!!! الحذر من فاتوره زين لهذا الشهر !!!

[معاي الحق]

اليوم زين دزو مسج بأن المبالغ التي اضيفت سيتم الغاؤها هذا الأسبوع

وانزين لو ما قريت تنبيه اخونا المراقب وما شيكت على الفاتورة والسبب!

ويا غافل لك الله، ودفعنا حق الحرامية

من يضمن لنا ان هذه اهي فقط المبالغ؟!؟

لان المبلغ مختلف من شخص لي الثاني!

 

[بومناور]

اذا كلمت ثانية واحدة بس يحب عليك دقيقة كاملة والدقيقة 40 فلس اعتقد بعد ان تورطوا فى الغاء المكالمات الارضية راح يحاولون التعويض بالنصب ..يسولف واحد من الربع عن النصب فى شين واحد من عيالة كل مايشحن كرت بوخمسة دنانير يومين ثلاث والا الرصيد خلص يوم راجعهم والا الخط فية خدمة اخبار ما ادرى شنوا وتجى اخبار والولد مايدرى عنها شى والخدمة هذة ماطلبها حطوها بدون استئذان فطلب الغائها وسكت اليس هذا سرقة ونصب لابارك اللة فى الفلوس الحرام

الدقيقة 45 فلس طال عمرك يا ولد العم لا وطايحين بشغله جديدة تكلم ربع دقيقة يفصل الخط علشان تدق مره ثانية

 

[almared]

مع الأسف الشديد أن يصل هذا الوضع في حساب الفواتير لهذا المستوي :

البارحه أتصلت علي 107 للإستعلام عن خدمه ومعروف أنه في البداية للرد الآلي يعطيك المبلغ المستحق
علي الهاتف ولاحظت زيادة في الفاتوره وبعد التأكد من الموظف المختص وجدنا سبب الزياده هي رسائل
بقيمة تجاوزت 32 دينار لخدمة أخبار الوطن مع العلم بأنني غير مشترك بهذه الخدمه وحسب كلام الموظف
أفاد بأن أخبار الوطن مجااااانية ونحن بإنتظار إتصال الدعم الفني ..


برجاء من الإخوه الأعضاء التأكد من فاتوره هذا الشهر ..

بمرور الوقت تغييرت الفاتورة بما يتعلق بخدمة رسائل الوطن فقط :


في السابق المبلغ المستحق كان 32 دينار أما المبلغ الحالي علي خدمة الوطن فقط تجاوز 125 دينار .


وفالكم المليوووون

 

[bhams]

زين حراميه بج تايم
مكالماتي قبل شهرين 350 دينار
والشهر هذا 70 دينار؟؟ لا وصفرته اخر الشهر الي فات وألحين 70 أقولهم شلون يقولون فواتير سابقه وتوها تنزل ؟؟؟ طيب شلون يبيلها أسبوع يالله تنزل؟؟ اما الايزي يحسب كم صرفت وجم سعر مكالمتك بعد ماتصكر الخط علي طول ؟؟؟ سبحان الله \\

وزارة المواصلات ضعيفه جدا

 

[معاي الحق]

بمرور الوقت تغييرت الفاتورة بما يتعلق بخدمة رسائل الوطن فقط :


في السابق المبلغ المستحق كان 32 دينار أما المبلغ الحالي علي خدمة الوطن فقط تجاوز 125 دينار .


وفالكم المليوووون

وانا بعد فاتورتي اليوم صارت 153

 

[The Phenomenon]

والله انك صدقت

يوم شفت موضوعك اتصلت طلع لي رقم اكثر من المتعود عليه مع انه بتاريخ 25 الشهر دافع فاتورتي

والله انه انا بالشهر يمكن ادفع 50 دينار مكالماتي دقيت عليهم طلع علي 58 باقل من 20 يوم

بعدها بيوم اتصلت عليهم ولقيت مكالماتي وصلت 72 وكلمه الموظف وقالي وانه مبلغ 55 دينار من الـ 72 تكلفة مسجات خدمة الوطن الاخباريه وانا مو مشترك فيها وبعدها قالي راح اسويلك طلب ويتصلون عليك الدعم الفني خلال 24 ساعه وجه الضيف

المهم اليوم اتصلت الا مكالماتي 174دك !!
ورجعت وكلمة الموظف قالي هذا خطأ بالكمبيوتر مع اكثر من مشترك وان شاء الله راح تنشال المبالغ من كل المشتركين اللي حصل خطأ في حسابهم وخلونا ننطر ونشوف شنو اخرتها معي هالنصبه هذي

 

[العملاق]

احسن شي نقاطعهم و نحول حق فيفا ..

