نقاش فني × فني بين اهل التحليل التقليدي واهل التحليل الموجي الاليوتي

الموضوع في 'السوق الكويتي للأوراق الماليه' بواسطة AboNader, بتاريخ ‏2 مارس 2009.

حالة الموضوع:
مغلق
  1. AboNader

    AboNader عضو جديد

    التسجيل:
    ‏25 يوليو 2008
    المشاركات:
    942
    عدد الإعجابات:
    0
    في هذا الموضوع احاول اطرح فكره واحده وهي مدى البساطه بين التحليل التقليدي والاليوتي

    ولا يوجد لدي اي نيه سيئه والله رقيب وحسيب على كلامي

    ولا اتمنى من الاخوان اصحاب تحليل اليوت ان يعتبروا نقاشي معهم هو انهم على خطء واني على صح

    لكني مقتنع برأي وهم لديهم رأي وانا لدي مدرسه وهم لديهم مدرسه

    ولان الاخ بو بشير splendid يلح علي دائما بان ارفع له الشارت وكنت اعترض برفع بعض الشارتات لسبب في ( نفسي ) لا استطيع البوح فيه الى ان جاء الوقت المناسب الي ارى انه يجب ان اطرح المقارنه بين المدرستين وابين ذلك بالرسومات الفنيه

    نبدأ ببسم الله الرحمن الرحيم
     
  2. AboNader

    AboNader عضو جديد

    التسجيل:
    ‏25 يوليو 2008
    المشاركات:
    942
    عدد الإعجابات:
    0
    في احد مواضيع المحلل الاخ المحترم splendid ذكر ان سهم بيتك له اهداف ثلاث محدده بالشارت

    http://www.indexsignal.com/vb/showpost.php?p=1678895&postcount=27

    وكان التحليل بالنسبه لاهل التحليل التقليدي واضح المسار والمعالم

    ( يتبع بعد قليل )
     

    الملفات المرفقة:

    • kfh.jpg
      kfh.jpg
      حجم الملف:
      138.9 KB
      المشاهدات:
      296
  3. AboNader

    AboNader عضو جديد

    التسجيل:
    ‏25 يوليو 2008
    المشاركات:
    942
    عدد الإعجابات:
    0
    نلاحظ في الشارت التالي كيف ان المحلل الاليوتي اغفل عناصر كثيره يومها وهي عناصر مهمه
    اهمها

    اهمال الفريم الذي يتم قرأتها كأول فريم وهو غالبا ما يكون شهري وثم اسبوعي
    ثم اهمال المتوسطات المتحركه التي تعمل عمل الدعم او المقاومه بحسب الوضع في الشارت اليومي
    ثم ان المحلل الاليوتي لم يشر إلى المدة التي ستحقق فيها الاهداف بناء على الشارت الذي قال فيه ان هناك ثلاثة اهداف تبدأ من
    2000 دينار
    2300 دينار
    2500 دينار

    كل ذلك يغفله ويهمله كل من يحلل وفق نظرية اليوت ويف

    في التحليل التقليدي البسيط يتم قرأة الشارت من الاكبر إلى الاصغر ومستندين الى مقولة كلما اتسعت الرؤية ضاقت العبارة

    (( يتبع غدا ))
     

    الملفات المرفقة:

    • kfh chart.jpg
      kfh chart.jpg
      حجم الملف:
      137.7 KB
      المشاهدات:
      286
  4. بورش

    بورش عضو مميز

    التسجيل:
    ‏25 سبتمبر 2005
    المشاركات:
    3,660
    عدد الإعجابات:
    1
    مكان الإقامة:
    دار بالبورصة
    اخوي اول شي بوبشير قال (وهي ليست ارشاد او قانون في موجات اليوت ان القيعان الرئيسيه للموجات الهابطه اما تنهتى عن الموجه الثانيه ( من الدرجه الاصغر ) في الخامسه ,, او عند الرابعه من نفس الدرجه)

