ارجو المساعده في Ebay

[الافوكاتو]

السلام عليكم ورحمه الله وبركاته
اخواني عندي سؤال بسيط والرجاء من من لديه خبره الرد والشكر موصول
انا سجلت بموقع ebay ودخلت عنواني (مال ارامكس) وكل شي تمام وبالاخير حولني لموقع paypal وفتحت فيه حساب وسألني (الي فهمته) انه لازم اشبك الحسابين وشبكتهم ورجعني من جديد الى ebay
السؤال هل الخطوات سليمه وهل لازم احول فلوسي الى paypal علشان اقدر اشتري من الموقع وشلون الطريقه تحويل المبالغ الى هالحساب


وشكرا للجميييييييييييييييييييييييع سواء دخل الموضوع ورد او لم يرد

 

[Bo-Jarrah]

شغلك مظبوط . بس لازم تنطر يومين علشان يخصمون من فيزتك (نص دينار) الي حطيتها بالpaypal ,, وروح جيك على العمليه بالسايت مال البنك وراح تشوف 4ارقام الي اهي وصف او اسم العمليه وبعدين ترجع حق paypal وتفعل فيزتك بالرقم هذا.
وبالنسبه للتحويل الفلوس لا ماتحول الpaypal يخصم من كرتك على طول .
إن شاءالله قدرت اوصلك المعلومه وإذا في سؤال اسئل وان شاءالله ارد عليه.

 

[الافوكاتو]

بيض الله وجهك طال عمرك على الرد
وللعلم اني مادخلت رقم الماستر كارد للحين لان ولا موقع طلبها مني
واي كرت تقصد الي اعبيه الماستر يعني؟

 

[عتيبه]

ايباى اخوى انا مجربهم بكذا شغله كله نصب وغش وطلع عنهم برنامج بالجزيره يحذر منهم نصابين بيع مبهم شغل بلطجه انتبه

 

[المديون]

السلام عليكم ورحمه الله وبركاته
اخواني عندي سؤال بسيط والرجاء من من لديه خبره الرد والشكر موصول
انا سجلت بموقع ebay ودخلت عنواني (مال ارامكس) وكل شي تمام وبالاخير حولني لموقع paypal وفتحت فيه حساب وسألني (الي فهمته) انه لازم اشبك الحسابين وشبكتهم ورجعني من جديد الى ebay
السؤال هل الخطوات سليمه وهل لازم احول فلوسي الى paypal علشان اقدر اشتري من الموقع وشلون الطريقه تحويل المبالغ الى هالحساب


وشكرا للجميييييييييييييييييييييييع سواء دخل الموضوع ورد او لم يرد

السلام عليكم اخوي شغلك مضبوط بس تروح حق ال paypal وتفعل الحساب مثل ماذكر اخونا وال paypal ماتحوله افلوس اهو من نفسه يخصم على طول من الفيزا او الماستر اللي انت مفعلها .
بالنسبه للنصب انا ولله الحمد ماانصب علي بشيء بس في البدايه تكون غلطات الواحد مو منتبه لها فتروح عليك فلوسك .
بعدين في شغله ليش الارامكس؟ بعض البائعين يشحن لي الكويت ليش تدفع شحنين بطل صندوق بريد بوزارة المواصلات خله عنوانك .

 

[الافوكاتو]

عتيبه مشكوووووووور على الرد طال عمرك والله يعوض عليك وممكن نفس ماقال الاخ تكون في غلطات هي الي تضيع فلوسك










المديون شاكرلك كل الشكر حبيب قلبي والله يكثر من امثالك وبجرب افعل الحساب واربط الحسابات وان شاء الله يضبط معاي

 

