هل تتوقعون نزول اسعار السيارات

[بو سعود2003]

بعد انهيار شركة gmc في امريكا هل تتوقعون نزول الاسعار بالكويت على الجديد والمستعمل وخصوصا انه بامريكا محد قاعد يشتري سيارات والمخازن متروسه بالسياره يعني يا امه الشركه توقف صناعات السيارات لسنة 2010 ولا تبيع بخساره سيارات 2009
عاد بجم يصير اليوكن ب 4000 يديد

اذا وصل هل سعر الكل يشتري

 

[BO-MUBARAK]

بوسعود التاهو بالغانم صار 8888 دينار والنزول الكبير بالطريج لان اذا انهارت جنرال راح تختفي قطع الغيار والسيرارت تطيح بجبود اهلها

 

[maha_Q8]

اسعار السيارات مولعه ومرتفعه ما اعتقد تنزل

كل سنه تزيد اسعار السيارات

نتمنى تنزل الاسعار ...........

 

[yoyo1983]

الله يبشرك بالخير

 

[بو سعود2003]

حياك الله

 

[Abu 3ali]

عن نفسي ما توقع نزول للسيارات في الوقا الراهن بس باذن الله لازم تنزل واتصير بالحضيض

 

[ريّس نفسه]

انا من شفت تصريح بهبهاني انهم *ما راح ينزلون اسعار السيارات* عرفت

انه تصريح * عـــكـــســـي * بمعنى انه تصريح يحاول يغير من الحقائق

ومحاولة منهم بصرف نظر العملاء عن ضغوط المصنع على الوكيل بتصريف

الكمية والزامه بعمل طلبيات جديدة وتحمل الخسارة مع المصنع

وهذا طبعا يعني ان الوكالة مضطرة تخفظ اسعارها.. مجبرا اخاك لا بطل

بالنهاية العميل مو خاسر شي لو انتظر

اما بالنسبة للوكالة ، فهي فترة مشحونة وتعتبرها حرب اعصاب

كلها مسألة وقت، والبقاء.. للأقوى

 

[فضل]

والله ما اظن تجار السيارات عندنا بينزلون الاسعار لان الجشع بيقول كلمته معهم

لكن يمكن تنزل اسعار السيارات اللى مالها سوق وتوها طالعه قبل كم سنه​

 

[q82007]

الوكيل ما راح ينزل الاسعار وهو قاعد يشوف تدافع الزبائن على الشراء لو تركدون شوي بتنزل الاسعار

 

[.:. عطر .:.]

ما طار طير و ارتفع الا كما طار وقع .

 

[fabulass]

الله يسمع منك

 

[Amani]

المفروض انها تنزل
بس هني بالكويت ما تقدر تتكهن بشي
ننطر ونشوف​