    يعني ليش ماتقرى مابين السطور ؟ وتاخذ بس الي انت تستخدمه ضد تحليل إليوت ؟

    أخوي تحليل إليوت ماعليه خلاف بين اكبر المحللين, بوبشير من 2006 قال السوق راح يروح ملح في 2008, وفعلا راح ملح مابعده ملح, انت في 2006 بالتحليل التقليدي تقدر تقولي ان السوق رايح ملح في 2008 ؟؟ وبعدين انت منو الي تنتقد بوبشير أو تحليل إليوت ؟؟
    لكل تحليل ميزه, والنظره للمستقبل مع إليوت افضل :)
     
  5. AboNader

    AboNader عضو جديد

    التسجيل:
    ‏25 يوليو 2008
    المشاركات:
    942
    عدد الإعجابات:
    0
    صبحك الله بالخير بورش واالله يعطيك العافيه اتمنى هالموضوع مايؤخذ على ( شخصية بوبشير أو غيره ) لأني راح ارفع تحليلات محللين اخرين وكان اول مثال للاخ بو بشير فارجوك ابتعد شوي عن العاطفه
    تعال جاوبني
    هل عندك محلل اليوتي او تقليدي يقولي السوق وين بيروح 2011 ؟
    ابي اشوف السكر والملح في 2011 او 2012 بس قولي عندك ؟ وخل يبين لي بالشارت شلون عرف انه سوقنا ( افتراض ) بيروح سكر سنة 2011 وشلون بيكون وضعه في 2010 بعد جم شهر من نهاية هالسنه عندك جواب حزتها اجاوبك انا وين كنت بسنة 2006 وشقلت يومها عن تحليل ( الفرصه )
     
  6. بورش

    بورش عضو مميز

    التسجيل:
    ‏25 سبتمبر 2005
    المشاركات:
    3,660
    عدد الإعجابات:
    1
    مكان الإقامة:
    دار بالبورصة
    صبحك الله بالنور والخيرات :)
    أي عاطفه اخوي, انا قاعد اتكلم بالمنطق :) تحليل إليوت علم يدرس في أكبر الجامعات في أمريكا :) ويدرس في معقل التحاليل الفنيه Wall street, تبي تقنعني انك بتفتح موضوع, بروح بصدقك, وبهد سنين وسنين من الدراسات :) انت شنو عندك غير الشارتين والثلاث الي انت حاطهم, والي انت اصلاُ مو فاهم شنو كان قصد بوبشير لأنك مو عارف شنو تحليل إليوت من الأساس, مصيبتك تنتقد شيء انت ماتفهم فيه شيء :)

    ثاني شي تكلمنا وقلنا ان السوق في صعوده بالموجه ب في صعود طيب, ومن بعده في نزول قوي مره ثانيه في الموجه C
    ممكن انت تقولي شنو سيناريو المؤشر بالتحليل التقليدي :) يمكن تقولي شي انا مو دارسه :) نورني يابونادر :)
     
  7. الفاتح

    الفاتح عضو نشط

    التسجيل:
    ‏15 مارس 2006
    المشاركات:
    1,192
    عدد الإعجابات:
    0
    موضوع جميل ومفيد في نفس الوقت
     