[almofareg]

ebay موقع عالمي و اكيد يدخل فيه بياعين غشاشينو لكن اذا انت حذر و تعرف انجليزي تقدر تتحاشاهم
يوجد عند كل مستخدم سيره ذاتيه او فيد باك seller feed back
وهو عباره عن انطباع اللي اشتروا من عنده و كيف تعامله معاهم شيك عليه و اذا عنده نقاط حمرا وخر عنه و اذا كل الناس يمدحونه اشتر منه
على العموم هي طريقه جديده علنينا في الشراء و ممكن مفيده
الموقع الاخر امازون انا جربته و ثقه و شغلهم مضبوط
انا بالنسبه لصندوق البريد انصحك تفتح حساب عند ارامكس ياخذون منك 5-10 دنانير و تمتلك صندوق في امريكا و اخر في ابريطانيا و تشحن بضاعته هناك وهم يجيبونها لك بسرعه و تكلفه رخيصه مقارنه بالفداكس او دياتشل
و انحش عن صندوق وزارة المواصلات ترى بضاعتك تضيع و لا احد درى عنك صارت وياي مره و ضيعوا بضاعتي و طلبتها من الامازون مره ثانيه و قلت لهم انا مستاء من التاخير فدزوها لي برسوم البضاعه الاولى على ارامكس اللي اخذ مني 3 دنانير فقط على كل نص كيلو

و بالتوفيق

 

[b07amod]

اخوى انا قبل 5 ايام مسجل فيه
لما تسجل البطاقه بالباي بال بعد الاكتف المرحله الاخيره راح يطلب الموقع اربع ارقام للتاكيد الارقام هذى راح يعطيك اياهم البنك بالكويت تتصل فيهم فى اى وقت 24 ساعه وبعدها تحطهم بالمربع لتفعيل البطاقه وبعدهها راح ينخصم منك 1.95 وبعد 5 ايام تقريبا ترجعلك
اما بالنسبه للشراء مايحتاج الى تعبئعه الباى باى الباى بال يبى كرت الفيزا فيها رصيد لتغطيه المشريات
بعد عمليه الشراء راح يبين جدول حاله الشراء شوف الصوره تكون الحاله كومبليت

وبعدها روح الايميل تلاقى رسايل من الايبى الى تم فيها عمليات الشراء وفيها التراك نمبر حق اليوبي اس لتوصيل البضاعه الى صندوقك البريد
واى استفسار اخوى حط رقمك بالخاص وانا حاضر

 

[جهراوي نت]

كلام منطقي وشرح وافي من الاخوان لكن هل فعلا بان الحد الاقصى لل24 ساعة في الباي بل 5 طلبات والا راح يحجز على البطاقة للخوف بانها مسروووقة يعني نظام حماية للفيزا

 

[almofareg]

استعمل ارامكس احسن لك اخوي
يو بي اس الامريكي ممتاز بس مشكلة صناديق بريد الكويت مو شي تضيع رسالتك و لاتوصل و يقولون لك ما ندري عنها و ممكن يحولونها التجارة او الصحه و يجيك صداع و تتسف انك شريت اي شي
اسال مجرب و لا تسال طبيب
انا ضاع لي رسايل من عندهم و حرمت اتعامل معاهم
فتحت حساب ارامكس و ارتحت يوصل لبيتك او اذا مستعجل العارضيه مركزهم مو بعيد و خدمتهم اكسلنت

 

[الافوكاتو]

مشكووووووررررييييييييين جدا جدا جدا جدا جدا

 

[P.Engineer]

استعمل ارامكس احسن لك اخوي
يو بي اس الامريكي ممتاز بس مشكلة صناديق بريد الكويت مو شي تضيع رسالتك و لاتوصل و يقولون لك ما ندري عنها و ممكن يحولونها التجارة او الصحه و يجيك صداع و تتسف انك شريت اي شي
اسال مجرب و لا تسال طبيب
انا ضاع لي رسايل من عندهم و حرمت اتعامل معاهم
فتحت حساب ارامكس و ارتحت يوصل لبيتك او اذا مستعجل العارضيه مركزهم مو بعيد و خدمتهم اكسلنت

أنا أأيد أخوي المفارق .. ربعنا في بريد الدولة يضيعون الشحنات .. أنا طلب شي 3 مرات كل مره يقولون ما وصل .. أخر شي طلبته عن طريق عنوان آرامكس و وصل مثل الماي .. وعلى قولته حرمت أتعامل معاهم ..

وبالنسبة لل PayPal حساب ثقة وأنا مجربة أكثر من مرة ..