انتقام كمال السلطان

[عامر]

بتحليل بسيط اللي حصل اليوم في السوق هو مجر د انتقام من اللعين كمال السلطان........ يعرض السهم بالحد الادنى اليوم وغدا لتتفسخ المخازن على سعر 1360 ويستمر عرضه للسهم بالحد الادنى شيئا فشئا حتى ينال الملايين التي يطالب فيها من الشركة في محاولة للي ذراع الشركة وهذا كله على حساب البسطاء والمتقاعدين وممن جمعوا تحويشة العمر ليضعوها في سهم تتقاذفه الصراعات العائلية ....
لن يقوم للسهم قائمة طالما كمال في مجلس الادارة ...
نصيحة اذا فلوسك كاش نام عليهم ولا تبيع ...
بط جبودهم

شعار كمال الان ........" علي وعلى أعدائي" :

 

[المهذب جداً]

.


لو نزلت قيمة سهم شركة المخازن :

1) - ماذا سيستفيد كمال السلطان؟

2) - وهل هذا سيؤثر الشركة ؟ والله لو صارت قيمة السهم 10 فلوس ؛ ماراح تتأثر الشركة!


.

 

[شراره]

أنا الصراحه باجر راح أعرض الل جم سهم اللي أملكهم بالحد الادني وأرد أخذه لمه يثبت السهم


عصفور باليد ولاعشره على الشجره وحول فلوسك كاش أبرك لك على الاقل تروح تعوض خسارتك بسهم ثاني على ماتزول المشكله


أفضل مما أنزل مع السهم كل يوم 100 فلس وأنا قاعد أتفرج عليه وأتحسر

 

[المهذب جداً]

.


لللللللللللللللللللللللللللللللللللللللللللللللللللللللللللللللللللللللللللللللللللللللللا


يا شرارة


لازم الكل يمسك السهم حتى تزول المشكلة مثل ما قال عامر.

لو الكل يبي يبيع ======> مصيبة

الكبارية يبون جذي

.

 

[يوسف غضنفري]

السهم يمرض بس ما يموت

 

[شراره]

خلاص ماراح أعرض بس أذا صار عرض بدون طلب منو يعوضني الخساره ؟؟

 

[يوسف غضنفري]

اخي العزيز شراره

لو انا شاري صندوق طماطم ومو لاقي احد شتريه والسعر قام ينزل ابيعه بارخص الاسعار حتى لو بخسارة لانه بالتالي راح يفسد ...

السهم اللي تشتريه .. انت شاريه عشان تربح من وراه .. واذا نزلت قيمة السهم ما راح يفسد .. وبامكانك الانتظار لحين صعوده ... مثل ما نزل راح يصعد .. ومثل ما صعد راح ينزل .. السهم دائما في حركة ديناميكية يتحرك اما للأعلى او للأسفل وهكذا .. واحنا دائما نبي نشوف السعر بالاخضر يعني صاعد ... وهذه النظرة مشروعة .. لكن هذه طبيعة الاسهم ..

اذا انت محتاج للسيوله بيع بقدر الحاجة .. واذا فيك صبر وطول البال انتظر

والله يعوضك على الخسارة ... واهم شي صحتك وعافيتك

 

[ابى0لقمه]

مالكم شغل انا راح اطلعكم من المشكله الى حطكم فيها كمال السطان اهو راح يبيع بالحد الادنى باجر خله يبيع على راحته انا بنهايه الدوام الساعه 14و12 دقيقه ظهر راح اطلب 2500 سهم حد اعلى وخليه يصكر على سعرى انا

 

[طويل البال]

مالكم شغل انا راح اطلعكم من المشكله الى حطكم فيها كمال السطان اهو راح يبيع بالحد الادنى باجر خله يبيع على راحته انا بنهايه الدوام الساعه 14و12 دقيقه ظهر راح اطلب 2500 سهم حد اعلى وخليه يصكر على سعرى انا

أنا أحب هالتفكير للقاعدة : المسايرة العكسية.

 

[المستشار 2]

لا تبيعون بطوا جبودهم
والله هذة لعبة بين كمال السلطان وعيال اخو جميل وربعة
هم يبونكم تبيعون والله يبونكم تبيعون علشان هم الي يلمون

عيل بالله عليكم منو يعرض 3 ملايين سهم اليوم في اول ثانية بالحد الادني ؟؟

لا تغركم كثرة طلبات البيع لانها كلها من شخص واحد ( كمال وربعة)
يامة سووها من قبل ( هم يكسبون رزقم علي الغش والخداع) هذة طريقتهم
ومثل ما قلت وراح اكررها بعد والله يا ناس حرام هلشركات القوية والممتازة طايحة في ايادي مرتزقة وحرامية
لو تدش عليهم مجموعة ثانية علي السهم وتنافسهم علي مجلس الادارة راح يتغير الشي الكثير

علي العموم تري ارباح المخازن بالنصف الاول تقريبا من 90-100 فلس وسعرها حق الي راح يشترية غدا بالحد الادني 1.620 تطلع علية مفصحة 1.300 يعني بالله 1.300 مو بلاش علي شركة ارباحها 100 فلس لا وكلها تشغيلية 100%
عاد انتوا حسبوها وفهموها
نصيحة لا تبيعون برخيص حق هلمرتزقة

 

[الريان]

اللي يبيع على سعر 1.620 خسران ولا راح يقدر يعوض

والسبب خط الدعم القوي عند 1.500


والسهم راح يسكر باجر اخر يوم قبل الجمعيه العموميه