  8. AboNader

    AboNader عضو جديد

    التسجيل:
    ‏25 يوليو 2008
    المشاركات:
    942
    عدد الإعجابات:
    0

    جاوبني على اسئلتي بالاول ياخوي بورش بعدين تعال قولي شنو سيناريو المؤشر بالتحليل التقليدي واعيده لك : انت تقول ان بو بشير ( تنبئ ) أو قدر يصيد أن السوق راح يروح ( ملح ) سنهة 2008 أنا اسئلك متى نشوف ( السكر ) سنة 2010 أو 2011 أو 2012 ؟ وشلون ؟ وابي شرح مستفيض وحتى ان كان بالتحليل الموجي الاليوتي الويفي :) اووول ياطول اسمه
    ماعلينا بورش جاوبني بالعلم الي يدرس باعظم الجامعات العالميه عشان اقدر اقولك انا كمحلل تقليدي شلون اتعامل مع السوق وفق تحليل المؤشرات والاسهم والقطاعات بالتحليل التقليدي البسيط الي يربحني كل وقت فيه فرصه :) بدون اي ازعاج الانتظار لموجه c الي راح تصير بعدها d وعقبها 1 و 2 و 3 تاليتها علامات استفهام
    الي اود اعرفه شكثر يربحون بالنسبه اهل التحليل الاليوتي :) اخ لو في احصائيات والله اني اشتريها من ماي الذهب
    تابعني بورش وارجوك بدون ( شخصنة الحوار ) أنا طرحت مثال لتحليل اخونا بوبشير وراح ارفع اي تحليل لاي اخ يحلل تحليل اليوتي
     
  9. AboNader

    AboNader عضو جديد

    التسجيل:
    ‏25 يوليو 2008
    المشاركات:
    942
    عدد الإعجابات:
    0
    انت الجميل يا الفاتح مثل كل مشاركات الاخوان الجميله ومفيد نما يكون في نقاش فيه من المعلومات المتبادله وبدون أي ( شخصنه )
     
  10. بورش

    بورش عضو مميز

    التسجيل:
    ‏25 سبتمبر 2005
    المشاركات:
    3,660
    عدد الإعجابات:
    1
    مكان الإقامة:
    دار بالبورصة
    مافيها شخصنه السالفه
    بس انت منو الي تقول ابي العلم الي يدرس بأكبر الجامعات بأمريكا وكأنك تتطنز. ناس قاعده تدفع فلوس عشان تسافر وتتعلم هذا العلم, وانت تقولي عطني هذا العلم, اذا انت جاهل بالعلم لاتنتقده! الشخص لما ينتقد شغله يكون عارفها, انت مصيبتك مو عارف الشغله!! وتنتقدها! تقولي شنو هذا 1 و 2 و 3
    ياخي اول شي تعلم, طبق, افهم شتقول الناس بعدين انتقد
    انت مثل الي ينتقد سياره معينه, وهو طول عمره مو راكبها, بس شايفها تمشي بالشارع, جربها بعدين انتقدها, اما الكلام الفاضي من غير فهاميه هذا مو مسموح فيه

    واهم شي انك مسمي نفسك محلل تقليدي, انت شدراك انت تعرف تحلل يعني ؟ http://www.indexsignal.com/vb/showthread.php?p=1872065#post1872065
    اكو ترند بالعالم ينرسم جذي عريض ؟ ياحجي الترند ينرسم بخط رفيع :)

    روح علم نفسك أول شي بالتحليل التقليدي, وبعدها تعلم إليوت, وبعدها احكم

    انت مثلك الحين مثل الي ينتقد التحليل التقليدي بالضبط, وهو مايعرف الألف من الباء في التحليل, شي طبيعي النقاش معاه فاضي :)
     
  11. splendid

    splendid عضو نشط

    التسجيل:
    ‏15 أكتوبر 2005
    المشاركات:
    2,666
    عدد الإعجابات:
    2

    صبحك الله بالخير يا بو جوري ,,

    هذا انسان يقول كلام وبعدين ينكر ,, وبعدين يرجع ويقر انه قال هالكلام ,,

    انسان ينتقد شي ( موجات اليوت ) ,, وهو ما يعرف ابسط الاساسيات فيها

    لو ابي اناقشه كان رديت عليه ,,

    صدقني ما في فايده من النقاش مع هالنوعيه ,,

    اتركه ,, وخله يسولف بروحه ,,هو يحب السوالف ,,

    :)
     
  12. بورش

    بورش عضو مميز

    التسجيل:
    ‏25 سبتمبر 2005
    المشاركات:
    3,660
    عدد الإعجابات:
    1
    مكان الإقامة:
    دار بالبورصة
    صبحك الله بالنور بوبشير, يا هلا بالغالي
    لكل علم احترام, وبونادر منو حتى ينتقد نظريه لها علومها الخاصه ومادتها العلميه الخاصه

