!!! الحذر من فاتوره زين لهذا الشهر !!!

[laqtan]

خدمة الراي مجانيه لنهاية الشهر حدث خطاء للعملاء الي اشتركوا بالخدمه
على الرقم98938
والرقم المجاني98908
يوم الاحد يداوم قسم الدعم الفني ويلغي جميع المبالغ الي إنحسبت بطريق الخطأ
والله اعلم

 

[friady]

نفس الشي عندي زياده 22 دينار

 

[معاي الحق]

خدمة الراي مجانيه لنهاية الشهر حدث خطاء للعملاء الي اشتركوا بالخدمه
على الرقم98938
والرقم المجاني98908
يوم الاحد يداوم قسم الدعم الفني ويلغي جميع المبالغ الي إنحسبت بطريق الخطأ
والله اعلم

اخوي

انا مو مشترك بخدمة الراي ولا الوطن ولا حتى حاولت اني اشترك

والمبلغ زاد بدون سبب

 

[salem.srsr]

وين محامي زين ما بين ؟

شوي وراح يطلع

 

[damei67]

وانا بعد

وانا بعد نفس الشى زايدين على ما قيمته 9 دنانير على خط الايجو الانترنت بحجة انى منزل زياده على الخمسه جيجا مع انى متصفح عادى وما انزل اى شى وقالولى راح يتصل فيك الدعم الفنى وللحين محد اتصل

 

[Balool]

في طريقة اشوف الفاتورة على النت؟

 

[معاي الحق]

في طريقة اشوف الفاتورة على النت؟

لا وهذه طريقتهم
تروح تدفع 5 دنانير علشان تاخذ الفاتورة بالتفصيل

انا دقيت عليهم 107 وتكلمت مع الموظف بعد ما شفت المبلغ وايد مرتفع والشكر لمراقبنا على التنبيه

والموظف قاللي ان الدعم بيدق علي الاحد

 

[Balool]

تسلم اخوي بس الطريقة فيها لعب عدل يعني فاتورة اب 5 دنانير؟

 

[investor 2007]

السلام عليكم
انا اسافر بكثرة بطبيعة حال دوامي
وللأسف استخدم التليفون باستمرار وطبعا الشهر الماضي كنت بامريكا ولما رجعت فاتورتي 220 دينار وهذا الوضع اوكي زين
لكن اتفاجأ هالاسبوع ان فاتورتي نطت من 18 الى 138 ولما اتصلت قالوا لي فواتير قديمة طبعا معروف السبب ترقيع وفواتير لم تدفع يحملونها على ظهورنا وحنا ياغافلين لكم الله
حسبي الله ونعم الوكيل وحار ونار ببطونكم يا خونه يا من توزعون تبرعاتكم بالدول الثانية على ظهورنا

 

[معاي الحق]

تسلم اخوي بس الطريقة فيها لعب عدل يعني فاتورة اب 5 دنانير؟

وهذه طريقتهم
مسويينها ب 5 دنانير علشان يلعبون على كيفهم

وانا اعتقد ان من حق كل واحد يعرف مكالماته وشنو اللي عليه

ومو بس يدزوله رساله ادفع المبلغ بدون حسيب ولا رقيب

 

[فوركسي]

يا جماعه انا نفس الشي حسبت الي علي من الرد الالي ناقص اخر فاتوره طلع فرق كبير !!!!!!!!