 

[The Phenomenon]

يا جماعه توه مكالماتي وصلت 186 شنو هالسالفه البايخه

 

[mxxy]

وانا بعد فاتورتي اليوم صارت 153

يا جماعه توه مكالماتي وصلت 186 شنو هالسالفه البايخه

حلو يعني أنتو بعتقادي وخلال مكالمة وحده يفترض تسقط الفاتورة الغير مستحقه .

 

[The Phenomenon]

حلو يعني أنتو بعتقادي وخلال مكالمة وحده يفترض تسقط الفاتورة الغير مستحقه .

هلا دكتور نورت الصفحه

لا انا اقول خل ندفع حقهم هالفواتير ونعتبرها دعم منا لشركتنا العظيمه زين حفظها الله ورعاها وايضا هذا يعتبر دعم منا كمواطنين للاقتصاد خصوصا بالفتره هذي لازم الجميع يدعم الشركات ويضحي في ظل الازمه الاقتصاديه !


وعلي فكره تري انا مؤيد نظريتك اللي طرحتها بموضوع الساير

 

[CENTRALBANK]

اليوم دزولي مسج هذا نصه.. عزيزي المشترك سيتم تسوية المبالغ الخاصة بخدمة اخبار الراي خلال اسبوع
شركة zain قسم الحسابات
ولو مو مكنسل الخدمة من اول يوم اتوقع رصيدي مداه يوصل 600دينار

 

[Q8i11]

لاحول ولا قوة الا بالله

 

[مستثمر عنيد]

ما هو بزين

 

[Q8i11]

هذا يعتبر سرقه رصيد من العملاء
لا حول ولا قوة الا بالله العلي العظيم

 

[Night-Arrows]

والله يا جماعه انا ادرس بره الكويت عندي خط من شركه هناك ماخذ راحتي اتكلم وايد ما يوصل ربع فواتير الكويت حتى مره رجعت الكويت او استخدمته داخل الكويت او لمن جتني الفاتوره كنت متوقع اني بفلس ولا على 80 يورو .

هذا يدل على انه الشركات الي بالكويت صج حراميه ما يخافون الله

 

[مليون دينار]

كل واحد يدقق على الفاتورة وخصوصا اللى عامل استقطاع عن طريق البنك لسداد الفواتير

تم استقطاع من حسابي في البنك 57 دينار لسداد الفاتورة وصار اسبوع ما انخصم شئ من الفاتوره الشهريه

اتصلت فيهم يقولون ما وصل شئ واتصلت بالبنك واكدو ان خصم المبلغ استقطاع حق شركة زين

والله ما اخليهم

كل واحد يدقق صار البوق عادي

 

[عبدالعزيز34]

والله ماكو مثــــــل فيفـــــــــــــــا حولو لفيفا وشوفو الفــــــــــــــرق الاتصال من فيفا الى فيفا يحسب فقط اول خمس دقايق ومن ثم بلالالالالالالالالالالالالالالاش والله من صرررت مع فيفا وانا مرتاااااااااااااح وسيرفسهم عااااااااااااالى ماكو لا انقطاع ولا شي ويكفى اذا اشتركت في اى خدمه يكفى ان المبلغ لك حق تستخدمه مكالمات خارجيه او داخليه او رسايل يخصم من المبلغ اما زين او الوطنيه يلزمونك تدفع على الرسايل فيفا والله احسن

 

[CENTRALBANK]

كل واحد يدقق على الفاتورة وخصوصا اللى عامل استقطاع عن طريق البنك لسداد الفواتير

تم استقطاع من حسابي في البنك 57 دينار لسداد الفاتورة وصار اسبوع ما انخصم شئ من الفاتوره الشهريه

اتصلت فيهم يقولون ما وصل شئ واتصلت بالبنك واكدو ان خصم المبلغ استقطاع حق شركة زين

والله ما اخليهم

كل واحد يدقق صار البوق عادي

نفسي خصموا من حسابي ولا تسددت الفاتوره

 

[ليث متواضع]

انا صراحه عندي خط زين مرتاح منه وايد شريت خط فيفا ثاني مشكلته مافي سيرفس اكثر الاحيان فصلته وافتكيت منه

 

[اكسبلورر]

الامر عادي جدا يتم تحصيل الفاتورة من تاريخ 24 او تاريخ 25
ثم يحول الي الشركة اخر الشهر
انا صارلي 3 سنوات نفس الطريقة