كتاب تاريخ الكويت السياسي

[رجل_]

بسم الله الرحمن الرحيم

اخواني الكرام مطلوب كتاب قديم

اسمه (تاريخ الكويت السياسي) من تأليف حسين خلف الشيخ خزعل وهو عبارة عن خمس مجلدات يذكر فيها تاريخ الكويت التاريخي والجغرافي والاجتماعي والاقتصادي الخ

ياريت الي عنده وخاطره يبيعه يارسلني على الخاص بس شرط يكون بحاله جيده

كل الشكر لكم و موفقين انشاء الله

 

[الوحداني]

اشتره من البحرين
انا شاريه من هناك وبعدين ترا اهو ممنوع اهني )

 

[بورغد]

من وين بالبحرين ؟؟؟

ابي العنوان بالتفصيل ما عليك أمر

 

[كويتي ماركة]

اتوقع تحصله عند الاهوازيين

لان الشيخ خزعل اهوازي

واهم مهتمين وايد بتراثهم وتاريخهم

 

[الحريه وطن]

اي مكتبه بالبحرين؟

ياليت تدلونا

 

[dali]

تصحيح

اتوقع تحصله عند الاهوازيين

لان الشيخ خزعل اهوازي

واهم مهتمين وايد بتراثهم وتاريخهم

طال عمرك الشيخ خزعل بن جابر بن مرداو الكعبي العامري هو امير عربي من نجد وليس اهوازي بل حكم الاهواز وكان اميراً لها ..
فاللتاريخ اقول بأن الشيخ خزعل ليس اهوازي مع احترامي الشديد للاهوازيين لكن هذا تاريخ .. ويمكنك ان تطلع على كتب التاريخ وتعرف الحقيقة.
وبخصوص الكتب طال عمرك موجوده لكنها خارج الكويت ولا اعرف قد سمعت من احد الاخوان انها ممنوع دخولها البلد !! فلا اعرف كيف اجلبها لك

تحياتي

 

[رجل_]

مشكورين يا جماعة الخير على التوضيح

والنقاش الي صار

وعلى فكره كان ممنوع من فتره وبعدين ازالوا المنع عنه

ياريت الي عنده يقولي انا شراي

 

[abatchy007]

الكتاب الى اليوم ممنوع وتقدرون تشترونه من احد هالمواقع العربية المختصة في بيع الكتب

الموقع الاول
https://www.adabwafan.com/display/product.asp?id=10018

الموقع الثاني
http://www.neelwafurat.com/itempage.aspx?id=lbb90996-51312&search=books

 

[بوناصر العجيل]

والله كتاب جدا جيد
اباتشي مشكوور

في احد يقدر يطللب لنا ياه شباب

انا ابي واحد؟؟؟؟؟؟؟؟؟؟؟

 

[الاستوائي]

اخوي الكتاب عندي جايبه من لندن

وضايع منّه مجلد

 

[بو حسن22]

اخواني هالكتاب مو ممنوع وعلى فكره تلقونه بمكتبة بمجمع المثنى وواحد من الشباب قبل شهر ونص شاريه وهالكتاب قاعدين يدرسونه بكلية الحقوق

تقبلووو مروري ^_^

 

[Eng-Omar]

اخواني هالكتاب مو ممنوع وعلى فكره تلقونه بمكتبة بمجمع المثنى وواحد من الشباب قبل شهر ونص شاريه وهالكتاب قاعدين يدرسونه بكلية الحقوق

تقبلووو مروري ^_^

عدل كلامك اخوي

بس النسخه اللي اهني منقحه وشايلين منها اشياء وايد انا مقارنها مع النسخه الاصليه

واااااايد مغيرين فيه

حاذفين ومعدلين

 

[Jalazmi]

ابي واحد يا جماعه شلون ..؟

 

[ابو عيسى]

شباب جم عمر الكتاب ؟

 

[dali]

اظنة صدر في الستينيات ويحتوي على الكثير من الوثائق والمعلومات التاريخية

 

[fabulass]

أول مره اسمع انه ، بس شكلي باشتريه ....

شلون مصداقية الكتاب ياأخوان ؟

 

[Jalazmi]

يا جماعه نبي واحد شلون ..؟
منو يبي يروح البحرين ..؟

 

[رجل_]

الكتاب وايد وايد قيم وحلو معلومات قويه ومصداقيه عجيبه

والكتاب هذا مصدر لبقية الكتب الي تتكلم عن الكويت

 

[محيسن اللقلق]

أول مره اسمع انه ، بس شكلي باشتريه ....

