سكويا

[سردال]

تنصحون بجيب تويوتا الجديد

 

[مهم للغاية]

السعر في الساير الاحمدي - النوع فل اوبشن

14000دينار
هذا بالنسبة للكاش
بالنسبة للاقساط
المقدم 3000 دينار
الارباح 2255 دينار
الطلب 13255 دينار
القسط 225 دينار على 5 سنوات

وبصراحة الموتر مواصفاته اكثر من الممتازة

لو الموتر من داخل بحجم السوبربان جان من صيد امس شاريه بحول الله

لكنه كبر اليوكن بالضبط

ومواصفاته
محرك 8 سلندر حجم 5.7 لتر
5700 سي سي
جير عادي و اوتوماتيك تريبتونك
كشنات امامية تدفئة وتبريد
الكشنات الصف الثاني تدفئة ومتحركة
الكشنات الصف الثالث تنطوي بضغطة زر
فتحة
تحكم بالتكييف من السكان
تحكم بالمسجل من السكان
هيدروليك
شاشة شامله مع نافيجيشن + 13 سماعه
حجم خزان الوقود 100 لتر
ذاكرة كشنات
عدادات ليزر نفس اللكزس

صندوق تخزين خلفي (مخفي)

بصراحة السيارة وسيعه حق الصف الاول والثاني والثالث يعني محد يتضايق من ناحية الركاب

لكن مساحة الامتعه شوي صغيره

واعتقد ان هالسيارة هي افضل من اللاندكروزر من ناحية المواصفات والحجم والسعر

لكن يظل السعر فوق المعدل كونها تصنيع امريكا

 

[بو عبداللطيف88]

وايد غالي

او نصيحة وخر عن اول موديل لازم يطلع في خرابات

او نصيحة ثانية وخر عن الساير رووح بعيد والله نصيحة

 

[MR ALMAS]

وعلي فكر شباب ما فيه دبل

 

[مهم للغاية]

وعلي فكر شباب ما فيه دبل

والله كلامك صحيح

انا راجعت الكتلوج اللي موزعينه وطلع ماكو دبل شلون جذي؟؟

اخاف دفع رباعي مستمر ؟؟

وحتى لو ..... مو شي .... جيب وماكو دبل


بصراحة تغيرت نظرتي له

 

[TRADING]

موتر بكل امانة روعة وقمة الابداع الامريكي الياباني

جربته بالقيادة (العضيد اخذ كامل المواصفات) وبصراحة قيادة خيال - مواصفاته عجيبة
يمكن موضوع الدبة شوي كونها صغيرة بحالة فتح الكراسي الخلفية
للعلم الكراسي الخلفية الاخيرة كهربائية و تنام بشكل مسطح تماما هي والكراسي الخلفية من القيادة مباشرة كذلك يعني تقدر تسوي الخلفية كلها مسطحة تماما حسب الحاجة بس اذا عندك اكثر من 4 ركاب 5 او 6 وبتسافر يعني تحتاج لك سلة حق الجناط
الدبة هيدرولك تفتح وتسكر بالزر مع سنسرات سيفتي لاي عائق - هيدرولك عام للسيارة يرفعها وينزلها حسب الرغبة

حكمي عليها من تجربتي لها ان السيارة تستاهل من يتعب عليها لاني اشوف انها تحفة فنية وعسي الله يبارك لمن اخذها واختيار جدا موفق وبصراحة متميزة جدا ما شاء الله تبارك الرحمن

 

[al3mree]

الموتر ممتاز ولكن عندي بعض الملاحظات الرئيسية علية (بصراحة كنت ناوي اشترية بس ردتني هالملاحظات):
1- ان الكشن الثاني جاي نظام منفصل (جنة فان) يعني بس يشيل اثنين.
2- ما فيه دبل.
3- موديل جديد (ما بينة عيوبة).
4- قال لي البياع بالوكالة ان الشركة ناوية تعدل فية ب 2010.
5- سعره مازال مرتفع (مع ان الاحوال الاقتصادية العالمية صعبة مازالوا ربعنا عايشين وكان الامور ما تهمهم لذلك نقولهم خلها تصدي).

 

[hamed_zd]

اخوي نزل هالموديل من قبل بامريكا
وياليت تشوف الامريكي مواصفاته افضل من الساير وان ماخاب ظني اعتقد فيه موديل يجي دبل
وقيمته ممتازة بامريكا دام صناعته امريكية