عشان ما تنضربش علي قفاك ( مقتطفات من كتاب مصري )

الموضوع في 'إستراحة المنتدى' بواسطة fabulass, بتاريخ ‏19 فبراير 2009.

  1. fabulass

    fabulass عضو جديد

    التسجيل:
    ‏17 أغسطس 2006
    المشاركات:
    2,011
    عدد الإعجابات:
    2
    بأسلوب بسيط وبطريقة السؤال والجواب، كتب ضابط الشرطة السابق العقيد عمر عفيفى كتاب: عشان ماتنضربش على قفاك، فى سبيل توعية المواطنين بحدود تعاملات رجل الشرطة مع المواطن، من حيث سلطات الشرطى فى تفتيش المنازل والاشخاص والسيارات، وحقه فى الاطلاع على الهوية، وغير ذلك. وماأن طرح الكتاب حتى صادرته وزارة الداخلية المصرية.. وبعد مطارادت امنية لعفيفى، قرر مغادرة البلاد الى الولايات المتحدة
    و"عشان ما تنضربش على قفاك".. ننشر مقتطفات من هذا الكتاب
    *******
    س: لو كان في البيت اللى بيتفتش مكاتيب أو أظرف مختومة ومقفولة هل من حق الشرطة فتحها وتفتيشها؟
    ج: لو كان في البيت اللى بيتفتش أوراق مختومة ومقفولة بأي طريقة مش من حقهم فتحها وتفتيشها
    س: من حق اللي بيفتش إنه يقطع المراتب والمخدات عشان يفتش جواها؟
    ج: لو كان اللي جاي بيدور على حاجات مينفعش بالعقل إنها تكون في المراتب والمخدات يبقى مش من حقه ده.. زى إنه يكون جاى يفتش على مواشي مسروقة
    س: أعمل إيه لو كان في بيتي فلوس أو دهب وخايف تضيع وقت التفتيش؟
    ج: تبلغ الظابط اللي بيفتش إن عندك فلوس ودهب وحاجات غالية وخايف عليها وممكن تسلمهاله في إيده قبل التفتيش علشان يسلمهالك تاني بعد التفتيش لو كانت ملهاش علاقة بالشيء اللي مطلوب التفتيش عنه
    *******
    س: أعمل إيه لو اكتشفت بعد التفتيش إن فيه حاجات غالية اختفت من البيت؟
    ج: تنزل تقابل مأمور القسم وتحكي له عن الموضوع وتصمم تعمل محضر في القسم بالحاجات اللي اختفت وتعمل شكوى لمفتش الداخلية فوراً
    س: هل من حق اللى بيفتش يكسّر العفش وهو بيفتش البيت؟
    ج: مش من حق حد يكسر أي عفش في البيت، ولو كسروا أى حاجة في بيتك يبقوا ارتكبوا جريمة إتلاف، ومن حقك تعمل لهم محضر إتلاف وتطلب النجدة تعاين الحاجات اللي أتلفوها بدون سبب
    س: هل من حق اللي بيفتش يخدني ع القسم لو فتش وملقاش أي حاجة ممنوعة؟
    ج: مش من حقه يخدك القسم طالما ملقاش عندك أي ممنوعات أو أي حاجة تعتبر جريمة
    *******
    س: إزاي بيتم التفتيش الذاتي وبيفتشوا إيه بالظبط؟
    ج: بيقوموا بتفتيش جسم المتهم وهدومه والشنط اللي شايلها والحاجات اللي بيستعملها، زي عربيته الخاصة ومحله أو مكتبه الخاص
    س: أعمل إيه لو كنت ماشي في الشارع ومخبر من المباحث أو مندوب شرطة أو عسكري قاللي إنت مشتبه فيه وعاوز أفتشك أو قاللي طلع اللي في جيوبك؟
    ج: المخبر أو المندوب أو العسكرى من حقه إنه يطلب بطاقتك فقط لو كنت حطيت نفسك بمزاجك في موقف شك وريبة
    س: أعمل إيه لو كنت ماشي بالليل وكان فيه لجنة وفيها ظابط وقفني وطلب بطاقتي وحاول يفتشني بنفسه أو حد من القوة اللى معاه؟
    ج: من حقهم يشوفوا بطاقتك فقط، وارفض إن حد يفتشك، وكلمهم بكل حسم ورجولة وثقة، وعرّفهم إنك عارف حقوقك كويس، ومش من حق حد يفتشك بدون إذن من النيابة أو المحكمة أو من غير سبب طالما مفيش عليك حكم ولا طالعلك إذن تفتيش ولا ممسوك متلبس بجريمة
    *******
    س: تعمل إيه الشرطة لو المتهم بلع حاجة اثناء التفتيش؟
    ج: لازم تعرضه على طبيب مختص وهو اللي يثبت إذا كان بلع حاجة ممنوعة.. مخدرات مثلا.. ولا لأ، بعد ما يعملوا له غسيل معدة في مستشفى حكومي
    س: تعمل إيه الشرطة لو كان المتهم مخبي ممنوعات في مكان حساس من جسمه؟
    ج: لازم الشرطة تعرضه على طبيب شرعي
    س: أعمل إيه لو كان طالع لي إذن تفتيش وطلبوا مني أقلع هدومى الداخلية؟
    ج: ترفض لأن مش من حق الشرطة تقلعك هدومك لأن ده يعتبر هتك لعرضك، ولازم تثبته وتعمل بيه محضر، وحاول يكون معاك شهود على اللي حصلك
    *******
    س: ولو اللى هايتفتش واحدة ست؟
    ج: لازم اللي تفتشها أنثى زيها يندبها الظابط أو النيابة أو المحكمة.. مش شرط اللى تفتش الأنثى تكون ضابطة شرطة.. ممكن دكتورة أو ممرضة.. يمكن تفتيش الأنثى أمام الضابط لكن بدون خلع الهدوم
    س: ممكن الظابط يندب دكتور راجل من المستشفى علشان يفتش أنثى؟
    ج: يكون إجراء باطلاً لأنه لازم اللى يفتش الأنثى تكون أنثى زيها مش راجل مهما كان الوضع
    س: هل من حق الظابط يفتش شنطتها بنفسه؟
    ج: من حق الظابط يفتش شنطتها ويفتحها لو كان معاه أمر بالتفتيش أو كانت متلبسة بجناية أو بجنحة عقوبتها أكثر من 3 شهور حبس، ولو لقى فيها أى ممنوعات أو أى حاجة حيازتها تعتبر جريمة يعملها قضية ويكون إجراؤه سليماً
    *******
    س: ولو كانت الأنثى ماسكة حاجه في إيدها من حقه يأمرها إنها تفتح إيدها ويظبط اللى جواها؟
    ج: من حق الظابط يأمرها بفتح إديها، ومن حقه يفتح إيدها بالقوة بنفسه لو رفضت تفتح إيدها بمزاجها، ولو لقى فيها أى ممنوعات يعمل لها قضية لكن مش من حقه يفتشها تفتيش ذاتي أو يفتش جسمها أو يقلعها هدومها
    س: أعمل إيه لو الظابط أو الأمين فتش مراتى غصب عنى وعنها بالعافيه في أماكن حساسة من جسمها تمس الشرف والحياء؟
    ج: لازم تعملّه محضر هتك عرض ويكون معاك شهود ويتحبس الظابط أو الأمين بتهمة هتك عرض أنثى علاوة على إن أى حاجة هيلاقيها ملهاش أى قيمة لأن الإجراء اللى قام بيه بتفتيشه لأنثي باطل من أساسه وأى دليل ناتج من إجراء باطل يكون باطلاً
    س: تعمل إيه الشرطة لو كانت الأنثى مخبية أى ممنوعات جوه جسمها في مكان حساس؟
    ج: مش من حق أى حد من الشرطة يخرج ممنوعات من جوه جسمها أو يلمس جسمها من أساسه لكن من حقهم يرسلوها لطبيب فى أى مستشفى حكومي ويقوم الدكتور بإخراج الممنوعات بنفسه بصفته خبيراً .

