ابي اشتري سياره لولدي كمل 18 شنو نصيحتكم لي . .. اي سيارة اخذله

الموضوع في 'اعلانات المركبات' بواسطة قناص_السوق, بتاريخ ‏13 مارس 2009.

حالة الموضوع:
مغلق
  1. قناص_السوق

    قناص_السوق عضو نشط

    التسجيل:
    ‏8 يناير 2009
    المشاركات:
    1,316
    عدد الإعجابات:
    223
    السلام عليكم ....

    من بعد شوركم وهداية الله يا رب

    ابي اشتري سيارة لولدي بشرط ان يكون وايد شباب عندهم منها حتى ما يحاسبني ويقول انت ما سويت شي لي في حياتك

    شنو نصيحتكم لي وكاله ولا مستعمل
    وشنو السياره الي اخذله برايكم قويه و تتحمل و الشباب عندهم منها
    اخذ له اقساط ولا كاش ؟ برايكم

    وجم سعر السياره حق واحد بعمره زين انا حاط ببالي حدي 5 حسب ميزانيتي ما تسمح اكثر

    وانتو شلون شريتو حق عيالكم خاصتا عنده اخوه بعد سنه يكمل وما ادري شلون بس الله يحلها انشالله

    ابي شي يناسب عمره ويستانس حتى بالمستقبل لا يحاسبني ؟؟
     
  2. Maxima

    Maxima عضو جديد

    التسجيل:
    ‏24 سبتمبر 2007
    المشاركات:
    830
    عدد الإعجابات:
    1
    كامري gl أقل مواصفات من الوكالة اعتقد بحدود 5500
     
  3. MilaNi

    MilaNi عضو جديد

    التسجيل:
    ‏13 أغسطس 2008
    المشاركات:
    292
    عدد الإعجابات:
    0
    اخوي اخذ رأي الولد
    وعطنا اختياراته شنو ..؟
    ولاتحرمه من شي يبيه لأنه في سن يحتاج يحس ان كل شي متوفر عنده لكي لايتبع سلوك آخر يلبي احتياجاته ..
    بالنسبه لميزانيتك تقدر تاخذ سيارة من الوكاله كامري او غيرها
    ولكن الرغبه الأساسيه عند الولد
    وعسى الله يصلحه
    وبالنسبه لتحويل السياره اقساط او كاش
    لو عندك كاش اخذها احسن
    لأن عندك ولدك الثاني على قولتك راح يكمل بعد سنه
    حط عندك رصيد بالأقساط للحالات الطارئه
    وخصوصا بعد قرار الـ 40 %
    وعسى الله يصلحهم ويخليهم لك يارب
     
  4. al-elaj

    al-elaj عضو جديد

    التسجيل:
    ‏25 سبتمبر 2008
    المشاركات:
    512
    عدد الإعجابات:
    0
    كلام اخوي صحيح 100%
     
  5. abu saleh9

    abu saleh9 عضو جديد

    التسجيل:
    ‏8 مارس 2009
    المشاركات:
    8
    عدد الإعجابات:
    0
    السلام عليكم

    الله يحفظهم ويخليهم لك ويجعلهم قرة عين لك ولوالدتهم

    صحيح خذ رأيه واستشيره وخله يستخير الله ثم يقرر

    ,,,,,

    ((( ويقول انت ما سويت شي لي في حياتك )))

    أعوذ بالله أن يقول الابن مثل هالكلام فالحياة ليست ماديات وإن كنا في حاجة لها

    بعد أن علمته طريق المسجد وعلمته القران وعلمته كيف يصل الرحم وعلمته كيف يحب الله ورسوله يقول لي مثل هذا الكلام

    اعذرني اخوي في استرسالي في الكلام فقد صدمت بما قلت

    اسأل الله ان يرزقنا الزوجة والذرية الصالحة
     
  6. قناص_السوق

    قناص_السوق عضو نشط

    التسجيل:
    ‏8 يناير 2009
    المشاركات:
    1,316
    عدد الإعجابات:
    223
    الله يجعلها في ميزان حسناتكم بخصوص الكامري الولد ما يبي 4 سلندر

    ومصر على 6 او 8 سلندر

    وهو بخاطره موستنج وانا رافض انتو شرايكم لانها سريعه وسمعت ان خرابات و غير عمليه

    بس على كلامه اخذه مستعمل وما يبيه حق دوس يبيه حتى يحس ان اهو نفس اغلب الشباب وعنده سياره حلوه جدام ربعه وفيه حيل يصبر لم نلقى نظيف وعلى كلامه في 6 سلندر