    كنا نبتلش بلي ينتقد التحليل الفني في السوق, ويقول شنو هالخطوط الي ترسمونها, مافي فايده والسوق بس اخبار, ومهما كنا نجادلهم كانوا مصرين على قرارهم وهذا لجلهم بالتحليل الفني

    الحين المشكله يطلع واحد يفهم ان التحليل الفني مهم, ولكن ينتقد نظرية إليوت وهو موفاهم شي منها

    كلامك صحيح 100% مهما كلمته ماكو فايده, ومافي احد غيره راح يسولف, لأن فاقد الشيء لايعطيه
     
  13. omsalem

    omsalem عضو جديد

    التسجيل:
    ‏22 فبراير 2009
    المشاركات:
    11
    عدد الإعجابات:
    0
    صباح الخير

    يا اخواني الرجال سال مجموعة اسالة وكان ودنا نستفيد من الردود لكن ردودكم كلها عن الشخص وانه ما يعرف . زين ردو عليه يمكن في احد غير يستفيد ولا اهو نفسه يستفيد . لكن رد انه ما يعرف وبس هذي مو طريقة نقاش .
     
  14. بوراشد جروب

    بوراشد جروب عضو مميز

    التسجيل:
    ‏22 يوليو 2005
    المشاركات:
    4,910
    عدد الإعجابات:
    311
    مكان الإقامة:
    صانع سوق ... لمشاركات المنتدى .. :)
    أؤيد بقوة

    :)
     
  15. The Phenomenon

    The Phenomenon عضو جديد

    التسجيل:
    ‏15 سبتمبر 2008
    المشاركات:
    325
    عدد الإعجابات:
    0
    اخوي بو نادر السلام عليكم

    هل انت ملم بالتحليل التقليدي وبموجات اليوت حتي تقدر تتناقش مع المحللين

    او انك مو مفتنع بالتحليل الفني !

    لانه نبي نعرف شنو الهدف من موضوعك
     
  16. AboNader

    AboNader عضو جديد

    التسجيل:
    ‏25 يوليو 2008
    المشاركات:
    942
    عدد الإعجابات:
    0

    الدخول بالنوايا يابورش غير مستحب وانت تكلمني وتكلم الناس من خلال منتدى ولا انت شايفني ولا انا شايفك فشلون حكمت علي اني قاعد ( اتطنز ) ؟
    الي يبي يتعلم اي علم الله يوفقه ومثل مافي مدارس لها تلاميذ و على قولة الصوفيين ( مريدين ) هم هناك مدارس تعاكس الاتجاه للمدرسه المغايره
    انا اشوف ان مدرسة اليوف ويف هي عباره عن قراءه معقده في مقابل وجود تحليل اسهل بكثير ويعطيك اهداف ومعرفه لنقاط الدخول والخروج بحسب الفرصه المتوفره وهذا على عكس تحليل اليوت ويف

    لاحظ انك للحين ماجاوبتني على اسئلتي

    نعم يا اخ بورش انا محلل تقليدي وعندي اطلاع على التحليل الموجي وقرأت فيه ولاني اكتشفت من قراءتي المتواضعه ومن تحليلات (( كل )) الي يحللون بهالتحليل الي اهو ( مو تحليل ) انه مايوكل عيش والله يعين أهل هالتحليل الي ودي اعرف شكثر يربحون كنسبه من تحليلاتهم الي مافيها لا نقطة دعم ولا نقطة مقاومه وماشيه على البركه كل الي عليك a b c وعقبها جم موجه داشه بجم موجه وتاليتها علامات استفهام
    يا اخي اخونا بو بشير بلسانه يقول 99% ما يعرفون شي عن هالنظريه الي يستخدمونه