    منقول
     
  2. AutoCad

    AutoCad عضو نشط

    التسجيل:
    ‏31 ديسمبر 2006
    المشاركات:
    625
    عدد الإعجابات:
    1
    هذا الضابط حالياً خارج مصر لأنه مهدد بالقتل والكتاب تصادر من السوق بس موجود على النت اكتب في القوقل عشان ماتنضربش على قفاك تلقى الكتاب موجود كامل وجاهز للتنزيل

    [​IMG]


    في النت في أخبار عن المؤلف وعن تعرضه للخطر في مصر وهذا مثال :


    كشفت صحيفة مصرية أن العقيد عمر عفيفي الضابط السابق بالشرطة، ومؤلف كتاب "عشان ما تنضربش على قفاك" هرب إلى الولايات المتحدة، بعد تعرضه لمضايقات ومطاردات أمنية.

    وقالت يومية "الدستور" المصرية (المعروفة بانتقاداتها الشديدة للنظام المصري) اليوم الأحد إن الضابط السابق عمر عفيفي مؤلف كتاب (عشان ما تنضربش على قفاك) هرب إلى الولايات المتحدة، بعد تعرضه لمضايقات ومطاردات أمنية وصلت إلي حد مداهمة منزله بفرقة كاملة من الشرطة المصرية، وتتبع خطواته في أي مكان يذهب إليه من قوات مباحث أمن الدولة.


    وقبيل سفره إلى نيويورك صباح أمس السبت قال عفيفي لصحيفة (الدستور) إنه: "في طريقه للسفر إلى أمريكا بعد أن تلقى تحذيرات مؤكدة من بعض أصدقائه من قيادات الداخلية تفيد بأنه صدر فيما يشبه التوصيات التي اتخذت لهجة القرار بضرورة التنكيل به وعدم تركه في راحة.

