شنو أحلى عطر رجالى ونسائى ؟

[فضل]

ارغب بشراء عطرين رجالى ونسائى بشرط ما تكون شرقيه

ومهما كان سعره

بس يكون اصلى

ونبى نصيحتكم يا اهل المنتدى

ومشكورين

 

[Fayez_]

السلام عليكم
بوغازي الناس اذواق
وانا احب ارمني وسبورت

 

[abo-retaaj]

جرب عطر كريد الفضي او الابيض وادعيلي

وبالنسبه للنسائي عطر ميد نايت رين

 

[عاشق كاكا]

عطر نسائي أنصحك بعطر ستيلا
او بعطر فيرزاتشي كريستال

والناس اذواق يالغلا

 

[فارس القيروان]

في عطر عند فافوم اللي بالافنيوز من جورجو ارماني قيمته 70 روعه هالعطر رجالي

 

[zoya_y]

نســـائي
بلا منازع
chloe سعره 32 د
برايفت كولكشن اب 108
رجالي
كريد الابيض

 

[بونواف]

ارغب بشراء عطرين رجالى ونسائى بشرط ما تكون شرقيه

ومهما كان سعره

بس يكون اصلى

ونبى نصيحتكم يا اهل المنتدى

ومشكورين

اخوي اذا مايهمك السعر انا شريت عطر نسائى اسمه توم فورد 30ملي يعتبر اغلى عطر بلعالم وشاريه من باريس وفاتورته معاي وكانو مسوين عليه خصم 30بلميه شريته تقريبا200دينار وسعره بلكويت اكثر من250دينار وبصراحه متحسف اعطيه هديه لزوجتي اذا تحب تشتريه ماعندي مانع هذا رقمي 99712971

 

[nestla]

نسائي
My Queen
CHANEL > CHANC

 

[zoya_y]

اخوي اذا مايهمك السعر انا شريت عطر نسائى اسمه توم فورد 30ملي يعتبر اغلى عطر بلعالم وشاريه من باريس وفاتورته معاي وكانو مسوين عليه خصم 30بلميه شريته تقريبا200دينار وسعره بلكويت اكثر من250دينار وبصراحه متحسف اعطيه هديه لزوجتي اذا تحب تشتريه ماعندي مانع هذا رقمي 99712971

اول شي شهالتوم فورد الي اب 250 وشيفرق عن بو 35 الي انعرفه ؟
ثاني شي هاو هاو هاو ليش متحسف افاااااااااا ياذا العلم اشدعوا اوخيي ؟

 

[بونواف]

اول شي شهالتوم فورد الي اب 250 وشيفرق عن بو 35 الي انعرفه ؟
ثاني شي هاو هاو هاو ليش متحسف افاااااااااا ياذا العلم اشدعوا اوخيي ؟

افا اختي زويا انا من مشد المعجبين بمشاركاتج مو حلوه تطلعيني جذاب.. اذا حابه تتاكدين او اي شخص حاب يتاكد ممكن اعطيه العطر واهوا يروح بنفسه يتاكد واذا طلع اقل من 250 و30ملي بعد اعطيه له هديه ...اما الي ينعروض بلمنتدي ب35 دينار و100 ملي ما ودي اقول عنهم شي او اخونهم لا سمح الله

 

[zoya_y]

افا اختي زويا انا من مشد المعجبين بمشاركاتج مو حلوه تطلعيني جذاب.. اذا حابه تتاكدين او اي شخص حاب يتاكد ممكن اعطيه العطر واهوا يروح بنفسه يتاكد واذا طلع اقل من 250 و30ملي بعد اعطيه له هديه ...اما الي ينعروض بلمنتدي ب35 دينار و100 ملي ما ودي اقول عنهم شي او اخونهم لا سمح الله

والله حشى مااقصد اشكك بالسعر الي قلته بس ليش جذي سعره ابي اعرف شلفرق بينهم ؟
يعني هذا اصلي والي انعرفه تقليد من لندن وامريكا وإلا شسالفه ؟
بس والله والله والله مااقصد اني شكك اب كلامك كلش والله

 

[بونواف]