    الي فهمته من الولد ان يبي سياره تناسب جيله واكثر الشباب عندهم منه حتى يحس ان حاله من حال اغلب الشباب

    شرايكم بكلام الولد

    وفي موستنج 6 سلندر على كلامه هل صحيح ؟
     
  7. ابوشهاب

    ابوشهاب عضو جديد

    التسجيل:
    ‏1 ديسمبر 2007
    المشاركات:
    180
    عدد الإعجابات:
    0
    الله يخليه لك يارب

    بخصوص السياره
    انا من رايي تكلم الولد عن السيارات اللي بباله

    وانا عن نفسي انصحك بالمكسيما من الوكالة .. سعرها اعتقد 5 الاف
    سياره شكلها شبابي تقريبا .. وممشاها حلو وصالون

    بس يمكن يكون ببال الولد سياره
    كلمه واخذ رايه

    والله يوفقك ويبارك لك بعيالك يارب
    وبالتوفيق ,,
     
  8. q8i^boy

    q8i^boy عضو جديد

    التسجيل:
    ‏1 مارس 2009
    المشاركات:
    581
    عدد الإعجابات:
    0
    الله يخليكم لبعض
    وخير الولد علي كم سياره علي حسب الميزانيه الي تقدر عليها
    والله يوفقه انشالله ويبعده عن الحوادث ويستر عليه
    شوف الكامري والمكسيما والاتيما
    بالتوفيق انشالله
     
  9. LITERATURE

    LITERATURE موقوف

    التسجيل:
    ‏2 فبراير 2009
    المشاركات:
    260
    عدد الإعجابات:
    0
  10. MilaNi

    MilaNi عضو جديد

    التسجيل:
    ‏13 أغسطس 2008
    المشاركات:
    292
    عدد الإعجابات:
    0

    اخذله اوريون 6 سلندر
     
  11. MilaNi

    MilaNi عضو جديد

    التسجيل:
    ‏13 أغسطس 2008
    المشاركات:
    292
    عدد الإعجابات:
    0

    اخذله اوريون 6 سلندر
    المشكله ان الولد رغبته سبورت
    والموستنج في منه 6 سلندر
    القرار يعود لك
    بس للعلم مافي احد يركب موستنج
    ومايدووووس ^&^
    حتى لو كان عمره 30
     
  12. vette

    vette عضو نشط

    التسجيل:
    ‏20 سبتمبر 2006
    المشاركات:
    543
    عدد الإعجابات:
    0
    السلام عليكم ..
    الله يخليلك اعيالك ويبلغك فيهم وتشوف عيال اعيالهم ...

    انا ماانصحك بالموستج 6سلندر لانها تجارى ولايوجدلها قطع غيار
    الموستنج 8سلندر عملية ومافيها خرابات اذا استعملت استعمال نظيف
    والحافظ الله ...
    بس اخوى تقدر تشوف له سيارة عملية وشكلها سبورت و4 ابواب و6 سلندر
    اوسع من الموستنج
    يعنى ممكن اى واحد فى البيت يستعملها وقت الحاجة
    شفر لومينا s
     
  13. قناص_السوق

    قناص_السوق عضو نشط

    التسجيل:
    ‏8 يناير 2009
    المشاركات:
    1,316
    عدد الإعجابات:
    223
    عموما يجزاكم الله خير على نياتكم يا رب

    وشكرا لمن وضع كلام عز و جل جلاله في هذا الموضوع جعلها في ميزان حسناته انشاءالله


    انا شكلي بطقلي فره على الجامعات والمعاهد اشوف الشباب الاغلبيه شنو سياراتهم

    لان ودي اخذله الشي الزين على قولتهم و يعيش وياه ويكون الي بعمره الاغلبيه عندهم منه

    وبنفس الوقت الشي الي ما يعاتبني الولد ليه كبر ويحسسني اني قصرت عليه

    بخصوص الفورد الفوكس انا فكرت فيه لكن لم قعدت مع الولد فهمت ان ميوله سبورت وشي ضخم بالشارع
     
  14. بو مشعل*****

    بو مشعل***** عضو جديد

    التسجيل:
    ‏9 فبراير 2009
    المشاركات:
    17
    عدد الإعجابات:
    0
    السلام عليكم ورحمة الله
    الله يخليهم لك
    السيارة على حسب إحتياجات الشخص منها وسيلة وليست غاية .
    وبالتوفيق.
     