    مطاردات مستمرة

    ولفتت الصحيفة المصرية إلى أنها تأكدت من وصول العقيد عفيفي إلى نيويورك عبر اتصال هاتفي معه ظهر أمس السبت، وذكرت أن "منزل عفيفي بحي الدقي تعرض في غيابه إلى مداهمة وتفتيش من قبل فرقة كاملة تابعة لأمن الدولة".

    وفي هذا السياق أوضح عفيفي للصحيفة أنه: "خلال الأسبوع الماضي ظلت سيارتان ملاكي تطارداني أينما ذهبت.. إحداهما سيارة موديل فيات 128 بيضاء اللون.. تحمل أرقام 147978 ملاكي جيزة، والأخرى تحمل أرقام 14010، بالإضافة إلى دراجة بخارية".

    واعتبر عفيفي أن وزارة الداخلية "قد توحشت وأصبح أسهل شيء بالنسبة لها التخلص من الخصوم، إما بالاعتقال أو القتل؛ ولذلك فالخروج من مصر هو الحل الوحيد".

    وناشد عفيفي زملاءه وأصدقاءه وقراءه من خلال الصحيفة "عدم اعتباره هاربا تقديرا للظروف الإنسانية التي عاشها خلال الأيام الأخيرة"، وقال إنه ترك أولاده الخمسة وزوجته في شقته بالدقي، ولم يستطع اصطحابهم معه، مشيرا إلى أن الظروف خدمته بسبب وجود تأشيرة زيارة قديمة للولايات المتحدة لم تنته بعد.

    ثأر شخصي

    وفي اتصاله الهاتفي الأخير بـ"الدستور" اعتبر عفيفي أنا ما حدث ضده من قبل سلطات الأمن المصرية يمثل "ثأرا شخصيا بينه وبين وزارة الداخلية".

    وكان عفيفي قد تقدم ببلاغ يوم 9-4-2008، للنائب العام المستشار عبد المجيد محمود، ضد وزير الداخلية ورئيس مباحث أمن الدولة ورئيس مباحث المصنفات، وذلك احتجاجاً على مصادرة كتابه من مكتبات عديدة دون وجه حق أو سبب، بحسب صحيفة "المصري اليوم".

    وأكد عفيفي في البلاغ الذي يحمل رقم 6668/2008 أن الكتاب بمجرد تداوله بالمكتبات نفدت منه 50 ألف نسخة خلال 10 أيام، ولديه تعاقدات بـ300 ألف نسخة، مشيراً إلى أن ما حدث يعد "إساءة لسمعة مصر في الداخل والخارج، كما يمثل إساءة للنظام نفسه، فالكتاب مسجل رسميًّا بدار الكتاب برقم 7088".

    مضمون الكتاب

    وعن مضمون كتابه المثير للجدل قال عفيفي، في تصريحات صحفية الخميس 10-4-2008: إن كتابه "يوجه المواطنين المصريين لكيفية التعامل مع كمائن الشرطة، وأساليب التفتيش وأوامر الاعتقال، والضوابط الخاصة بتفتيش النساء".

    وأكد أنه "وظف خبرته الطويلة في الشرطة وعمله الحالي في مجال حقوق الإنسان لتأليف الكتاب وتقديمه للمواطن البسيط لكي يعرف حقوقه في المجالات الشرطية المختلفة".

    وفي هذا السياق شدد على أن خبرته وطول فترة عمله في الوزارة، كانا دافعا له لإصدار كتاب في صيغة سؤال وجواب يشرح فيه للمواطن البسيط حقوقه وواجباته، ويعرفه بمصطلحات كثيرة يجهلها مثل الفرق بين التحري والكمين وإذن التفتيش، ومن يجوز له تفتيش سيارته أو زوجته تفتيشا ذاتيا، وكيف يمكن للمواطن أن يشكو ضابطا عذبه أو لَّفق له تهمة.

    يشار إلى أن عفيفي تدرج من العمل كضابط في مباحث المخدرات ومكافحة جرائم النشل والأمن المركزي والمرور، إلى أن أصبح مأمورا لأحد السجون، في رحلة طويلة استغرقت 20 سنة من العمل في وزارة الداخلية، وانتهى الأمر بتقديمه طلب إحالة إلى المعاش بسبب إصابة عمل.



    والسلام
     
  3. fabulass

    fabulass عضو جديد

    التسجيل:
    ‏17 أغسطس 2006
    المشاركات:
    2,011
    عدد الإعجابات:
    2
  4. sahs3x

    sahs3x عضو جديد

    التسجيل:
    ‏16 يونيو 2008
    المشاركات:
    37
    عدد الإعجابات:
    0
  5. fabulass

    fabulass عضو جديد

    التسجيل:
    ‏17 أغسطس 2006
    المشاركات:
    2,011
    عدد الإعجابات:
    2
  6. q82007

    q82007 عضو نشط

    التسجيل:
    ‏21 مايو 2008
    المشاركات:
    569
    عدد الإعجابات:
    0
    شكرا لصاحب الموضوع وللمشاركين ماقصرتوا
     
  7. fabulass

    fabulass عضو جديد

    التسجيل:
    ‏17 أغسطس 2006
    المشاركات:
    2,011
    عدد الإعجابات:
    2