شركه باز تخدع المواطنين

[طبيبQ8ty]

السلام عليكم
في 2007 كلمني مدير االمبيعات في شركه باز وعرض علي المشروع
قال ادفع 8500 و اشتر حصص في مشروع بدبي لمده اسبوع بالسنه لمده 30 سنه و راح تحصل تقريبا 30% بالسنه يعني 2400 دينار
وقال انك راح تدفع صيانه قدرها 290 دينار فقط مره واحده لاغير
وقال الفندق 5 نجوم و موقع ممتاز و راح يعمل في خلال شهرين
اوكي اشتركت وبعد مده سالت عن الفندق قالوا ان الفندق راح يتاخر عن العمل لمده سنه يعني الافتتاح في 2008
وبعد سنه اتصلوا علي الشركه وقالوا تعال ادفع صيانه ولازم كل سنه تدفع لمده 30سنه واذا ما دفعت مالك حق في الارباح طبعا انصدمت وقدمت كتاب الى مدير الشركه وقلت ان مديرالمبيعات قال ادفع الصيانه فقط مره واحده لاغير طبعا المدير عطاني طاف
وقبل شهر وصلني كتاب يقول ان الفندق ليس 5نجوم بال 4 نجوم
كان سعر الغرفه 450 دينار بالليله و الحين 80 دينار يعني انسى الارباح (2400دينار طل)
رحت حق الشركه وقالوا اذا تبي تبيع ناخذ منك 15%ارباح يعني 1500 دينار تقريبا
حسبه بسيطه 8500 دينار سعر الغرفه
290دينار صيانه سنويه * 30 سنه = 8700
المجموع 17200 دينار حق غرفه في دبي لفندق 4 نجزم
اشرايكم في هذه الشركه التي ليس لها مصداقيه وتخدع الناس

 

[كاتب_متقاعد]

الله يعوض عليك
اشوه ما صادنى المصرى عيز وهو يحن على
الحمد لله كافى خساير البورصه

 

[nawaf52]

والله ياخوي للأسف الشركات عندنا إدارات وتسويق سئ للغايه ولا التايم شير اللي اهو اقتسام الحصص جيد وانا مشترك فيه من سنة 2000 لين اليوم الصراحه الخدمات شي جيد بس على حسب اشتراكك بأي شركه مثل انترفال ولا ار اس اي ، لكن الباز والماريوت بوق اشكره وحبوا يقلدون الانترفال والار اس اي باقتسام الحصص على بالهم الشغله سهله ابني فندق وبيع الغرف وخلاص ، لكن للأمانه اقتسام الحصص يوفر عليك وقت السفر وايد بالنسبه للسكن يعني تخيل تروح اوربا تقعد اسبوع بفندق 5 نجوم بسعر 100 ولو تاخذ الغرفه بدون التايم شير تطلع الليله 80 دينار وهذي انا مجربها مو يقولون بس للأسف عندنا الشركات تبي عموله والسلام مو يسوقون مشاريع والدليل شوف شركاتنا اللي بالبورصه قبل سنه يظربون فيهم المثل بالمشاريع واليوم شوف حالهم يبون الحكومه تدفع ديونهم وين المشاريع اللي كانوا يقولون عنها وين الفلوس اللي حصلوها من هذي المشاريع ،
بس صدق الله يرحمه العم عبدالعزيز الصقر يوم قال مو كل من عنده 50 مليون تاجر .

 

[KUWAIT- STOCK]

السلام عليكم
في 2007 كلمني مدير االمبيعات في شركه باز وعرض علي المشروع
قال ادفع 8500 و اشتر حصص في مشروع بدبي لمده اسبوع بالسنه لمده 30 سنه و راح تحصل تقريبا 30% بالسنه يعني 2400 دينار
وقال انك راح تدفع صيانه قدرها 290 دينار فقط مره واحده لاغير
وقال الفندق 5 نجوم و موقع ممتاز و راح يعمل في خلال شهرين
اوكي اشتركت وبعد مده سالت عن الفندق قالوا ان الفندق راح يتاخر عن العمل لمده سنه يعني الافتتاح في 2008
وبعد سنه اتصلوا علي الشركه وقالوا تعال ادفع صيانه ولازم كل سنه تدفع لمده 30سنه واذا ما دفعت مالك حق في الارباح طبعا انصدمت وقدمت كتاب الى مدير الشركه وقلت ان مديرالمبيعات قال ادفع الصيانه فقط مره واحده لاغير طبعا المدير عطاني طاف
وقبل شهر وصلني كتاب يقول ان الفندق ليس 5نجوم بال 4 نجوم
كان سعر الغرفه 450 دينار بالليله و الحين 80 دينار يعني انسى الارباح (2400دينار طل)
رحت حق الشركه وقالوا اذا تبي تبيع ناخذ منك 15%ارباح يعني 1500 دينار تقريبا
حسبه بسيطه 8500 دينار سعر الغرفه
290دينار صيانه سنويه * 30 سنه = 8700
المجموع 17200 دينار حق غرفه في دبي لفندق 4 نجزم
اشرايكم في هذه الشركه التي ليس لها مصداقيه وتخدع الناس

الله يعوض عليك يا اخوى بس الله يهديك هم انت غلطان اولا اذا الموظف قال لك تدفع الصيانة مرة وحدة هذة خطأ موظف وليس ذنب الشركة حيث انك وقعت عقد مكتوب فية بند الصيانة و من اسمها اصلا صيانة اكيد راح تكون سنوية وليس مرة واحدة و الموظف اكيد كان يقصد مرة واحدة سنويا و ثانيا شلون الليلة 450 دينار اذا هل فندق 450 دينار عيل برج العرب 5000 دينار الليلة كان المتوقع لليلة فى الفندق 120 دينار الى 150 دينار ولكن مع الازمة الحالية جميع فنادق دبى انخفضت الاسعار بما لا يقل عن 40 % وهذا ليس ذنب الشركة