 

[بوعبدالله]

فعلاً الموضوع فيه غلط
راجعت فواتيري من شهر 8/2008 الى شهر 1/2009
لقيت فواتيري طبيعية واسدد أول بأول مكالماتي وفواتيري ماتتعدى ال 25 دينار بس اخر شهرين دفعت مبلغ 60 + 57 + 20 + 30 و الحين دازين لي مسج يقولون لي أدفع 48 دينار يعني خلال اقل من 3 اشهر راح اكون دافع 205 دنانير وهذي تقريبا قيمة مكالماتي خلال 8 الى 10 أشهر

بحاول أصور لكم فواتيري وتشوفون شلون اطمرت فواتيري من مابين 20 الى 25 دينار بالشهر الى تقريباً 60 دينار مع العلم حاط خدمة الموظفين يعني سعر الدقيقه 13 فلس بالاوقات العاديه و 26 فلس بأوقات الذروه

 

[نقوشي]

شين حاقدة على الشعب الكويتي

بس بعرف ليش ماني عارف ؟؟؟

مع انها سوتهم رييايل ورزتهم مع انهم قبل ايام الغوص حدهم بوم مهردق ييب ماي من الشط ,,,

الظاهر لهذا السبب قاعدين يحطون حرتهم بالكويت

الله يعزج يالكويت

 

[mxxy]

السلام عليكم

هذه المشكلة تحدث في السابق وحاليا مع بعض المشتركين و القليل منهم طبعا وكذلك في الوطنية أيضا .


الي حصل معاي :-

الوالد شاف على نفسه 14 دينار بالغلط ! كلمتهم 107 بشكل رسمي علشان لحد يقول خط ساخن أو غير خط ساخن .


طلبت كشف مكالمات سريع من الوالد ومن الموظف والكلام متطابق وحلو والطرفين 100% ... أثناء الحديث وآخر شي قال الموظف أن الوالد مشترك بخدمة .... مادري شنو اهيه خربط علي لأن حاليا في 100000 خدمه وكل أسم مختلف لكن كانت حق تلفزيون ورسائل يهال وشباب وأبوي وينه أو هالسوالف .

بكل بساطه ( أخوي عفوا هذه الرسائل لم يتم أرسالها ولم يتم الموافقه عليها من الاساس )

الموظف 107 : قالي انه راح اقدم شكوى وخلال 48 ساعة راح يدقون عليك .

بعد 4 ساعات تقريبا دقوا على الوالد وقالوله احنا اسفين على الخطأ وبالفعل انت مادزيت رسائل وغيره ( ابوي قالهم انزين وبالله انه دفعت الفاتورة شلون يعني ؟ ) قالوله ولا يمهك ادفعهم ودق علينا وقولنا على الخطأ وراح نحطهم على حسابك إضافة .


المراد من هذا الشيء الي صار ... ان المسألة كانت جدامي ومحد قالي ولا سمعت من أحد ... ياجماعة الي عنده مشكلة مع زين او الوطنية او فيفا بالفواتير خلي يدق يطلب كشف مكالمات سريع وهو ان يسأل عن الرصيد راح وين وخلال فترة قصيرة تنشال الفاتورة .


وبعطيكم نبذه ثانية : ( احد الايام كان عندي خطين 999 فواتير كل شهر 9 دنانير ) وكنا ندفع اول بأول سبحان الله طلع فيهم حوالي 47 دينار إضافة من وين ماندري . ) ! مني ومناك اخر شي عرفنا ان الخطوط عليهم خدمة انترنت 13.5 !! والغلط كان من الي مشتري الخط وهمه الاهل لأنهم وقعوا ان يبون الخط الفواتير 9 + اشتراك انترنت 13.5 واهمه مايدرون على شنو وقعوا لكن هم يعتبر اهمه الغلطانين لأن لازم يسألون عن كل صغيرة وكبيرة .

المهم كانت الشكوى مع الحل والنتيجة كالاتي :

ان الفواتير نشالت على الخطوط بس كان عندنا دليل واحد وهوه ان الخطوط لم يصرف منها ولا 1 كيلو بايت بالانترنت وهذا دليل ان الي شاري الخط مايدري عن المسألة والوضع .


الزبده من الكلام ان لكل مشكلة حل مع زين ... لكن إذا كانت المشكلة فيها شك او ظلم . أما دون ذلك فلحد يحاول مع زين .