شلون مصداقية الكتاب ياأخوان ؟

السلام عليكم ورحمة الله وبركاته ،،،

كتاب تاريخ الكويت السياسي لمؤلفه/ حسين خلف ابن الشيخ خزعل بن مرداو حاكم المحمرة آنذاك تم تأليفه سنة 1962م ... وهو يتكلم عن الكويت منذ نشأتها الى عهد الشيخ احمد الجابر ... وهو من امتع الكتب السياسية والتاريخية التي تكلمت عن الكويت بأسهاب وفيه الكثير من المعلومات القيمة عن الكويت ورجالاتها واحداثها التي لم يتطرق لها اي كاتب من قبل ... وبالنسبة لمصداقية الكتاب ارى ان حاله حال الكثير من كتب التاريخ التي تحمل بين دفتيها الكثير من المغالطات والكثير من الحقائق وان كان يؤخذ على الكاتب تحامله على البعض ( وفهم القارئ يكفي ) بسبب شعوره بالغبن اللي وقع على جده الشيخ خزعل من قبل حكام الكويت وعدم وقوفهم بجنبه بسبب محنته واسره ... كذلك يؤخذ عليه عدم تحريه لكثير من المعلومات المتعلقة بالكويت وسكانها ( طبعاً هالكلام بعد عدة نقاشات مع اكثر من دكتور تاريخ بجامعة الكويت )
وكذلك حسب ما سمعت انه كان يعتقد ان تأليفه لكتاب عن الكويت وتاريخها سوف تتبناه الحكومة ويكون مرجع من المراجع التاريخية للكويت فتم تجاهله واوكلت المهمة للدكتور / مصطفى ابو حاكمة ليكون مرجع من المراجع الرئيسية المعتمدة والذي اعتقد انه يدرّس حالياً لطلبة الجامعة .
وانا برأي الشخصي انه من افضل الكتب التاريخية المتعلقة بتاريخ بلادي بلا منازع ...
وعلى فكرة الكتاب يباع بمصر بمكتبة مدبولي الصغير وسعره ما يقارب ال 25 دينار ( الخمس اجزاء ) .

ملاحظة : الكتاب موجود في مكتبة جامعة الكويت بالشويخ لمن اراد الاطلاع عليه .
اتمنى ان اكون قدمت شي يفيدكم ...

موفقين ...​

 

[fabulass]

السلام عليكم ورحمة الله وبركاته ،،،

كتاب تاريخ الكويت السياسي لمؤلفه/ حسين خلف ابن الشيخ خزعل بن مرداو حاكم المحمرة آنذاك تم تأليفه سنة 1962م ... وهو يتكلم عن الكويت منذ نشأتها الى عهد الشيخ احمد الجابر ... وهو من امتع الكتب السياسية والتاريخية التي تكلمت عن الكويت بأسهاب وفيه الكثير من المعلومات القيمة عن الكويت ورجالاتها واحداثها التي لم يتطرق لها اي كاتب من قبل ... وبالنسبة لمصداقية الكتاب ارى ان حاله حال الكثير من كتب التاريخ التي تحمل بين دفتيها الكثير من المغالطات والكثير من الحقائق وان كان يؤخذ على الكاتب تحامله على البعض ( وفهم القارئ يكفي ) بسبب شعوره بالغبن اللي وقع على جده الشيخ خزعل من قبل حكام الكويت وعدم وقوفهم بجنبه بسبب محنته واسره ... كذلك يؤخذ عليه عدم تحريه لكثير من المعلومات المتعلقة بالكويت وسكانها ( طبعاً هالكلام بعد عدة نقاشات مع اكثر من دكتور تاريخ بجامعة الكويت )
وكذلك حسب ما سمعت انه كان يعتقد ان تأليفه لكتاب عن الكويت وتاريخها سوف تتبناه الحكومة ويكون مرجع من المراجع التاريخية للكويت فتم تجاهله واوكلت المهمة للدكتور / مصطفى ابو حاكمة ليكون مرجع من المراجع الرئيسية المعتمدة والذي اعتقد انه يدرّس حالياً لطلبة الجامعة .
وانا برأي الشخصي انه من افضل الكتب التاريخية المتعلقة بتاريخ بلادي بلا منازع ...
وعلى فكرة الكتاب يباع بمصر بمكتبة مدبولي الصغير وسعره ما يقارب ال 25 دينار ( الخمس اجزاء ) .

ملاحظة : الكتاب موجود في مكتبة جامعة الكويت بالشويخ لمن اراد الاطلاع عليه .
اتمنى ان اكون قدمت شي يفيدكم ...

موفقين ...​

مشكور على الافادة ما قصرت