وتقبل مرورى

 

[طبيبQ8ty]

اخوي انا عندي ورقه من شركه باز تقول الليله في وقت الذروه 450 دينار اذا تبي ادزلك على ايميلك
الموظف (مدير المبيعات) و عندما قدمت الكتاب للشركه قالوا الموظفين كانوا متحمسين ؟؟؟؟؟ عذر اقبح من ذنب
طبعا قانونيا ما اقدر اصيدهم لان العقد غامض

 

[Navigator]

الله يعوض عليك

اذا لك حق بتاخذه ان شاء الله

 

[KUWAIT- STOCK]

اخوي انا عندي ورقه من شركه باز تقول الليله في وقت الذروه 450 دينار اذا تبي ادزلك على ايميلك
الموظف (مدير المبيعات) و عندما قدمت الكتاب للشركه قالوا الموظفين كانوا متحمسين ؟؟؟؟؟ عذر اقبح من ذنب
طبعا قانونيا ما اقدر اصيدهم لان العقد غامض

والله صادق يا اخوى بس من المؤكد انك سافرت دبى من قبل وتكون تعرف اسعار الفنادق احسن فندق بوقت الذروة 180 دينار لازم انت كنت تناقشة بهل نقطة

 

[الطـبـيـب]

يجبون موظف تسويق بس يشلخ على الناس وسطيحهم بالمصايد

وبعدين يفنشونه او يفتحون شكره جديدة وينقلونه عليها

 

[طبيبQ8ty]

لا المشكله في بعض الاماكن البياعين ناس كويتيين ولحيتهم طويله يعني المفروض يخافون الله

 

[MBA.Eng]

اذا مكتوب العقد مثل اللي تقولة ولك حق شوف لك محامي نشمي وخلة يشلخهم وخل هالفلسطيني صاحب باز اللي كان موظف سفريات الحين يتكلم بالملايين خلة يرجف ويردلك حلالك وفوقهم ترضية
لان للامانة يستخدمون اساليب الكذب بس بالكويت عارفين الكويتي ما لة خلق يناشب احد ومسالم

 

[طبيبQ8ty]

انا رحت حق محامي وقال اني راح اكسب القضيه بس في مشكله
تكلفه القضيه 1200 دينار
الحكم بعد سنه

 

[mal]

حذف

المراقب kuwait حسب القواعد الى قلتها لا زم يحذف علشان طرا اسم شركه كما فعلت معاى لشركة جلوبل والى حطو موضوعها الان فى الصحف
ولا مزاج ؟

 

[AutoCad]

المفروض قبل لا توقعون أي عقد تاخذون العقد إلى أي محامي علشان يدرسه عدل ويكتشف الثغرات إللي فيه ومو اتوقعون وبس

 

[طبيبQ8ty]

المراقب kuwait حسب القواعد الى قلتها لا زم يحذف علشان طرا اسم شركه كما فعلت معاى لشركة جلوبل والى حطو موضوعها الان فى الصحف
ولا مزاج ؟

اخوي انا قاعد انصح الناس علشان لا ياكلون المقلب اللي انا فيه

حرام الشركه قاعده تقص على الناس

 

[.:. عطر .:.]

الله يعوض عليك .. و احمد ربك فيه ناس ادفعت مليون درهم على شقة بخريطة قالوا لهم انسوا تنبني هالسنة و يمكن ولا السنة اللي بعدها

الازمة الاقتصادية إلعبت بالعالم .. ان شاء الله خلال الـ30 سنة ما تدري اش يصير .. ودي اقول لك اصبر معاهم سنة او سنتين العوض ولا القطيعة ..
لكن يا اخوي اشلون اذا الغرفة اجارها 80 دينار الليلة الواحدة و انت مالك الا اسبوع بالسنة و الصيانة 290 دينار بالسنة يعني هذا اجار حوالي 4 ليالي راحت عليك يبقى لك 3 ليالي 240 دينار بالسنة !؟! ولا ملحق ببيت محدود مو غرفة بدبي :/

مثل ما قالوا الاخوان من حقك تطالبهم بفرق السعر اذا المكتوب بالعقد ان الفندق 5 نجوم و ليس 4 نجوم

لا تخلي حقك

 

[jamal221]

فعلا يوم بعد يوم نتأكد من أن نظام التايم شير أو صكوك التملك الجزئي أو حصص المشاع أو سمها ما شئت...ما هي إلا ضرب من ضروب الفشل الذي لا يصلح للإستثمار بأي حال من الأحوال.

 

[ريّس نفسه]

فعلا يوم بعد يوم نتأكد من أن نظام التايم شير أو صكوك التملك الجزئي أو حصص المشاع أو سمها ما شئت...ما هي إلا ضرب من ضروب الفشل الذي لا يصلح للإستثمار بأي حال من الأحوال.

والله انك صاج.. كل عرض اردى من الثاني

نصيحة للكل .. من اتحس الشغلة انها too good to be true .. ابعدددد عنها

ونصيحة دكتور .. لا تزعل على الشي اللي يروح و *يرجع*
ازعل على اللي يروح وما يرجع

 

[بو متعب]

ارفع قضية عليهم وشوف محامي كاسب كم قضية من الباز ووكله

 

[اليوفي الثاني]

والله يخوكــــــــ هاذي مشكلة لا حول الله ولا قوة الا بالله

 

[راشد (بو نواف)]

ماضاع حق وراه مطالب