي راسهم.
و ان ما فاد.. روح اي فرع و سجل شكوى عند اي موظف ..شكوى يكتبونها عندهم بالكمبيوتر. و راح يقولونلك هذي اول مره تشتكي. و اتصالاتك في 107 لا تعتبر شكاوي.
بس ان كلموك احرص انهم يحولونك على موظف الشبكات اللي راح ياخذ عنوان بيتكم و يروح بنفسه يفحص المكان و يشوف قوة الخدمه عندك.
و الله يعينك على زين و سوء خدمة زين
اسالني انا حافظهم :)
 
التسجيل
10 فبراير 2009
المشاركات
10
قبل فتره كنت باخذ رواتر فيفا من ارض المعارض في مشرف
كان فيه شخص قالي انه عنده مثل مشكلتك ان الايقو تعبان في منطقته ( سلوى) وان شركة زين ما انفعوه في شي

الله يعينك
 

givara

عضو نشط
التسجيل
6 سبتمبر 2008
المشاركات
97
الاخ drq80>سويت كل اللي قلت عليه وقطوني بعد اسبوعين يمروني.
الاخ الترند الصاعد. والله عيب على شركة بهالكبر يكون هذي خدماتها
 

Dr-Q80

عضو نشط
التسجيل
30 سبتمبر 2007
المشاركات
1,131
الإقامة
الكويت
الاخ drq80>سويت كل اللي قلت عليه وقطوني بعد اسبوعين يمروني.
الاخ الترند الصاعد. والله عيب على شركة بهالكبر يكون هذي خدماتها

الله يكون بالعون اخي الكريم.
انا عانيت نفس معاناتك شهرين.. و المشكله لما تروح الفرع الرئيسي يسوون المستحيل انك ما تقابل مسؤول. كانه وزير. المهم انا اخذت الراوتر و رحت الرئيسي و قتلهم ردولي فلوسي. هني اتصلوا بمسؤول الشكاوي .. ينقاله النيباري..على ماظن حسين النيباري. و عقبها طرش لي واحد فني من الشبكات للبيت و اكتشف انه البرج اللي اشبك منه في منطقتي عطلان. صلحوه و اشتغل زين جم يوم.. و عقب ما جددت اشتراكي معاهم رد اخترب و ردت السرعه اسوأ من قبل.
المهم رحت لهم و الغيت الايجو و شريت راحة بالي .. بصراحة شركه تييب المرض و الضغط. طبعا طلبت تعويضي عن الفتره اللي فاتت محد عطاني ويه.
عقبها اشتركت بالوطنيه و انا وايد مرتاح معاهم.
بس نصيحتي لك اخوي انك تحاول تتسلف قطعة الوطنيه او فيفا اول و تجربها عندك ان كانت تغطيتهم زينه عندك توكل على الله و اشترك و لا منة شين.
 

maha_Q8

عضو نشط
التسجيل
19 يونيو 2008
المشاركات
4,537
الإقامة
الكويت.. ((جبــله ))
الله يكون بالعون اخي الكريم.
انا عانيت نفس معاناتك شهرين.. و المشكله لما تروح الفرع الرئيسي يسوون المستحيل انك ما تقابل مسؤول. كانه وزير. المهم انا اخذت الراوتر و رحت الرئيسي و قتلهم ردولي فلوسي. هني اتصلوا بمسؤول الشكاوي .. ينقاله النيباري..على ماظن حسين النيباري. و عقبها طرش لي واحد فني من الشبكات للبيت و اكتشف انه البرج اللي اشبك منه في منطقتي عطلان. صلحوه و اشتغل زين جم يوم.. و عقب ما جددت اشتراكي معاهم رد اخترب و ردت السرعه اسوأ من قبل.
المهم رحت لهم و الغيت الايجو و شريت راحة بالي .. بصراحة شركه تييب المرض و الضغط. طبعا طلبت تعويضي عن الفتره اللي فاتت محد عطاني ويه.
عقبها اشتركت بالوطنيه و انا وايد مرتاح معاهم.
بس نصيحتي لك اخوي انك تحاول تتسلف قطعة الوطنيه او فيفا اول و تجربها عندك ان كانت تغطيتهم زينه عندك توكل على الله و اشترك و لا منة شين.

اسمحوا لي بالمداخله
بالنسبه للايجو أنا جربت أشتراكه من زين وبأقل سرعه
وكان وايد زين وهذا كان بالشاليه ..
ولما رجعت البيت جربته مره ثانيه طلع بطيء جدا
والبعض يقول على حسب المنطقه السكنيه..
ومادرينا شنو السالفه .
 

zoya_y

عضو نشط
التسجيل
26 ديسمبر 2007
المشاركات
9,261
الإقامة
DREAM WORLD
الله يعينك ابوي
والله مادري شنو الحل ؟
 

ريّس نفسه

عضو نشط
التسجيل
17 يناير 2009
المشاركات
587
حتى لو مافي ابراج تقوية يمكم بس لا بد في حل ! خل يزيدون قوة

الارسال... وليش اسبوعين ؟؟؟ اسبوعين عشان يجيكون الشبكة !!

هذا زين ما قالك بيع بيتكم عشان ايقو
 
أعلى