يا جماعة هذا السهم اذا تعدى 31 $ ترى فيه خير كثير ان شاء الله ... لأن أول مقاومة له بعد هذا الرقم هي 41 $ و الله أعلم
لحظة ... انتباه ... المقاومة 41 $ تراها قبل التقسيم يعني قبل السبلت ... بس نبي العطار أو وسيم أو احد الشباب يقول لنا وش المقاومات الجاية ...
ياحيالله عروستنا ابي اعرف اختيارج للسهم هذا قبل الزواج ولا بعده ؟ :d الله يوفقج يادانتنا وانا نقزت على سهمج هذا ومادريت بموضوعج فالعذر والسموحه ياعروس المؤشر التحليل كالتالي المقاومات 1- 30 2- 30.25 3- 30.50 4- 30.75 5- 31 , مثل ماقلتي وبعدها انشاءلله يصعد الى 34 وحتمال اكثر شوي وتوقع يسويها بيوم واحد ! الدعم الحالي وهو المهم جــــــــداً وهو 29 اذا كسره السهم يرجع الى 26 ويمكن تحته شوي على العموم خلينا نتابعه يالعروس ويبين طيبه جان ناوي يعدي 31 ولا يطخ ويرجع تحت ----- الدانه هل عندج علم في اخبار هذا السهم .؟ وشنو محتوى الخبر ؟
خلونا نكون دقيقين اكثر في دعم نسيته وهو 29.50 وحالياً السهم كسره وهو متجه في اعتقادي الى 29.30 وبعده في دعم 29.10 وآخر الاحلام لنا هو الدعم الرئيسي 29 نشوف فعله باجر انشاءالله
لا ياقلبي الهدف 34 اليوم انشاءالله بس جرحني بصراحه من امس وانا اهوجس فيه وماخذته اخذه حلوه الحين بعزز بال31.60 وحطيت على 31.65 ولا شرولي الله يرزقنا منه الدعاء يالربع :d
هدف هذا السهم هو 32.5 وهي الفاصل والحكم اذا كسرها خل نشوف طريجه خط الدعم الضروري هو 29.7 وممكن مثل ماقال مشعل 29.5 بالتوفيج ان شاء الله اشوفكم مليونيريه وتسلف منكم براهاوه :d تحياتي
بومحمد واضح اني حللت السهم على السريع انا حسبتها على شارت 10 وهدف 10 توافق مع مقاومة الديلي حتى لو كانت ضعيفه بس الشارت الي حطته اوضح وان شاء الله الى اهدافكم يارب تحياتي
ابو محمــــــــــــــــــــــــد انت ماتدري شسويـــــــــــت فيني بغيد اقولك عطني رقمك ادق عليك انا اثق فيك اكثر من نفسي لأنك استاذي وكل يوم اتعلم منك الحين امري على 32.40 توقعت تحليلي غلط وانا حاط كميه كبيره علساس اطلع نهايت السوق بس الحين ابيك تحددلي نقطة البيع قبل نهايت السوق توقع هدفي يصله ؟ انا الاحظ السهم ارتفاعه كبير اليوم يعني ماعتقد اليوم يواصل اكثر ابي رايك
هلا بومحمد اتشرف في مكالمتك ياطويل العمر شوف السهم اذا تعدى 31.90 ان شاء الله في خير في حالة كسر 31.48 اتصور ماهيته نزول اليوم انا اتصور الحين متجه الى31.82 تقريبا اذا اليوم صمد فوق 31.48 اتصور باجر ممكن يكون صعود فوق 32 يمكن الى 32.20 بس انت استاذ ومتابع السهم اكثر مني يعني اتعرف شنو ناوي عليه عدل واكثر مني تحياتي
مبروووووووووووووووووك 33 $ وش رايك في كيكة حفلة الخطوبة ... ها يالعطار عطيناك سهم طياري قبل ما تعطيه زوجي ...هههههههه
