شلون اجمرك سياره كويتيه لــ سعوديه اتمنى الدخول للمجربين

[العنزي1]

سلام عليكم

اخواني انا بجمرك سياره كويتيه بخليها سعوديه .. وانا سعودي شلون ؟؟

ناس تقول لكل بطاقه مدنيه سياره وحده بالسنه وتكلفت الجمارك تكلف فوق 5 الاف ريال يعني حول 400 دينار .. ؟؟؟

اتمنى شرح الموضوع من 1 الى 10000000

بعرف شلون الطريقه وشنو المطلوب وجم التكلفه ..

وشكراً

 

[wooow]

اولاا يكون عندك رقم موحد كويتي

وبعدهاا تسوي اوراق التأمين تحول + تصقيط
وبعدهاا طوالي على مرور سكراب امغره
وبعدهاا طوالي على مرور مبارك الكبير ( القرين )
وبعدهاا طوالي على جمارك الشحن البري ( الصليبيه ) تاخذ منهم - بيان جمركي
وللمملكه طوالي وبعدهاا الجمارك السعوديه يقيمون سعر السياره ويدفعونك 5% جمارك اذا كان موديلهاا اقل من 2003 شهر 6
وسلامتك

 

[ابوطارق]

بعطيك بالتفصيل
لمي توصل للحدود الكويتيه قبل ماتدخل الكويت تطلب من اللي يختم جوازك انه يعطيك الرقم الموحد هذا ضروري عندما تبي تسجل السياره بإسمك يطلب الرقم الموحد المرور. توصل بالسلامه .تختار السياره اللي تبي تصدرها وتقول للذي باعها لك انا ابي اصدرها للسعوديه تستلم السياره. من الشخص او المكتب الذي باعها لك مصدره عليها ارقام تصدير طبيعي المرور يعطونه براءة ذمه للسياره يسلمها لك البائع .اللي عليك انت تروح لمكان بالصليبيه اسمه الشحن البري تقول ابي بيان للسياره(المنوفست)يكلف عليك من 7 الى 10 دنانير تستلم الاوراق بساعه تقريبا بعدين تروق لمنطقه اسمها ابو حليفه اتطلع ورقه خاصه بالمواصفات والمقاييس قيمتها تقريبا 25 دينار تقريبا ساعه الى ساعتين وتقدر اتطلعها ايضا من الحديثه او الرياض بس الافضل اتطلعها من الكويت وبالنسبه لك كسعودي تقدر اتصدر سياره بالسنه مره من الرقعي ومره اخرى من النويصيب يعني كل منفذ بالسنه مره واحده على اسمك. وعساك سالم

 

[بومعالي]

عندي ملاحظة بخصوص الرقم الموحد .... الرقم الموحد تاخذه من إدارة الهجرة أو المرور فقط أما المنافذ ما يعطونك رقم موحد اللي هو تسع أرقام .

 

[العنزي1]

تسلمون والله ياااخوان شاكرلكم وبيض الله وجهييييييكم

 

[wooow]

عندي ملاحظة بخصوص الرقم الموحد .... الرقم الموحد تاخذه من إدارة الهجرة أو المرور فقط أما المنافذ ما يعطونك رقم موحد اللي هو تسع أرقام .

من الهجره اللي بالضجيج لا وعند موظف مصري اهو اللي يطلعه بس

 

[E.M.T]

بس لاحق الجمرك السعودي منزل الرسوم فورد2003 جمركها 800 ريال لان بعدها على شهر 6 ماراح يجمركون الا من 2005 وفوق

 

[arrayyyan]

حبيب قلبى

اذا السياره باسم كويتى , خله يعطيك وكاله من المحكمه بالتصدير ,,, وطلع برائه ذمه وروح للحدود مباااااااااااااااااااااااااشره ,,,, وبلا صليبيه ودوخه راس

وترا الجمارك الحين نااااااااااااااااااااااااااااااااااازله حيل


تحياتى