  15. moschin0

    moschin0 عضو جديد

    التسجيل:
    ‏31 يناير 2009
    المشاركات:
    158
    عدد الإعجابات:
    0
    نفس ما قالولك الشباب شوف رايه والموستنق اسعارها قريبه من الكزانيه وسياره حلوه وقطعها رخيصه وكل شي فيها حلو .. واخذ الولد وده خله يشوف موستنق شوف رده فعله ولاتخلي شي بخاطره وعسى الله يطول بعمرك ويخليك لاهلك
     
  16. بو مشعل*****

    بو مشعل***** عضو جديد

    التسجيل:
    ‏9 فبراير 2009
    المشاركات:
    17
    عدد الإعجابات:
    0
    الله يرحم والديك
    الولد إذا كبر وتزوج وشاف عياله إنشاء الله عرف إنت شسويت له من سهر ومصاريف ومستشفيات ........... يعني راح ينسى هذا كله عشان سيارة::verymad:: ......؟؟؟ لا إنشاء الله ماقصرت وياه وإنشاء الله مايقصر وياك .
     
  17. قناص_السوق

    قناص_السوق عضو نشط

    التسجيل:
    ‏8 يناير 2009
    المشاركات:
    1,316
    عدد الإعجابات:
    223
    والله يا بومشعل ما تقصر على النصيحه وفعلا هذا انا الي اقوله واتفق وياك ...

    بس المشكله بعدهم صغار ما يحسون

    والتفكير الثاني الي افكر فيه انا ان ما اخلي شي يشغل بال الولد عن دراسته ومستقبله ويحاول يحصل على الي يبيه او يشتري وناسته باسرع طريقه ...... والخساره هني تدوبل
     
  18. MilaNi

    MilaNi عضو جديد

    التسجيل:
    ‏13 أغسطس 2008
    المشاركات:
    292
    عدد الإعجابات:
    0
    اخوي ,, عطه اللي يبيه وفهمه ان هالشي له مقابل قوله عطيتك سياره عطني شهاده
    واهم شي لايكون من اللي يحبون السرعه :)
    عسى الله يخليه لك يارب
    ويخليك ذخر لهم
     
  19. قناص_السوق

    قناص_السوق عضو نشط

    التسجيل:
    ‏8 يناير 2009
    المشاركات:
    1,316
    عدد الإعجابات:
    223
    ويخليك لاهلك يا قلبي ويجزاك خير على التوقيع الطيب يا رب يجعلك الجنه مأوى و يعطيك قدر النية



    من ناحية السرعة كل واحد عنده عقل , وانا اكتفيت اني افهمه بأن السرعه وناسه و كل مغامره وناسه

    لكن لو تنظر لها بالمنطق اي سياره تلق لق بالشارع وصبغتها نظيفه ودك تكون هذي سيارتك و برهان على كلامي ان اذا انت تبي سياره ما ترضى اخذلك سياره مزلقه او مكسره تبيها شرط الفحص ونظيفه

    والسرعه اضرارها اكثر من منافعها منفعتها بس الوناسه ...لكن لو عملنا جدول وقسنا الاضرار والمنافع بحالات السرعه من عدمها بنشوف الطريج الصح والحياة الاحلى الي تبعدنا عن اي قلق او اي مشكله تحدث بالمستقبل بعيد الشر عن الجميع مو بس الحوادث حتى صبغ السياره ... نظرتها اللامعه .... نظافة النوافذ ....... صوتها الهادئ .... ممشاها المرن و والثابت نسبيا من الرجفات وهالامور .... الخ
    والي ما يطيع على قولتهم يضيع و كل واحد خل يمسك مينونه لا ييه الي اين منه

    والله الهادي انشالله
     
  20. mesh3all

    mesh3all عضو جديد

    التسجيل:
    ‏28 فبراير 2009
    المشاركات:
    104
    عدد الإعجابات:
    0
    اخوي انا عندي سياره للبيع شرط الفحص نظيفه جدا
    افتح الرابط وخلي ابنك يشوفها واذا اوكي دق علي 97674574
    http://www.indexsignal.com/vb/showthread.php?t=155127
     
حالة الموضوع:
مغلق