أيها المحللون إنتبهوااا,,,لكي لا نفقد الثقه فيكم

Advanced Diver

عضو نشط
التسجيل
5 أكتوبر 2008
المشاركات
169
الإقامة
كويتي...وأفتخر
بسم الله الرحمن الرحيم

تحيه طيبه لكم...وبالأخص الأخوه المحللين أبدأ كلامي بالشكر للمحللين المتميزين بهذا المنتدى والذين لايبخلون علينا أبدا بتحليلاتهم المتميزه والتي تدل على فهم هذه الماده من كل الجوانب ,,وهذا الشي لا يخفي على الجميع بالفعل أنه مجهود متعوب عليه وخصوصا للي يبي يشرح وجهة نظره كمحلل متمرس وفاهم شغله تلقاه يرفق شارتات ورسومات بيانيه تحس أنه إللي كاتب هذا التحليل واحد فاااااهم.


المهم بالموضوع... وهذا رأي الشخصي طبعا عن التحليل الفني والأساسي بهذا الوقت بالذات والله ما ينفع ياجماعه !!!

تلقى المحلل يتعب ويجتهد وتلقى السوق باجر ماشي عكس التيار وخذل كثير من الناس !!!

سوقنا يا جماعه قاعد يمشي على حال الديره السياسي ... وأنتم عارفين هالسالفه ,,, يعني قالوا محفظه...إرتفع السوق ...قالوا تأجيل طاح رواسي

قالوا إستجواب طااااح السوق ... قالوا هوَنا صعد السوق ...وهلم جره

رسالتي للمحللين ... وقفوا شوي لين ما يتسنع السوق وبعدها شغلكم راح يضبط

لحد يعتمد على سوق أمريكا ولا السعوديه بالصعود والنزول ... حنا كويتين نشتري من كويتي ونبيع على كويتي لا تدخلونا بأحد كافي إللي فينا.

واخيرا شكرا لكل من إتسع صدره لي ... ودمتم بود

 

Trend Line_Q8

عضو نشط
التسجيل
17 يناير 2008
المشاركات
783
وهذا رأي الشخصي طبعا عن التحليل الفني والأساسي بهذا الوقت بالذات والله ما ينفع ياجماعه !!!

زبدة الكلام وأنا أويدك
وسبق وقلنا هالكلام إن التحليل مآخذ إجاره مفتوحه لسبب بسيط إن هناك قاعدة أساسية وهي ( الخبر يقتل التحليل ) وحنا من شهر 10 أمواج الأخبار متواصلة وشبه يومية وللآسف أغلبها سلبية ... أزمة عالمية يا الربع يعني مو خمس حتى لو عشر مليارات ما تعدل السوق !

وعندي كلمة تقرقع بقلبي وبقولها ..

أغلب المتداولين بالوقت الراهن أما ناس متعلقه والله يعينها أو فئه دشت السوق واشترت أسهم بسعر التراب وتمنى النفس بتدبيله أو ثنتين !

الفئة الأولى بحكم التجربة المريره عندهم يقين إن قانون الإنقاذ حتى لو يتم إقراره ماراح يرجع لهم ربع رأسمال لعلمهم إن رؤساء هالشركات فقط يرغبون بتغطية ديونهم وبعدها لن يكن عندهم السيولة لرفع اسهمهم كما كان بالسابق ( وقت الطفره ) وبالتالي هم محبطين ويحتاج الأمر فقط قرار شجاع .
أما الفئة الثانية فهي تدافع عن مشروع الإنقاذ ومهاجمة نواب الأمه ( مع قناعتهم إن هالمشروع مجرد بوق للمال العام ) لكن يمنون النفس إن إقرار هالمشروع ممكن يرفع قيمة أسهمهم ويحقق لهم التدبيله الموعوده !

بالأخير بتكلم من وجهة نظر شخصية ..
أنا متداول بالسوق من 2004 ومن الفئة الأولى ولكن أملك القرار وبالتالي مرتاح نفسيا ولا أجد بالسوق فرص تذكر لآن السوق يحتضر وفقط ننتظر إعلان شهادة الوفاة بأي لحظة وأطالب الحكومة بأن تنقذ الشركات الممتازه التشغليلة بتقديم مشاريع تنمويه تخدم المجتمع ككل وبالتالي ننقذ الشركة بأن نعطيها منقاصات دون غيرها ونحقق الهدف الأهم هو إنعاش الكويت ونقدر نجبر هالشركات الممتازة بتوفير فرص عمل للكويتيين وهناك فؤائد كثير لو قامت الحكومة بهذه الخطوه .

للعلم أنا ضد إسقاط ديون المواطن والشركة ككل ( يجب على الكل تحمل مسؤلية قراراته )​
 
أعلى