    تقول انا ما عرف بالتحليل ولا برسم الترندلاين ماشي شوف هالموضوع الي حاطه لك وقارن بين الترند لاين الي انا كنت راسمه لسهم الافكو مع رسم الترند لاين لاستاذ سيف العجمي الي اتشرف اني ادرس عنده دوره في التحليل الفني التقليدي

    وارجوك ثم ارجوك خلك cool و هادي وبدون اي عنفوان او شده ترانا قاعدين نتحاور لمصلحتنا كلنا وخلنا نستفيد من الاخطاء

    مع الامنيه بالجواب على اسئلتي للمره عاشره :)
     

    الملفات المرفقة:

    • chart.jpg
      chart.jpg
      حجم الملف:
      100.8 KB
      المشاهدات:
      181
  17. AboNader

    AboNader عضو جديد

    التسجيل:
    ‏25 يوليو 2008
    المشاركات:
    942
    عدد الإعجابات:
    0
    اشكرك بوبشير على حسن ردك واخلاقك واذكرك للمره الثالثه يمكن اني ابلغ من العمر 37 عام وعندي اولاد وتظل اخ وعزيز واحنا قاعدين نتناقش للمصلحه العامه واتمنى منك المشاركه بكل هدوء وسكينه وبدون اي عنفوان او أنك تاخذ المسأله على انها شخصيه وان احببت اغلق الموضوع لان فيه ازعاج لك ولاخرين فانا حاضر بشرط يتم اغلاقه من المشرفين ويتم كارشيف للمستقبل
    واتقبل كل كلمه قلتها عني بصدر رحب فهل تقبل نقاشي بصدر رحب ؟؟
     
  18. AboNader

    AboNader عضو جديد

    التسجيل:
    ‏25 يوليو 2008
    المشاركات:
    942
    عدد الإعجابات:
    0

    صبحك الله بالنور بورش وعساك ربحت اليوم لان اليوم الي ماسوى على الاقل 2 % من هالسوق الممتاز في المضاربه اعتقد لازم يعيد حساباته

    شوف ياطويل العمر

    انا مشترك مع برنامج مباشر برو وفيه تحديث life للجارت وبصراحه قاعد استفيد من علوم التحليل الفني ( التقليدي ) في المضاربه اليوميه
    خذ سجل عندك

    شريت هيتس تلكوم بسعر 96 وبعت ب 99
    ورديت شريت 100 وماسك

    شريت مخازن 640 وماسك

    شريت معادن 120 وبعت 124

    الفضل بعد الله يرجع لعلوم التحليل الفني التقليدي الي اقدر استخدم فيه فريمات صغيره تساعدني على المضاربه

    بالله عليك في التحليل الموجي عندكم فريمات صغيره ؟ هذا اذا تعرفونها ؟

    للتذكير
    بو بشير يقول في احد موضوعاته انه من الصعب تحديد اتجاه السوق من قراءة الشارت على فريم صغير مثل 15 دقيقه و 30 دقيقه

    صباح الخير احباب الاليوت ويف
     
  19. AboNader

    AboNader عضو جديد

    التسجيل:
    ‏25 يوليو 2008
    المشاركات:
    942
    عدد الإعجابات:
    0
    اي والله صدقت يالطيب ابي احد يساعدني يعلمني يمكن اصير ( متطرف ) اليوتي بس بالاحلام طبعا :)
     
  20. AboNader

    AboNader عضو جديد

    التسجيل:
    ‏25 يوليو 2008
    المشاركات:
    942
    عدد الإعجابات:
    0
    مؤيد بقوه وهذا شي حلو بوراشد بس طلبتك لاترفع لنا مواضيع قديمه :) :) وتلعقنا تخلينا نروح ندور الخبر بموقع السوق ويطلع الخبر عتيج الصوف :)
    بسئلك بوراشد يمكن القى عندك جواب قولي احنا بموجه C او B وشكثر باجي على A مافي curve ؟؟ تراني ادور على دكتور يعطي كيرفات ويرفع تقديراتنا
     
حالة الموضوع:
مغلق