ولي عنده مشكلة يقولي أياها بالضبط واقوله شنو يسوي إذا الله قدرني ، علما بأن بالنسبه لي انه وكم شخص ماصارت معانه بالشهر هذا او الي قبله اي مشكلة من ناحية الفواتير الوضع طبيعي جدا مع ان خطوطنا فواتير .

 

[mxxy]

في طريقة اشوف الفاتورة على النت؟

انت لو عندك مشكلة اصلا تقدر ادق على 107 او 121 وتعرف المكالمات بشكل اجمالي راحت وين .

 

[ابو سالم]

السلام عليكم

هذه المشكلة تحدث في السابق وحاليا مع بعض المشتركين و القليل منهم طبعا وكذلك في الوطنية أيضا .


.

نفس الي صار معاي بخط الأنترنت لقيت الفاتورة زايدة ولما كلمتهم قلت انا أشتراكي مبلغلة معروف وكل شهر اسدد من وين اطلعت الزيادة هذي قالي اسفين اخوي خط الأنترنت كان رقم موبايل وكان مشترك بخدمة أخبار وللحين ماشي الإشتراك وتم إلغاء المبلغ الي مضيوف . المهم اخ ماكسي ماتلاحظ ان لو ما احد اتصل عليهم راح يمشونها علية يعني احنا ماورانا إلا نمشي ورى الحرامي ونحسب وراه ليش يتعمدون يستغفلون البشر بلغهم الله يرحم والديك تعبنا منهم

 

[طالبه]

يباااااا واللللللللللللللللللللله نصابين انا خط الايقو كانت تجي عليه اعلانات كرة ودعايات فكنت اطوف00 يوم جيت ادفع الاشتراك ولا شي وعشرين فوق الاشتراك !!!!!!!!
استغربت قلت حق الموظف ليش قال انتي مشتركه فيهم قلت شكووو انا مالي بسوالف الكــــــــره اصلا وبعد مااقتنع الاخ بكلامي دفعت بس اشتراكي
حسبي الله ونعم الوكيل

 

[mxxy]

نفس الي صار معاي بخط الأنترنت لقيت الفاتورة زايدة ولما كلمتهم قلت انا أشتراكي مبلغلة معروف وكل شهر اسدد من وين اطلعت الزيادة هذي قالي اسفين اخوي خط الأنترنت كان رقم موبايل وكان مشترك بخدمة أخبار وللحين ماشي الإشتراك وتم إلغاء المبلغ الي مضيوف . المهم اخ ماكسي ماتلاحظ ان لو ما احد اتصل عليهم راح يمشونها علية يعني احنا ماورانا إلا نمشي ورى الحرامي ونحسب وراه ليش يتعمدون يستغفلون البشر بلغهم الله يرحم والديك تعبنا منهم

والله يخوك هذي الأخطاء لو كانت على شركة زين بروحها جان قدرنا نتصرف معاها لكن في كل الدول وليس أغلبها تحصل معاها هالامور ... دش المنتديات العربية بأسماء شركات الاتصالات لديهم وراح تشوف الوضع ان كما هو لكن الاسلوب يختلف ( وخاصتا ان شركاتنا أحنا ماشاء الله أذكيه يعرفون شلون يتعاملون مع هالامور ) لكن انت عطنا دليل واحد او غيرك خلي يعطينا دليل واحد يثبته جدام المحكمه ضد هالشركات لو عنده حق اكيد بياخذه ولا يعني مافي قضاء في الكويت ؟ ( الله يعين نشالله لازم كل واحد يكون منتبه ومرتب )

1- سدد فواتيرك واتصل على 107 أول بأول وجيك على الرصيد
2- عند وقوع المشكلة يجب الاتصال سريعا ويجب أخذ التفاصيل ولازم تكون متأكد من الكلام الي تقوله ( يعني دق 107 وقولهم عفوا هذا رقمي المدني وابي اجمالي المكالمات للشهر هذا وين راح وانت بروحك راح تعرف الخطأ )
3- تكلم الشركة بأحترام لأن في ناس معاملتهم يحسس ال 107 او 121 ان الشركة مالت امه او خالته . ومع الاسف هذا جهل .


