عيب يا جماعه هدو و صلو عالنبي ما يصير هالكلام..!!

الموضوع في 'إستراحة المنتدى' بواسطة المزين, بتاريخ ‏19 فبراير 2009.

حالة الموضوع:
مغلق
  1. المزين

    المزين موقوف

    التسجيل:
    ‏27 يناير 2009
    المشاركات:
    173
    عدد الإعجابات:
    0
    بسم الله الرحمن الرحيم ،


    الصراحه أنا كاتب هالموضوع يعني مادري شقولكم بس حقيقه مستغرب كثير كثير ... انا على فكره كنت اتابع الموقع من زمان لكن كنت فقط متفرج ولا كنت مسجل و توني قبل فتره سجلت ،


    يعني ليش هالعداوه كلها صايرنا بيننا الكويتين بدوي و حضري و بالاخص شيعي و سني على شنو يا جماعه بالضبط ...


    يا أخي والله كلنا 900 ألف كويتي و هالكثر تفرقه بيننا و زعزعه على شنو يا جماعه الخير .... والله خوفي باجر لا سمح الله يصير علينا غزو مره ثانيه تلقانا كل واحد يهد الثاني و يوقف ضده ... وين ايام اول الكويت ايام الغزو مافي فرق لا بين السني و الشيعي ،،


    يعني انا حقيقه عندي من الربع و الجماعه شيعه يعني والله ناس جدا محترمين و ناس من ذهب والله ... ادخل هني يعني اشوف ان السني صاير عدو للشيعي و العكس ... ساعات افكر اقول لا يمكن مراهقه ولا يعني اطفال عارفله شويه كلام و يتكلم فيه ...


    لكن للأسف لاحظت انه في ناس كبار عيل شخلو لليهال .... والله عيب يا جماعه عيب ... و تشوف للأسف ناس متحيزه لفئه معينه ضد فئه أخرى ..ليش يا اخي تحط فكره عن نفسك او صوره سيئه ،،


    يجي الشيعي يقول عن السني هذا ارهابي و هذا ما يحب اهل الرسول و هذا تكفيري و كلام ماله نهايه ابدا ولا له داعي ، و انا اشوف شي ثاني تقعد مع جماعتنا و ربعنا تشوفهم شي ثاني ياخي ناس محترمين و طيبين و يخافون الله و من احسن ما يكون عيل وش له الكلام هذا ،،


    بالمثل يجي السني يقول للشيعي انت كافر و انت تعبد القبر و ما تعبد الله و انت مش عارف تلطم ولا تاكل تراب ولا انت ولد زنا و اليعاذ بالله ، يعني الفاظ مالها اي داعي ... يعني كلام ماله داعي و انا شخصيا اجلس مع اخواني و اصاحبي من مذهب الشيعه والله اشوف عكس ذلك ناس يصلون لله و يخافون ربهم ،،


    و بالنهايه تسأل الطرفين انتو تحبون الرسول يجاوبون بكثل ثقه و بدون اي تفكير نعم نحبه ... اذا تحبونه عيل ليش كل هاللويه و الدندره و المشاكل ؟؟ يا أخي انتو تحبون اشرف الخلق على الاقل تمثلو بأخلاقه ..!


    يعني للأسف المسأله ماخذه حساسيه كبيره بين الكويتين بهالجم سنه الاخيره .. يا جماعه قبل ما كنا بهالحال ،،


    كلنا نشهد ان لا إله إلا الله و ان محمد رسول الله ، عيل على شنو كل هالهواش و النجره ؟؟


    و للأسف موقع اليوتيوب بدال لا يحطون فيه شغلات طيبه و فيديوهات حلوه ، يجون يحطون فيديوهات طائفيه ، و للأسف كل واحد يطلع فيديو يكذب على الثاني ، و لمن تعايش الطرفين تعرف ان كل الكلام كذب و افتراءات مالها اي اساس من الصحه ..!!


    انا أقول والله يا اخواني هدو الوضع و كلنا مسلمين ما يحتاج شي اسمه (شيعي سني ) ، كلنا نحب بعض و كل واحد يحترم الاخر و معتقداته ، و يا اخي اذا انتي شايف شي غلط بالثاني روح كلمه بروحك و خله يوضح لك مو تجي تشهر بفئه معينه و اهم ما ارتكبو اي خطأ ،



    الحاصل هو ان كل فئه تقف ضد الفئه الاخرى لأسباب واهيه و فارغه والله ،،


    هذا الموضوع فقط لتصفية القلوب بينكم والله يشهد ، انا لا اريد ان اخلق و لو نصف فتنه والله ، فقط وضعت هذا الموضوع لكي نوحد ايادينا مع بعض بالاخص ككويتين كلنا عشنا على هالارض الطيبه ،


    و انا عارف انه يمكن المراقب يحذف الموضوع او يصكره ، لكن اتمنى ان يخلي الموضوع على الاقل يوم واحد فقط ، و اذا في اي رد يثير الفتنه خل يمسح الرد ، لأني بصراحه تعبت على الكتابه و هم خلونا نستفيد من الموضوع، نبي ردود من كل الاعضاء إلي بالمنتدى يردون رد طيب و نوحد ايادينا من كل عضو .... خلونا نحس اننا كلنا على قلب واحد يا جماعه الخير ،،


    و اتمنى من مراقبنا الكريم يخلي الموضوع على الاقل يوم او يومين ، و اذا في اي رد يثير الفتنه خل يمسحه ، حرام تصكر الموضع مراقبنا و تضيع تعبي و تخلي افاده الموضوع تروح بلاش ، و شكرا


    و السلام عليكم
     
  2. حمود الفشقه

    حمود الفشقه عضو نشط

    التسجيل:
    ‏12 أكتوبر 2008
    المشاركات:
    378
    عدد الإعجابات:
    1
    مكان الإقامة:
    فوق الأرض تحت السماء.
  3. المزين

    المزين موقوف

    التسجيل:
    ‏27 يناير 2009
    المشاركات:
    173
    عدد الإعجابات:
    0
    حذف من قبل المراقب
    Kuwait
     
  4. fabulass

    fabulass عضو جديد

    التسجيل:
    ‏17 أغسطس 2006
    المشاركات:
    2,011
    عدد الإعجابات:
    2
  5. المزين

    المزين موقوف

    التسجيل:
    ‏27 يناير 2009
    المشاركات:
    173
    عدد الإعجابات:
    0
    حذف من قبل المراقب
    Kuwait
     
حالة الموضوع:
مغلق