!!! الحذر من فاتوره زين لهذا الشهر !!!

[almared]

مع الأسف الشديد أن يصل هذا الوضع في حساب الفواتير لهذا المستوي :

البارحه أتصلت علي 107 للإستعلام عن خدمه ومعروف أنه في البداية للرد الآلي يعطيك المبلغ المستحق
علي الهاتف ولاحظت زيادة في الفاتوره وبعد التأكد من الموظف المختص وجدنا سبب الزياده هي رسائل
بقيمة تجاوزت 32 دينار لخدمة أخبار الوطن مع العلم بأنني غير مشترك بهذه الخدمه وحسب كلام الموظف
أفاد بأن أخبار الوطن مجااااانية ونحن بإنتظار إتصال الدعم الفني ..


برجاء من الإخوه الأعضاء التأكد من فاتوره هذا الشهر ..

 

[LITERATURE]

كروت احسن

 

[نجم الراية]

مشرفنا العزيز

هذي سوالف زين من التاسيس خفت شوي بعد انطلاق فيفا

والحين ترجع لسوالفها

وعلي فكره استقالت الاحمدي من زين السعوديه الف سؤال سؤال عن السبب

لان المنصب كبير والاستقاله اكيد سببها اخلاقي لعدم رضاه عن خرابيطهم و نصبهم

بس شنسوي خطوطنا من سنين ما نقدر نغيرها إلا بعد النقل لمشغل اخر واللي يماطلون فيه

وما صار وحسبي الله ونعم الوكيل فيهم يشوفون يوم

 

[alshammery]

اذا كلمت ثانية واحدة بس يحب عليك دقيقة كاملة والدقيقة 40 فلس اعتقد بعد ان تورطوا فى الغاء المكالمات الارضية راح يحاولون التعويض بالنصب ..يسولف واحد من الربع عن النصب فى شين واحد من عيالة كل مايشحن كرت بوخمسة دنانير يومين ثلاث والا الرصيد خلص يوم راجعهم والا الخط فية خدمة اخبار ما ادرى شنوا وتجى اخبار والولد مايدرى عنها شى والخدمة هذة ماطلبها حطوها بدون استئذان فطلب الغائها وسكت اليس هذا سرقة ونصب لابارك اللة فى الفلوس الحرام

 

[اقتصادي كويتي]

شكرا اخوي المارد على التنبيه
بناء على كلامك راجعت فاتورتي لهذا الشهر و وجدت فيها زيادة 35 دينار تقريبا تكلفة رسائل ، وعليه اتصلت في زين استفسر حيث ابلغوني انها تكلفة رسائل اخبار الوطن ، علما بأني غير مشترك بهذه الخدمة
، كما ابلغني الموظف بانه سيتم الاتصال بي من قبل قسم الدعم الفني حول هذا الموضوع !!!!
اكرر الشكر اخي المشرف على التنبيه

 

[محمد خليفه]

بسم الله الرحمن الرحيم

والله يا غالي انا مو مستعمل تليفوني كلش ومسكره وفجأه الاقيه عليه زياده 13 دينار مكالمات مع العلم ان خط زين ماشغله الله ينتقم منهم يارب ودي نقاطعهم بالمره

 

[خالد العتيبي]

نفس الوضع هناوالزيادة 17 دينار !!!

 

[مساهم11]

الوطنيه نفس الشي ؟

 

[ورق خسران]

جزاك الله خيرا وانا توني كلمت زن قلت بتاكد من الفاتوره والا اشوه مو نازلتلي هالخدمه وقلت للموظف الناس ما تدري وانتو قاعدين تنزلون عالفاتوره ليش؟؟؟ جان يقول احنا عندنا خبر بهالشي وقاعدين نلغي تلقائي

 

[hamanooosa]

[color="[SIZE="6"]darkred"]واللةاخواني واحد من ربعي شابك انترنت بالايقو برة الكويت بلندن بضبط 9 ساعات ولما رد الكويت يسأل علي فاتورتة جان ينصدم علية 3555دينار ودق عليهم وقالهم ليش ما قطعتوة المفروض اذا طاف 100 دينار تقطعونة شلون خليتوة يوصل لي هذا المبلغ قالولة قدم شكوة[/color][/SIZE]

 

[The Phenomenon]

والله انك صدقت

يوم شفت موضوعك اتصلت طلع لي رقم اكثر من المتعود عليه مع انه بتاريخ 25 الشهر دافع فاتورتي

والله انه انا بالشهر يمكن ادفع 50 دينار مكالماتي دقيت عليهم طلع علي 58 باقل من 20 يوم

 

[بومعالي]

الحمدلله والشكر تركت زين من طلعت فيفا وأنا مرتاح جدا معاهم والفرق بالفاتورة شي مو هين مع العلم إن كثير من الناس اللي أكلمهم أرقامهم مو فيفا ... ويكفي إن مع فيفا تقدر تشيك على كل مكالماتك عن طريق الإنترنت ويعطيك رقم التلفون اللي دقيت عليه والمده والمبلغ ودفع الفاتوره بالانترنت وإضافة او حذف الخدمات عن طريق النت .

الله يعينكم يا أصحاب زين وإن شاءالله لما ينزل قانون تحويل الأرقام تقدرون تتحررون من هالشركة التعبانة .

 

[Navigator]

وين محامي زين ما بين ؟

 

[boalons]

[color="[size="6"]darkred"]واللةاخواني واحد من ربعي شابك انترنت بالايقو برة الكويت بلندن بضبط 9 ساعات ولما رد الكويت يسأل علي فاتورتة جان ينصدم علية 3555دينار ودق عليهم وقالهم ليش ما قطعتوة المفروض اذا طاف 100 دينار تقطعونة شلون خليتوة يوصل لي هذا المبلغ قالولة قدم شكوة[/color][/size]

نفس الشي صارلي لكن كنت شابك يالايميت مده قليله كنت اشوف اقفالات السوق وطقت فاتورتي ال 300 تينار تقريبا

 

[Navigator]

نفس الشي صارلي لكن كنت شابك يالايميت مده قليله كنت اشوف اقفالات السوق وطقت فاتورتي ال 300 تينار تقريبا

ابو الأنس كم بالكويتي يعني

 

[مضارب بني سهم]

فاتورتي عادة من 30-45 دينار من شين. شهر فبراير كان 115 دينار وانا مستغرب على شنو. الحين شغلتوها فيني.
الظاهر نقص السيوله عند الشركه بطلعونه من ظهورنا يمال ظهورهم الكسر !

 

[السهم الامريكي]

يا جماعة الخير حبيت اعرف هل سالفة اخبار الوطن هذه مطبقه بس عالفواتير ولا الايزي بعد ؟؟؟؟؟

 

[fhfh]

زين عالم جميل وياجبل مايهزك ريييييييييييييييييييييييييييييييييييييييييييييييييييييييييييييييييح

 

[boalons]

ابو الأنس كم بالكويتي يعني

من الحره :d

المشكله انهم مايبلغونك امشينها استعباط

 

[Humax]

يا جماعة الخير شالله حادكم على شين ، مع فيفا راح ترتاحون