الي عنده مشكلة يكلمني على الخاص واحاول اشوف انسب طريقة لإسقاط الفواتير ، وطبعا بالكلام لحد حسباله ان في احد بزين يقدر يطيح الفواتير هناك او اني موظف هناك .

يباااااا واللللللللللللللللللللله نصابين انا خط الايقو كانت تجي عليه اعلانات كرة ودعايات فكنت اطوف00 يوم جيت ادفع الاشتراك ولا شي وعشرين فوق الاشتراك !!!!!!!!
استغربت قلت حق الموظف ليش قال انتي مشتركه فيهم قلت شكووو انا مالي بسوالف الكــــــــره اصلا وبعد مااقتنع الاخ بكلامي دفعت بس اشتراكي
حسبي الله ونعم الوكيل

اختي على اي اساس ادفعين المبلغ مادام انتي متأكده انج مو غلطانه كان يفترض تتصلين على 107 وتكلمينهم بأسلوب سريع ومفهوم ونشالله خلال ساعات او 4 أيام على حسب الضغط يحلون المشكلة .


شركة زين بالذات واكثر من مرة قلت ( بالفعل تحط فواتير بالغلط لأن حصل معاي وايد لدرجة اني قمت أجهل اهمه ليش يصير معاهم جذي او ليش يسون جذي) ويمكن أحس انها اكثر شركة لأن خطوطي المعتمده دائما من زين فواتير والفواتير اهيه الي عليها مشاكل . سواء الانترنت او المكالمات .

لكن للأمانه ولا مره ما نحلت مشكلتي الحمدلله واخذت حقي بالكامل او ولا مرة دفعت شي زياده غير الي انه عارفه . والوضع ممتاز

 

[saleh899]

السلام عليكم
يبا هذي الشركة من قبل واهم حرامية يجمعون معاشات موظفينها من ظهورنا
حسبي الله ونعم الوكيل

 

[NOCOMMENT]

شنو سالفة الاخطاء زايدة هاليومين ولامن زمان وانتو ماتدرون

مدام كلن قال مشكلته هم انا بقول مشكلتي

فى 25-2-2009 نزل عرض في فيفا اشحن خطك ب 20 دينار ونعطيك 8 دنانير مجانا

اتصلت على الموظف وسألته هل العرض ساري قال نعم قلت اشترى بطاقة او اعبي من الموقع
قال كله واحد العرض يشمل كل شئ
ثاني يوم قمت وشحنت من الموقع ب 20 دينار على انه يجيني رصيد 28 بس للاسف ماعطوني الا 20 دينار
اتصلت عليهم قالوا اخوى الموقع مايشمله العرض العرض بس على الكروت
قلت اشلون مافيه بالموقع ملاحظة (العرض فقط على البطاقات) وهم الموظف سألته وقالى يشملهم قالوا بنسمع المكالمة ونعاقب الموظف قلت تعاقبونة ماتعاقبونة مايهمنى انا ابي ال 8 دنانير وبس
اتصلو على الدعم الفني فى 27 -2 وقالوا احنا اسفين وراح تنزل ال 8 دنانير برصيدك خلال يومين
والموظف 102 ماعندهم خبرة وتوة جداد قلت اوكي ونطرت7 ايام وماكو شئ واتصلت على المدير المستلم 102 وقالى انا كلمت الادارة الرئيسية وقالوا مايشمل العرض الموقع بس الموظف اهو المخطأ وان شاءالله بكتب كتاب للادراة يعوضونك ومن يومها صارلىاكثر من 12 يوم وماشفت شئ منهم مجرد حجي فاضى .​