والله حشى مااقصد اشكك بالسعر الي قلته بس ليش جذي سعره ابي اعرف شلفرق بينهم ؟
يعني هذا اصلي والي انعرفه تقليد من لندن وامريكا وإلا شسالفه ؟
بس والله والله والله مااقصد اني شكك اب كلامك كلش والله

ادري اختي زويا انج ما تقصدين وانا هم مستقرب وكذا مره اسال صاحبت العطور كويتيه الي تعرضه ب35 وما جاوبتني وماحبيت اشوه سلعتها... بس انا اقولج انا شاريه من سافوره الي في باريس..وفتحو فرع بلكويت تقدرين تروحين عندهم وتتاكدين واذا عرفتي شنو الفرق ياليت تعطيني خبر وراح تلقين 30ملي اكثر من 250 اذا مو 300دينار...وبنسبه لاني بخلت على زوجتي لانه انا متزوج 2واذا عطيتها هلعطر اجباري اشتري للثانيه وانا حاليا اوضاعي ما تسمح

 

[zoya_y]

ادري اختي زويا انج ما تقصدين وانا هم مستقرب وكذا مره اسال صاحبت العطور كويتيه الي تعرضه ب35 وما جاوبتني وماحبيت اشوه سلعتها... بس انا اقولج انا شاريه من سافوره الي في باريس..وفتحو فرع بلكويت تقدرين تروحين عندهم وتتاكدين واذا عرفتي شنو الفرق ياليت تعطيني خبر وراح تلقين 30ملي اكثر من 250 اذا مو 300دينار...وبنسبه لاني بخلت على زوجتي لانه انا متزوج 2واذا عطيتها هلعطر اجباري اشتري للثانيه وانا حاليا اوضاعي ما تسمح

اييييييي عيل خل اسأل سيفورا الي بالافنيوز واشوف بقعد لهم قعده كككككك
إذا جذي عيل صاج اوخيي اهم شي العدل بارك الله فيك

 

[بونواف]

اييييييي عيل خل اسأل سيفورا الي بالافنيوز واشوف بقعد لهم قعده كككككك
إذا جذي عيل صاج اوخيي اهم شي العدل بارك الله فيك

لووول...والله يبارك فيج بعد يارب

 

[فضل]

مشكورين يا شباب على المعلومات

بس تصدقون انه الحين زادت حيرتى

بس تدرون شلون

كلها كم يوم ويجى معرض العطور بارض المعارض

وأطب وأتنقى

ملاحظه: لالحين اكثر عطر ينمدح فى اكثر من منتدى ((كريد الابيض ))​

 

[على نياتي]

والله أخوي بالنسبه للعطور الناس أذواق ,,,, مره ياني واحد من الربع وقالي على عطر ماله تيستر وما تقدر تشمه بس تشتري على طول 30 مللي أعتقد سعره كان 35 دينار من كارتير وقعد يمدح فيه ليما طيره فووووووق قلت خلني أروح أجربه وفعلآ كلامه صحيح ماخلوني أشمه قلت ياولد هذا العطر ولا بلاش عطني أثنين منه ,,, والله وكيلك من شميته دخت من قوته حتى البيت كله تعطر من قوته ::verymad:: بصراحه يبط الراس ,,, وعقبها ماأصدق شي ليما أجرب ,,, أدري طولت عليك بس هذا اللي صارلي ,,, الحين انا أنصحك بعطر أسمه F by selfador folggamo بصراحه روعه وعن تجربه ,,, وأدعيلي ​

 

[فضل]

أخاف مثل نصيحه صاحبك

أو تبي تنتقم منه عن طريقى​

 

[((الدوسري))]

توم فورد اسمه اود وود

احلى عطر رجالي مر على

 

[التكانة]

اخوي اذا مايهمك السعر انا شريت عطر نسائى اسمه توم فورد 30ملي يعتبر اغلى عطر بلعالم وشاريه من باريس وفاتورته معاي وكانو مسوين عليه خصم 30بلميه شريته تقريبا200دينار وسعره بلكويت اكثر من250دينار وبصراحه متحسف اعطيه هديه لزوجتي اذا تحب تشتريه ماعندي مانع هذا رقمي 99712971

جم تبي فيه اخوي؟؟

 

[بونواف]

جم تبي فيه اخوي؟؟

200دينار اخوي